1 Chuin Pakaiyin mipi ho thupeh hichengse hi apen ahi: 2 Keima Pakai na Pathen'u chu kahi, Egypt gamsung'a nasoh channa uva konna nalhatdoh pau chu keima kahi. 3 Keima tailou Pathen dang nanei louhel diu ahi. 4 Nang hon limsemthu pathen van a ahilouleh leiset a ahilouleh twikhanglen'a um ipi thil hijongleh nakisem theilou ding'u ahi. ✡Potdohbu 34:17; Thempu Dan 19:4; 26:1; Danbu Ni Na 4:15-18; 27:15 5 Hicheng ho angsung'a chu naboh khup nahou thei louhel diu ahi, ajeh chu keima, Pakai na Pathen u kahin pathen dang na kisem uva ahileh, keiman nangho heng'a ka lethuh diu napu napa teu le nangma insung cheh chule akhang thum le lina channa lethuh ding kahi. ✡Potdohbu 34:6,7; Minbu 14:18; Danbu Ni Na 7:9,10 6 Keima thupeh nit jinga, eingailu mi chu asang aja chung'a kalungset na longlou chu ka umsah jing ding ahiye. 7 Nangman Na Pakai le na Pathen min jeng jong ajeh beija namin phah louding ahi. Ajeh chu Pakaiyin Ama min ajeh beija minphah chung'a themmo achansah ding ahi.✡Thempu Dan 19:12 8 Cholngah nikho hi atheng'a nanit jing ding ahi ti sumil hih hel'in. ✡Potdohbu 16:23-30; 31:12-14 9 Natoh ding cheng nigup sungse'a natoh chai ding, ✡Potdohbu 23:12; 31:15; 34:21; 35:2; Thempu Dan 23:3 10 hinlah nisagi lhinni hi na Pakaiya dia cholngah nikho, hiche nikhoa hi nangman natoh ima nabol louhel ding chule nangma nahin, na chapa, na chanu, na sohpa, na sohnu, na gancha jouse le na kelkot phung hung sunglha a na kholjin mi na boncha uva ima natoh thei louhel diu ahiye. 11 Ajeh chu Pakaiyin nigup sungsen van le leiset, twikhanglen le asung'a um jouse ana sem in; hiche nikhoa chu Pakaiyin cholngah nikho hi atheng dia phatthei aboh a ana lhandohsa ahitai. ✡Semtilbu 2:1-3; Potdohbu 31:17 12 Pakai na Pathen'in napehsa hiche leiset chunga na hinkho asot theina dingin nanu napa ging jingin. ✡Danbu Ni Na 27:16; Matt 15:4; 19:19; Mk 7:10; 10:19; Lk 18:20; Eph 6:2; Eph 6:3 13 Toltha nabol louding ahi. ✡Semtilbu 9:6; Thempu Dan 24:17; Matt 5:21; 19:18; Mk 10:19; Lk 18:20; Rm 13:9; Jac 2:11 14 Mitoh jon nabol louding ahi. ✡Thempu Dan 20:10; Matt 5:27; 19:18; Mk 10:19; Lk 18:20; Rm 13:9; Jac 2:11 15 Guchat nabol louding ahi. ✡Thempu Dan 19:11; Matt 19:18; Mk 10:19; Lk 18:20; Rm 13:9 16 Na sopi muda man a thuse pole a napan louding ahi. ✡Potdohbu 23:1; Matt 19:18; Mk 10:19; Lk 18:20 17 “Na kinaipi khat inchen chu na thangsetpi louding ahi. Na sopi ji khat chu na deichat louding, chule asohpa ahin, asohnu ahin abongchal ahin, asangan hijongleh na sopi chule na kinaipi kom'a thil ima navetlal louhel ding ahi.” ✡Rm 7:7; 13:9 18 Mipi hon van gin nasa tah chu aja tauvin, kolphe jeng jong amu tauvin, molchung lam'a kon meikhu amu tauvin ahile amaho chung'a kichatna alhung tan, kithing pumin gamla tah a ading den tauve. ✡Heb 12:18,19 19 Chuin mipi hon jong Mose heng'a asei tauvin, ‘Sei dinga na deisah chan keima ho heng'a seijeng tan, na sei kangai diu ahiye. Ahinlah Pathen'in keiho heng'a thu seikha taleh mohseh a ka thigam lhah jeng ding'u ahi!” atiuve. 20 “Mose'n adonbut uvin hiti hin aseiye, “Kicha hih un,” Pathen na gin diu chule na chonset theilou na diuva, nangho sudet dinga Pathen hung'a ahi joi!” ati. 21 Mipi ho chu gamla thim achun adingun, Mose vang chu mei jing lah a Pathen kom chu anaijin ahi. 22 Pakaiyin Mose heng'a aseijin, “Hiche hi Israel mite heng'a seipeh tauvin: vanna kon'in nangho toh kihouna kaneije, tihi namit tah uvin namu tauve,” ati. 23 Geldoh jingun, sana hihen dangka a kisem pathen dang kiti keima douna a nasem loubeh diu ahi. 24 “Keima dinga leiset a konna maicham bolna nasem ding, hiche maicham chung'a chu na kelngoi le keltah chule bongchal pumgo thilto le chamna thilto a nato ding ahi. Hoichan hijongleh Keima geldoh jing na dinga maicham natundoh na a chu naheng'a kahunga phatthei kaboh ding nahiye. 25 Songa konna maicham mun nasem ding le khutthem lutna song naman louding ahi. Ajehchu khutthem lutna a kisem chu kintheng bolna dinga lhinglou ahi. ✡Danbu Ni Na 27:5-7; Joshua 8:31 26 Chule kaltouna khochut umna a maicham nanai louding ahi. Chutia chu nabol leh, noiya konin min hinvetou khaleh sagohkeo nahi amudoh ding ahi.