136
Kinerana sa Vinariponi Zama Leana
1 Mi vahesia se Zihova, ura na leana si Asa,* 1 Koron 16:34; 2 Koron 5:13, 7:3; Ezr 3:11; Sam 100:5, 106:1, 107:1, 118:1; Zer 33:11
meke sa Nana tataru nabuna si koa hola ninae rane.
2 Mi vahesia sa Tamasa tadi na tamasa,
ura sa Nana tataru nabuna si koa hola ninae rane.
3 Mi vahesia sa Baṉara tadi na baṉara,
ura sa Nana tataru nabuna si koa hola ninae rane.
4 Asa mo telena si taveti sari na tinavete variva magasadi,
ura sa Nana tataru nabuna si koa hola ninae rane.
5 Pa Nana tinumatumae si taveti Sa sari doduru tiṉitoṉa pa maṉauru,* Zen 1:1
ura sa Nana tataru nabuna si koa hola ninae rane.
6 Kuria Sa sa kasia popoa koasa kolo lamana* Zen 1:2
ura sa Nana tataru nabuna si koa hola ninae rane.
7 Taveti Sa sari na rimata na sidara,* Zen 1:16
ura sa Nana tataru nabuna si koa hola ninae rane.
8 Sa rimata si va kalalasia sa rane,
ura sa Nana tataru nabuna si koa hola ninae rane.
9 Sari na sidara na pinopino si va kalalasia sa boṉi,
ura sa Nana tataru nabuna si koa hola ninae rane.
10 Asa tugo sapu va matedi sari na tudia koreo kenudi ri pa Izipi,* Ekd 12:29
ura sa Nana tataru nabuna si koa hola ninae rane.
11 Turaṉa vura ni Sa pa Izipi sari na tie Izireli,
ura sa Nana tataru nabuna si koa hola ninae rane.
12 Koari na lima heheda Tanisa si qaqama lani sa pude harupi,
ura sa Nana tataru nabuna si koa hola ninae rane.
13 Asa tugo vari paqaha nia sa Kolo Ziṉara,* Ekd 14:21-29
ura sa Nana tataru nabuna si koa hola ninae rane.
14 Meke turaṉa va karovi Sa sari Nana tie,
ura sa Nana tataru nabuna si koa hola ninae rane.
15 Va lodu matea Sa pa kolo se Pero meke sari nana tie varipera,
ura sa Nana tataru nabuna si koa hola ninae rane.
16 Turaṉi Sa pa korapa qega sari Nana tie,
ura sa Nana tataru nabuna si koa hola ninae rane.
17 Va matei Sa sari na baṉara ṉiṉiradi,
ura sa Nana tataru nabuna si koa hola ninae rane.
18 Seke va matei Sa sari na baṉara ta gilanadi pa doduru tie,
ura sa Nana tataru nabuna si koa hola ninae rane.
19 Sihoni, sa baṉara tanisa butubutu Amoraiti si keke koa rini,* Nab 21:21-30
ura sa Nana tataru nabuna si koa hola ninae rane,
20 meke e Oqo tugo, sa baṉara pa Basani;* Nab 21:31-35
ura sa Nana tataru nabuna si koa hola ninae rane.
21 Poni sa koari Nana tie sari na dia popoa,
ura sa Nana tataru nabuna si koa hola ninae rane.
22 Vala ni Sa si arini koari na tie Izireli sari Nana nabulu,
ura sa Nana tataru nabuna si koa hola ninae rane.
23 Lopu muliṉini gita Sa totoso tava kilasa si gita,
ura sa Nana tataru nabuna si koa hola ninae rane.
24 Vata rupaha gita Sa si gita koari na nada kana,
ura sa Nana tataru nabuna si koa hola ninae rane.
25 Asa poni ni sari doduru tiṉitoṉa toadi,
ura sa Nana tataru nabuna si koa hola ninae rane.
26 Kei, mi zama leana koasa Tamasa pa Maṉauru,
ura sa Nana tataru nabuna si koa hola ninae rane ka rane.