46
1 I umeqqran n imeɣnajen. Zeg ayt n Quraḥ. S lharpat ittwarriglan ɣar sennej. Izři.
2 AREBBI d amcan n tarewřa
d jjehd i neccin.
Aqa iban-dd ittic afus aṭṭas
di řeḥṣarat.
3 X uya war nᵉtteggʷed ca,
waxxa ad tbeddeř tammurt,
ad wḍan idurar deg wuř n řebḥur, ◘46:3 Asa. 16:18-21
4 ad hajant řḥemřat nnes,
ad ggent akuffu,
ad nhezzen idurar s unneqřeb nnes! Silah.
5 Tiɣezratin n iɣzar
ad ssfarrḥent tandint n AREBBI,
Zzawect Iqeddsen
n Tzeddiɣin n Umɛuǧi x kuřci. ◘46:5 Asa. 22:1
6 AREBBI aqa-t di řwest nnes,
war tᵉttenhezza,
AREBBI ad as iwc afus
xmi dd ɣa tessij tuffut. ◘46:6 Asa. 14:1; 21:22, 23; Zak.14:4-9
7 Řegnus muzzaren,
tigeldiwin nhezzent.
Netta igga tmijja nnes ad tᵉttwaseř,
tammurt aqa tefsi.
8 SIDI n řɛeskarat aqa-t akidneɣ,
AREBBI n Yaɛqub
d lburj nneɣ yuɛřan. Silah.
9 Asem-dd, xzarem timegga n SIDI,
Netta i iggin anexřiɛ x temmurt.
10 Netta issbedda imenɣan
ař aneggar n temmurt,
Netta ad yarẓ řqews,
iccat lansa di iwetwiten,
ikarruten issecmaḍ i-ten s tmessi. ◘46:10 Mixa 4:3; Asa. 2:26-28;
11 Sbedd, snem illa aqa Necc d AREBBI.
Necc ad ttwassgeɛɛdeɣ jar řegnus,
Necc ad ttwassgeɛɛdeɣ x temmurt.
12 SIDI n řɛeskarat aqa-t akidneɣ,
AREBBI n Yaɛqub
d lburj yuɛřan i neccin.
Silah.
◘46:3 46:3 Asa. 16:18-21
◘46:6 46:6 Asa. 14:1; 21:22, 23; Zak.14:4-9
◘46:10 46:10 Mixa 4:3; Asa. 2:26-28;