103
103-küy •••• «Xudaning méhribanliqigha teshekkür éytish»
1 Dawut yazghan küy: —
Perwerdigargha teshekkür qaytur, i jénim;
I pütün wujudum, Uning muqeddes namigha teshekkür qaytur!
2 Perwerdigargha teshekkür qaytur, i jénim,
Untuma uning barliq méhrimbanliq-beriketlirini;
3 U pütkül qebihlikliringni kechüridu,
Barliq késelliringge dawa qilidu;
4 Hayatingni hangdin hörlükke qutquzidu,
Béshinggha méhir-muhebbet hem rehimdilliqlarni taj qilip kiygüzidu.
5 Könglüngni nazunémetler bilen qanduridu;
Yashliqing bürkütningkidek yéngilinidu.□«Könglüngni nazunémetler bilen qanduridu» — bashqa birnechche xil terjimiliri arisida «Yilliringni nazunémetler bilen qanduridu» déyilidu.
6 Perwerdigar barliq ézilgenler üchün heqqaniyliq hem adaletni yürgüzidu;
7 U Öz yollirini Musagha,
Qilghanlirini Israillargha namayan qilghan.
8 Perwerdigar rehimdil we shepqetliktur,
U asanliqche achchiqlanmaydu,
Uning méhir-muhebbiti téship turidu.■Mis. 34:6; Chöl. 14:18; Qan. 5:10; Neh. 9:17; Zeb. 86:15; 145:8; Yer. 32:18
9 U uzun’ghiche eyiblewermeydu,
Yaki ta menggüge ghezipide turiwermeydu.■Yesh. 57:16; Yesh. 3:5
10 U bizge gunahlirimizgha qarita muamilide bolghan emes,
Bizge qebihliklirimizge qarita tégishlikini yandurghan emes.
11 Asman yerdin qanchilik égiz bolsa,
Uningdin qorqidighanlargha bolghan muhebbitimu shunchilik zordür.
12 Sherq gherbtin qanchilik yiraqta bolsa,
Bizdiki asiyliqlarnimu shunche yiraqlashturdi.
13 Ata balilirigha qandaq köyün’gen bolsa,
Perwerdigarmu Özidin qorqidighanlargha shundaq méhribandur.
14 Chünki U Özi bizning jismimizni bilidu,
Tupraqtin ikenlikimizni U ésige alidu.
15 Insan bolsa — uning künliri ot-chöpke oxshaydu,
Daladiki güldek ünüp chiqip chéchekleydu;■Ayup 14:1, 2; Zeb. 90:5, 6; Yaq. 1:10, 11; 1Pét. 1:24
16 Uning üstidin shamal uchup ötidu,
U yoq bolidu, esliy makanimu uni qayta tonumaydu.
17-18 Lékin Özidin qorqidighanlargha,
Öz ehdisige wapa qilghanlargha,
Körsetmilirini orunlash üchün ularni éside tutqanlargha,
Perwerdigarning méhir-muhebbiti ezeldin ebedgiche,
Heqqaniyiti ewladtin ewladlirigichidur.■Qan. 7:9
19 Perwerdigar textini ershte qurghan,
Uning selteniti hemmining üstidin höküm süridu;
20 I sözige qulaq salghuchi,
Kalamini ijra qilghuchi, qudriti zor bolghan Uning perishtiliri,
Perwerdigargha teshekkür-medhiye qayturunglar!
21 I siler, Uning barliq qoshunliri,
Iradisini ada qilghuchi xizmetkarliri,
Perwerdigargha teshekkür-medhiye qayturunglar!■Yar. 32:1; 1Pad. 22:19; Ef. 3:10; Kol. 1:16
22 I, Uning barliq yasighanliri,
Hökümranliqi astidiki barliq jaylarda Perwerdigargha teshekkür-medhiye qayturunglar!
I méning jénim, Perwerdigargha teshekkür qaytur!
□103:5 «Könglüngni nazunémetler bilen qanduridu» — bashqa birnechche xil terjimiliri arisida «Yilliringni nazunémetler bilen qanduridu» déyilidu.
■103:8 Mis. 34:6; Chöl. 14:18; Qan. 5:10; Neh. 9:17; Zeb. 86:15; 145:8; Yer. 32:18
■103:15 Ayup 14:1, 2; Zeb. 90:5, 6; Yaq. 1:10, 11; 1Pét. 1:24
■103:21 Yar. 32:1; 1Pad. 22:19; Ef. 3:10; Kol. 1:16