110
Zihova meke sa Nana Baṉara Ta Vizatana
(Keke Kinorokorotae te Devita)
1 Zama se Zihova koasa qua Baṉara,*Mt 22:44; Mk 12:36; Lk 20:42-43; TTA 2:34-35; 1 Kor 15:25; Epi 1:20-22; Kol 3:1; Hib 1:13, 8:1, 10:12-13
“Mu habotu pa kali Mataoqu,
osolae vekoi Rau sari Mua kana pa kauru Nenemu,” gua.*Sa ginuana “pa kauru Nenemu” si osolae tava kilasa sari na mua kana.
2 Kaqu va repaha la ia e Zihova sa Mua ṉiniraṉira, podalae pa Zaione.
Mu koa totoli ni sari na Mua kana.
3 Pana razai Goi sari na Mua kana,
kaqu somana qetuqetu koari na tie varipera Tamugoi sari na Mua tie vaqura.
Kaqu somana mae koa Goi guana puni munumunu koari na toqere hopedi.*Sa zinama Hiburu pa vesi hie si tasuna. Gina keke iniliri pule si guahe: “Na baṉara tolavaemu si goi podalae pa mua pinodo, tava lavata meke madimu podalae pa tiana sa tinamu meke sipu na tie vaqura si goi.”
4 Keke vina tatara nabuna si tavetia e Zihova, meke lopu kaqu hobea Sa si asa, sapu guahe:*Hib 5:6, 6:20, 7:17,21
“Agoi si na hiama ninae rane ka rane,
pa kinehana e Melekizadeki d,” gua.
5 Kaqu somana pa Mua ṉiniraṉira sa Tamasa.
Pana bugoro Sa, si kaqu va kilasi Sa sari na baṉara.
6 Kaqu pitui Sa sari na butubutu.
Kaqu va siṉi ni tie matedi Sa sari doduru vasidi varipera.
Kaqu va kilasi Sa sari na baṉara pa kasia popoa.
7 Kaqu napoa sa baṉara sa berukehe pa kapa siraṉa meke ṉiṉira,
meke kaqu turu va mataqara si asa.
*110:1 Mt 22:44; Mk 12:36; Lk 20:42-43; TTA 2:34-35; 1 Kor 15:25; Epi 1:20-22; Kol 3:1; Hib 1:13, 8:1, 10:12-13
*110:1 Sa ginuana “pa kauru Nenemu” si osolae tava kilasa sari na mua kana.
*110:3 Sa zinama Hiburu pa vesi hie si tasuna. Gina keke iniliri pule si guahe: “Na baṉara tolavaemu si goi podalae pa mua pinodo, tava lavata meke madimu podalae pa tiana sa tinamu meke sipu na tie vaqura si goi.”