2
ⵚⵚⵉⴼⴻⵜ ⵏ ⵜⵙⴻⵅⵅⴰⵔⵜ ⵏ ⴱⵓⵍⵓⵙ
1 ⴰ ⴰⵢⵜⵎⴰ, ⵍⴰⵎⵉ ⴷⴷ-ⵓⵙⵉⵖ ⵖⴰⵔⵡⴻⵎ, ⵡⴰⵔ ⴷⴷ-ⵓⵙⵉⵖ ⵛⴰ ⵃⵉⵎⴰ ⴰⴷ ⴰⵡⴻⵎ ⴱⴰⵔⵔⵃⴻⵖ ⵍⴻⵅⴱⴰⵔ ⴰⵚⴻⴱⵃⴰⵏ ⵏ ⵙⵙⵉⵔⵔ ⵏ ⴰⵔⴻⴱⴱⵉ ⵙ ⵜⴱⴻⵣⵣⴰⵃⵜ ⵏ ⵡⴰⵡⴰⵍ ⵏⵉⵖ ⵙ ⵜⵉⵖⵉⵜ, ◘2:1 1 ⴽⵓⵔ. 1:17; 2:4. 2 ⵎⵉⵏⵣⵉ ⴰⵇⴰ ⵜⵓⵖⴰ ⵄⴻⵡⵡⵍⴻⵖ ⵃⵉⵎⴰ ⵡⴰⵔ ⵜⵜⴻⵙⵙⵏⴻⵖ ⵛⴰ ⵊⴰⵔ ⴰⵡⴻⵎ ⵎⵖⵉⵔ ⵢⴰⵙⵓⵄ ⵍⵎⴰⵙⵉⵃ, ⴷ ⵡⴻⵏⵏⵉ ⵉⵜⵜⵡⴰⵚⴻⵍⵍⴱⴻⵏ ⵄⴰⵡⴻⴷ. 3 ⵜⵓⵖⴰ ⴰⵢⵉ ⴰⴽⵉⴷⵡⴻⵎ ⵙ ⵡⴰⵟⵟⴰⵙ ⵏ ⵜⵉⴳⴳⵯⵓⴷⵉ ⴷ ⵓⵇⴷⵉⴷⴻⵙ. ◘2:3 ⵍⴻⵅ. 18:1, 3; 2 ⴽⵓⵔ. 10:10. 4 ⵜⴰⴱⵔⴰⵜ ⵉⵏⵓ ⴷ ⵜⴱⴰⵔⵔⴻⵃⵜ ⵉⵏⵓ ⵡⴰⵔ ⴷⴷ-ⵓⵙⵉⵏⵜ-ⵉ-ⴷⴷ ⵙ ⵡⴰⵡⴰⵍⴻⵏ ⵉⵣⴻⵡⵡⵇⴻⵏ ⵏ ⵜⵉⵖⵉⵜ ⵏ ⴱⵏⴰⴷⴻⵎ, ⵎⴰⵛⴰ ⵙ ⵡⴻⵙⵛⴰⵏ ⵏ ⴰⵔⵔⵓⵃ ⴷ ⵊⵊⴻⵀⴷ, ◘2:4 1 ⴽⵓⵔ. 1:17; 2:1; 2 ⴱⵟ. 1:16. 5 ⵃⵉⵎⴰ ⵍ’ⵉⵎⴰⵏ ⵏⵡⴻⵎ ⵡⴰⵔ ⵉⵜⵜⴱⴻⴷⴷⵉ ⵛⴰ ⵅ ⵜⵉⵖⵉⵜ ⵏ ⵉⵡⴷⴰⵏ, ⵎⴰⵛⴰ ⵅ ⵊⵊⴻⵀⴷ ⵏ ⴰⵔⴻⴱⴱⵉ. ◘2:5 2 ⴽⵓⵔ. 4:7.
6 ⵎⴰⵛⴰ ⵏⴻⵙⵙⴰⵡⴰⵍ ⵙ ⵜⵉⵖⵉⵜ ⵉ ⵢⵉⵏⵏⵉ ⵜ ⵉⵡⴹⴻⵏ, ⴰⵇⴰ ⵙ ⵉⵛⵜ ⵏ ⵜⵉⵖⵉⵜ ⵜⴻⵏⵏⵉ ⵡⴰⵔ ⵉⴵⵉⵏ ⵏ ⴷⴷⵓⵏⴻⵛⵜ-ⴰ ⵏⵉⵖ ⵏ ⵍⵃⵓⴽⴽⴰⵎ ⵏ ⴷⴷⵓⵏⴻⵛⵜ-ⴰ, ⵉⵏⵏⵉ ⵉ ⵖⴰ ⵉⵜⵜⵡⴰⵙⵙⴱⴻⵟⵟⵍⴻⵏ, ◘2:6 ⴰⵢⵓⴱ 28:21; 1 ⴽⵓⵔ. 15:24. 7 ⵎⴰⵛⴰ ⵏⴻⵙⵙⴰⵡⴰⵍ ⵜⵉⵖⵉⵜ ⵏ ⴰⵔⴻⴱⴱⵉ ⵙ ⵉⵊⵊ ⵏ ⵙⵙⵉⵔⵔ ⵉ ⵜⵓⵖⴰ ⵉⵏⵓⴼⴼⴰⵔⴻⵏ, ⵡⴻⵏⵏⵉ ⵜⵓⵖⴰ ⵉⵣⵣⴰⵔ ⵉⴼⴰⵔⵣ ⵉ-ⵜ ⴰⵔⴻⴱⴱⵉ ⵉ ⵓⵄⵓⴵⵉ ⵏⵏⴻⵖ ⵇⴱⴻⵍ ⵉ ⵜⵓⵖⴰ ⴷⵉⵏ ⵣⵣⵎⴰⵏⴰⵜ. ◘2:7 ⵔⵓⵎ. 16:25; 1 ⴽⵓⵔ. 4:1. 8 ⵡⴰ ⴷ ⵙⵙⵉⵔⵔ ⵏⵏⵉ ⵡⴰⵔ ⵜ ⵉⵙⵙⵉⵏ ⵓⵍⴰ ⴷ ⵉⵊⵊ ⵣⵉ ⵍⵃⵓⴽⴽⴰⵎ ⵏ ⴷⴷⵓⵏⴻⵛⵜ-ⴰ, ⵎⵉⵏⵣⵉ ⵎⴰⵍⴰ ⵜⵓⵖⴰ ⵙⵙⵏⴻⵏ ⵜ, ⵉⵍⵉ ⵡⴰⵔ ⵚⴻⵍⵍⴱⴻⵏ ⵄⴻⵎⵎⴰⵔⵚ ⵙⵉⴷⵉ ⵏ ⵓⵄⵓⴵⵉ. ◘2:8 ⵎⵜ. 11:25; ⵢⵃ. 7:48; 16:3; ⵍⴻⵅ. 3:17; 13:27; 2 ⴽⵓⵔ. 3:14; 1 ⵜⵉⵎ. 1:13. 9 ⵎⴰⵛⴰ ⴰⵎ ⵎⴰⵎⵎⴻⵛ ⵜⵓⵔⴰ:
“ⵎⵉⵏ ⵡⴰⵔ ⵜⴻⵥⵔⵉ ⵜⵉⵟⵟ ⴷ ⵎⵉⵏ ⵡⴰⵔ ⵉⵙⵍⵉ ⵓⵎⴻⵣⵣⵓⵖ
ⴷ ⵎⵉⵏ ⵡⴰⵔ ⵢⵓⴷⵉⴼⴻⵏ ⵛⴰ ⵖⴰⵔ ⵡⵓⵍ ⵏ ⴱⵏⴰⴷⴻⵎ,
ⴰⵇⴰ ⵎⴰⵏ ⴰⵢⴰ ⵉⵙⵙⴻⵡⵊⴻⴷ ⵉ-ⵜ ⴰⵔⴻⴱⴱⵉ ⵉ ⵢⵉⵏⵏⵉ ⵜ ⵉⵜⵜⴻⵅⵙⴻⵏ.” ◘2:9 ⵉⵛⴰ. 64:3.
10 ⵎⴰⵛⴰ ⴰⵔⴻⴱⴱⵉ ⵉⵎⵎⴻⵍ ⴰⵏⴻⵖ ⵜ ⵙ ⴰⵔⵔⵓⵃ ⵏⵏⴻⵙ, ⵎⵉⵏⵣⵉ ⴰⵔⵔⵓⵃ ⵜⴰⵔⴻⵣⵣⵓ ⴽⵓⵍⵛⵉ ⵓⵍⴰ ⴷ ⵍⴰⴵⴰⵖ ⵏ ⴰⵔⴻⴱⴱⵉ. ◘2:10 ⵎⵜ. 13:11; 2 ⴽⵓⵔ. 3:18. 11 ⵎⵉⵏⵣⵉ ⵎⴰⵏ ⵡⴻⵏ ⴷ ⴱⵏⴰⴷⴻⵎ ⵉ ⵉⵙⵙⵏⴻⵏ ⵎⵉⵏ ⵉⴵⴰⵏ ⴷⵉ ⴱⵏⴰⴷⴻⵎ ⵎⵖⵉⵔ ⴰⵔⵔⵓⵃ ⵏ ⴱⵏⴰⴷⴻⵎ ⵡⴻⵏⵏⵉ ⴷⴰⵢⴻⵙ ⵉⴵⴰⵏ. ⴰⵎⵎⵓ ⵄⴰⵡⴻⴷ ⵓⵍⴰ ⴷ ⵉⵊⵊ ⵡⴰⵔ ⵉⵙⵙⵉⵏ ⵛⴰ ⵎⵉⵏ ⵉⴵⴰⵏ ⴷⵉ ⴰⵔⴻⴱⴱⵉ ⵎⵖⵉⵔ ⴰⵔⵔⵓⵃ ⵏ ⴰⵔⴻⴱⴱⵉ. ◘2:11 ⴰⵡⵍⵏ. 27:19; ⵉⵔⵎ. 17:9.
12 ⴰⵇⴰ ⵏⴻⵛⵛⵉⵏ ⵡⴰⵔ ⵏⴻⴽⵙⵉ ⵛⴰ ⴰⵔⵔⵓⵃ ⵏ ⴷⴷⵓⵏⴻⵛⵜ, ⵎⴰⵛⴰ ⴰⵔⵔⵓⵃ ⵉ ⴷⴷ-ⵢⵓⵙⵉⵏ ⵣⵉ ⴰⵔⴻⴱⴱⵉ, ⵃⵉⵎⴰ ⴰⴷ ⵏⴻⵙⵙⴻⵏ ⵎⵉⵏ ⴷ ⴰⵏⴻⵖ ⵉⵡⵛⴰ ⴰⵔⴻⴱⴱⵉ. ◘2:12 ⵔⵓⵎ. 8:15. 13 ⵙ ⵓⵢⴻⵏⵏⵉ ⴰⵡⴰⵍⴻⵏ ⵉ ⵣⵉ ⵏⴻⵙⵙⴰⵡⴰⵍ, ⵡⴰⵔ ⴵⵉⵏ ⴷ ⵜⵖⵓⵔⵉ ⵙ ⵡⴰⵡⴰⵍⴻⵏ ⵏ ⵜⵉⵖⵉⵜ ⵏ ⴱⵏⴰⴷⴻⵎ, ⵎⴰⵛⴰ ⴷ ⵜⵖⵓⵔⵉ ⵣⵉ ⴰⵔⵔⵓⵃ, ⵃⵉⵎⴰ ⴰⴷ ⵏⴻⵙⵙⴻⵎⵇⵓⴷⴷⴰ ⵎⵉⵏ ⵉⴵⴰⵏ ⵏ ⴰⵔⵔⵓⵃ ⴰⴽ-ⴷ ⵎⵉⵏ ⵉⴵⴰⵏ ⵏ ⴰⵔⵔⵓⵃ. ◘2:13 1 ⴽⵓⵔ. 1:17; 2:4; 2 ⴱⵟ. 1:16 14 ⵎⴰⵖⴰⵔ ⴱⵏⴰⴷⴻⵎ ⵙ ⵢⵉⵅⴻⴼ ⵏⵏⴻⵙ ⵡⴰⵔ ⵉⵇⴻⴱⴱⴻⵍ ⵛⴰ ⵎⵉⵏ ⵉⴵⴰⵏ ⵏ ⴰⵔⵔⵓⵃ, ⵎⵉⵏⵣⵉ ⵉⵃⴻⵙⴱ ⵉ-ⵜ ⴷ ⵜⵓⴱⴱⵓⵀⴻⵍⵢⴰ, ⵡⴰⵔ ⵉⵣⴻⵎⵎⴰⵔ ⴰⴷ ⵜ ⵉⴼⵀⴻⵎ, ⵎⵉⵏⵣⵉ ⵎⴰⵏ ⴰⵢⴰ ⵉⵣⴻⵎⵎⴰⵔ ⴰⴷ ⵉⵜⵜⵡⴰⴼⴰⵔⵣ ⵙ ⴰⵔⵔⵓⵃ ⵡⴰⵀⴰ. 15 ⵎⴰⵛⴰ ⴱⵏⴰⴷⴻⵎ ⴰⵔⵔⵓⵃⴰⵏⵉ ⴰⵇⴰ ⵉⵣⴻⵎⵎⴰⵔ ⴰⴷ ⵉⴼⴰⵔⵣ ⴽⵓⵍⵛⵉ, ⵎⴰⵛⴰ ⵏⴻⵜⵜⴰ ⵙⵉⵎⴰⵏⵜ ⵏⵏⴻⵙ ⵡⴰⵔ ⵅⴰⵙ ⵉⵃⴻⴽⴽⴻⵎ ⵓⵍⴰ ⴷ ⵉⵊⵊ. ◘2:15 ⴰⵡⵍⵏ. 28:5. 16 ⵎⵉⵏⵣⵉ ⵡⵉ ⵉⵙⵙⵏⴻⵏ ⴰⵅⴻⵎⵎⴻⵎ ⵏ ⵙⵉⴷⵉ ⴰⵍⴰⵎⵉ ⵉⵣⴻⵎⵎⴰⵔ ⴰⴷ ⵜ ⵉⵙⵙⴻⵍⵎⴻⴷ? ⵎⴰⵛⴰ ⵏⴻⵛⵛⵉⵏ ⵖⴰⵔⵏⴻⵖ ⴰⵅⴻⵎⵎⴻⵎ ⵏ ⵍⵎⴰⵙⵉⵃ. ◘2:16 ⵉⵛⴰ. 40:13; ⵔⵓⵎ. 11:34.
◘2:1 2:1 1 ⴽⵓⵔ. 1:17; 2:4.
◘2:3 2:3 ⵍⴻⵅ. 18:1, 3; 2 ⴽⵓⵔ. 10:10.
◘2:4 2:4 1 ⴽⵓⵔ. 1:17; 2:1; 2 ⴱⵟ. 1:16.
◘2:5 2:5 2 ⴽⵓⵔ. 4:7.
◘2:6 2:6 ⴰⵢⵓⴱ 28:21; 1 ⴽⵓⵔ. 15:24.
◘2:7 2:7 ⵔⵓⵎ. 16:25; 1 ⴽⵓⵔ. 4:1.
◘2:8 2:8 ⵎⵜ. 11:25; ⵢⵃ. 7:48; 16:3; ⵍⴻⵅ. 3:17; 13:27; 2 ⴽⵓⵔ. 3:14; 1 ⵜⵉⵎ. 1:13.
◘2:10 2:10 ⵎⵜ. 13:11; 2 ⴽⵓⵔ. 3:18.
◘2:11 2:11 ⴰⵡⵍⵏ. 27:19; ⵉⵔⵎ. 17:9.
◘2:13 2:13 1 ⴽⵓⵔ. 1:17; 2:4; 2 ⴱⵟ. 1:16
◘2:15 2:15 ⴰⵡⵍⵏ. 28:5.
◘2:16 2:16 ⵉⵛⴰ. 40:13; ⵔⵓⵎ. 11:34.