1 Nigup jouvin Jesun Peter chule ucha teni Jacob le John chu molsang tah khat a achanga umpi dingin apui touvin ahi. 2 Amaho chun avet pettah un Jesu limso chu ahung kikhel in, hiti chun amaiso chu nisa bangin avah jengin, chule aponsil chu vah bangin avah jengin ahi. 3 Phot lot in Mose le Elijah ahung kilah in, chuin Jesu chu akihou limpi pai lhonin ahi. 4 Peter chun Pakai, “Hikoma iumu hi akidang lheh jenge! Nadeiya ahileh nang ding khat, Mose ding khat chule Elijah ding khat melchihna ponbuh thum song inge,” ati. 5 ✡2 Pet 1:17,18Hinlah aman athusei pet chun mei bangin amaho chu ahin tom khum un, chule van'a konin aw khat in ahin seiyin, “Hiche hi Ka Chapa ngailut tahbeh, ei kipa sah a ahi, Athu ngaiyun,” ati.✡Semtilbu 22:2; Labu 2:7; Isa 42:1; Matt 3:17; 12:18; Mk 1:11; Lk 3:22; Danbu Ni Na 18:15 6 Seijui ho chu akicha behseh un, chuin tol a amaiyu asulut tauve. 7 Chuphat in Jesu amaho lama ahungin chule amaho chu atham in, “Thoudoh un, kicha hih un,” ati. 8 Chuin amaho adadoh uva ahileh, Mose le Elijah chu ana chedoh tan, chule Jesu bou chu amu tauve. 9 Amaho molchunga konna ahung kinung le suh phat un Jesun Amaho chu thu apen, “Mihem Chapa thina a konna kaithouva aum kahsen koima koma na thilmu'u hi seidoh hih un,” ati. 10 Chujou chun aseijui ten Ama adong un, “Ipi jeh a Dan thuhil hon Messiah hung masanga Elijah hung kile ding ahi tia asei sei jengu hintem?” atiuve.✡Malachi 4:5 11 Jesun adonbut in, “Elijah chu tahbeh a hunga ijakai agontup masat ding ahi. 12 Hinlah Keiman ka seipeh nahiuve. Elijah ana hunga ahitai, ama chu isah louvin abol tauve. Chule chutobang ma'a Mihem Chapan jong athoh gim ding ahi,” ati.✡Matt 11:14 13 Chuin seijui ho chun Twilutsah John chung thu asei ahi ahedoh tauve.

14 Mi tampi chun Ama chu mol chunga ana ngah tauvin, mikhat chu ahungin chuin Jesu ang-ah adilsun chule aseiyin, 15 “Pakai Ka chapa lungsetna neiyin, ama abuhthia ahin, chule athoh gim lheh e. Ama meisunga ahilouleh twi lah a alhu matchet jin ahi. 16 Hiti hin naseijuite koma kahin puiyin, hinlah amahon adamsah jou pouve,” ati. 17 Jesun, “Vo tahsan neilou le miduh dahlou ho! Itih chan kaumpi nahlai ding na hiuvem? Chapangpa chu kakoma hin puiyun,” ati. 18 Chutah in chapangpa sunga lhagaoboh chu Jesun aphoh in, hichun ama adalhatai. Hichea pat chun chapang chu adamtheng tai. 19 Chujou chun seijuiho chun guhthim in Jesu chu adong un, “Keihon itia lhagaoboh chu nodoh joulou kahiu ham?” atiuve. 20 Jesun aseipeh un, “Tahsan bulhing naneilou jeh u ahi. Thutahbeh ka seipeh nahiuve, tahsana aneova neo ankam mu tebep geiya naneiyuva ahileh, nanghon hiche mol jah a hin, hichea kon khun kichon in tia nasei uleh, kichon thei ahi. Imacha ahimo ding aumpoi.✡Matt 21:21; Mk 11:23; 1 Crth 13:2 21 Hinlah hitobang lhagaoboh hi taona chule anngol tilou potdoh lou ahi,” ati.

22 Galilee a amaho akikhop kit phat un, Jesun aseipeh un, “Mihem Chapa hi amelmate khut a pehdoh a um ding ahi. 23 Ama atha diu, hinlah a nithum nileh athia konna kai thouva um ding ahi,” ati. Chuin seijuiho chu lunghem nan adim tauve.

24 Capernaum ahunglhun un, Hou-In a kaidong ho Peter koma ahungun chuin ajah a, “Na houhil pauvin Hou-In kai apeh ngailou ham?” tin adong uve.✡Potdohbu 30:13; 38:26 25 “Henge, apejie,” tin Peter in adonbut e. Chuphat in insunga agaluttai. Hinlah aman thu asei masangin, Jesun ana dongin, “Peter, ipi iti nagel em? Lengho khun ama mite kai adon jiu ha? Ahilouleh gal'a ajosa hou koma kai adonu ham?” ati. 26 Peter in adonbut in, “Gal'a ajohou koma kai adong uve,” ati. Jesun aseiyin, “Chuti ahileh aphai, agam mite chu ongthola ahiuve. 27 Hijongleh, amaho lungthoi sah pohite, hiti hin Dil a gakum lhan chule ngakoi galeh lhan. Nga namat masatpen kam chu keh in, chuteng nangman dangka apehlen khat namu ding ahi. Hichu choiyin lang, ini lhon dingin ga petan,” ati.