12
Tehimu kɵp ziyankǝxliklǝr
1 Xu qaƣlarda, Ⱨerod padixaⱨ jamaǝttikilǝrdin bǝzilirigǝ ziyankǝxlik ⱪilmaⱪqi bolup ularƣa ⱪol saldi.□«Ⱨerod padixaⱨ» — bu Ⱨerod «Ⱨerod Agrippa (I)» idi. Ⱨerodlar toƣruluⱪ «Tǝbirlǝr»ni kɵrüng. 2 U Yuⱨannaning akisi Yaⱪupni ⱪiliqlap ɵltürdi.■Mat. 4:21. 3 Ɵzining bu ⱪilƣan ixining Yǝⱨudiylarƣa yaⱪⱪanliⱪini kɵrüp, u Petrusnimu tutⱪun ⱪildurudi (xu qaƣda «petir nan ⱨeyti» mǝzgili idi). 4 Petrusni tutⱪandin keyin, uni zindanƣa taxlap, tɵt lǝxkǝr bir guruppa ⱪilinƣan tɵt ⱪarawwul topiƣa tapxurdi. Pasha ⱨeyttin keyin, Ⱨerod uni halayiⱪ aldida soraⱪ ⱪilmaⱪqi idi.□«Pasha ⱨeyt» — yǝni «ɵtüp ketix ⱨeyti». ■Yⱨ. 21:18. 5 Xunga Petrus zindanda tutup ⱪelindi. Lekin jamaǝt Hudaƣa jan-dil bilǝn uning üqün dua ⱪilixiwatatti.
Petrusning zindandin ⱪutⱪuzuluxi
6 Əmdi Ⱨerod uni elip qiⱪip sot ⱪilixning aldinⱪi keqisi, Petrus ikki zǝnjir bilǝn baƣlaⱪliⱪ peti, ikki ⱪarawulning otturisida uhlawatatti; ixikning sirtidimu birnǝqqǝ ⱪarawul zindanni kɵzǝt ⱪiliwatatti. 7 Wǝ tuyuⱪsiz Rǝbning bir pǝrixtisi kɵrünüp, bir nur kamerni yorutti. Pǝrixtǝ Petrusning biⱪiniƣa noⱪup:
— Tez tur! — dǝp oyƣatti. Uning ⱪolliridiki zǝnjir xu ⱨaman boxap qüxüp kǝtti.■Ros. 5:19; 16:26. 8 Pǝrixtǝ uningƣa:
— Belingni baƣliwal! Kǝxingnimu kiy! — dedi. Petrus uning deginini ⱪildi. Andin u:
— Qapiningni yepinqaⱪlap kǝynimdin mang! — dedi.
9 Petrus uningƣa ǝgixip kamerdin qiⱪti. Biraⱪ u pǝrixtining wasitisi bilǝn boluwatⱪan bu ixlarning rastliⱪini bilmǝy, bǝlki bir ƣayibanǝ kɵrünüx kɵrüptimǝn, dǝp oylawatatti. 10 Ular birinqi wǝ ikkinqi kɵzǝttin ɵtüp, zindanning xǝⱨǝrgǝ qiⱪidiƣan tɵmür dǝrwazisiƣa barƣanda, dǝrwaza ular üqün ɵzlükidin eqilip kǝtti. Ular qiⱪip, bir koqidin ɵtkǝndǝ, pǝrixtǝ tuyuⱪsiz uning yenidin kǝtti.
11 Xu qaƣda, Petrus esigǝ kelip, ɵz-ɵzigǝ: «Dǝrwǝⱪǝ ǝmdi Rǝb Ɵz pǝrixtisini ǝwǝtip, meni Ⱨerodning ⱪolidin wǝ Yǝⱨudiy hǝlⱪining kütkǝnlirining ⱨǝmmisidin ⱪutⱪuzuptu, dǝp bildim» — dedi.
12 Ⱨǝⱪiⱪiy ǝⱨwalni qüxinip yǝtkǝndǝ, u Markus dǝpmu atilidiƣan Yuⱨannaning anisi Mǝryǝmning ɵyigǝ bardi. U yǝrdǝ nurƣun kixilǝr yiƣilip dua-tilawǝt ⱪiliwatatti. 13 U dǝrwazining ixikini ⱪaⱪⱪanda, Roda isimlik bir dedǝk awazni anglap qiⱪti. 14 U Petrusning awazini tonup, huxalliⱪidin ixikni eqixⱪimu ülgürmǝy yügürüp kelip, ⱨǝmmǝylǝngǝ:
— Petrus dǝrwaza aldida turidu! — dǝp hǝwǝr ⱪildi.
15 Lekin ular: — Sarang bolup ⱪaldingƣu! — deyixti. Biraⱪ u: — Rast xundaⱪ, dǝp turuwaldi. Ular:
— U uning pǝrixtisi bolsa kerǝk! — deyixti.□«U uning pǝrixtisi bolsa kerǝk» — ular «ɵlgǝn Petrusning roⱨi» yaki «Petrusni alaⱨidǝ ⱪoƣdaydiƣan bir pǝrixtǝ» dǝp oylap ⱪalƣan boluxi mumkin.
16 Biraⱪ Petrus dǝrwazini ⱪeⱪiwǝrdi. Ular qiⱪip dǝrwazini eqip, uning ɵzini kɵrgǝndǝ ⱨǝmmǝylǝn ⱨang-tang boluxti. 17 Petrus ularƣa ün qiⱪarmasliⱪⱪa ⱪol ixariti ⱪilip, ularƣa Rǝbning ɵzini zindandin ⱪandaⱪ elip qiⱪⱪanliⱪini eytip bǝrdi. Andin keyin, u:
— Bu hǝwǝrni Yaⱪupⱪa wǝ ⱪerindaxlarƣa yǝtküzüp ⱪoyunglar, — dǝp, ɵzi u yǝrdin baxⱪa yǝrgǝ kǝtti.□«Bu hǝwǝrni Yaⱪupⱪa wǝ ⱪerindaxlarƣa yǝtküzüp ⱪoyunglar» — «Yaⱪup» muxu yǝrdǝ Rǝb Əysaning inisi bolƣan Yaⱪupni kɵrsitidu. ■Ros. 13:16; 19:33; 21:40.
18 Tang atⱪanda, ⱪarawullar Petrus zadi nemǝ boldi dǝp sarisimigǝ qüxti. 19 Ⱨerod uni izdǝp uning iz-derikini tapalmiƣaqⱪa, ⱪarawullarni soraⱪ ⱪilip, ularni ɵlümgǝ mǝⱨkum ⱪilixni buyrudi. Bu ixtin keyin, u Yǝⱨudiyǝdin qüxüp Ⱪǝysǝriyǝ xǝⱨirigǝ berip xu yǝrdǝ turdi.
Ⱨerod Agrippa hanning ɵlümi
20 Əslidǝ Ⱨerod han bilǝn Tur wǝ Zidondikilǝr arisida ⱪattiⱪ jedǝl bar idi. Ⱨalbuki, Tur wǝ Zidondikilǝr birlixip, Ⱨerodning aldiƣa kǝldi. Uning bilǝn yarixiwelix üqün ular aldi bilǝn hanning Bilastus isimlik xǝhsiy ƣojidarini ɵzlirigǝ yar-yɵlǝk boluxⱪa ⱪayil ⱪilƣanidi. Qünki bu yurttikilǝr axliⱪni hanning ilkidiki jaylardin alatti.
21 Bǝlgilǝngǝn kɵrüxüx künidǝ Ⱨerod xaⱨanǝ tonlirini kiyip, soraⱪ tǝhtidǝ olturup, ularƣa nutuⱪ sɵzlidi. □«Ⱨerod... ularƣa nutuⱪ sɵzlidi» — yaki «Ⱨerod... ularni ǝyiblǝp nunuⱪ sɵzlidi». Grek tilida «nutuⱪ sɵzlǝx» degǝn bu sɵzning bǝzidǝ «ǝyiblǝx» degǝn puriⱪi bar. 22 Angliƣan hǝlⱪ:
— Bu adǝmning awazi ǝmǝs, bǝlki bir ilaⱨning awazidur! — dǝp warⱪiraxti.
23 Xuan Pǝrwǝrdigarning bir pǝrixtisi hanni urdi; qünki u xan-xǝrǝpni Hudaƣa beƣixlimidi.
Nǝtijidǝ, u ⱪurtⱪa yǝm bolup ɵldi. 24 Əmma Hudaning sɵz-kalami dawamliⱪ bǝrⱪ urup kengǝydi. □«ǝmma Hudaning sɵz-kalami dawamliⱪ bǝrⱪ urup kengǝydi» — demǝk, uningƣa etiⱪad ⱪilƣuqilarning sani kɵpǝymǝktǝ idi. ■Yǝx. 55:11; Ros. 6:7. 25 Barnabas bilǝn Saul Yerusalemda ianilirini tapxurux hizmitini ada ⱪilƣandin keyin, Antakyaƣa ⱪaytip kǝtti. Ular Markus dǝpmu atilidiƣan Yuⱨannani billǝ elip bardi.
□12:1 «Ⱨerod padixaⱨ» — bu Ⱨerod «Ⱨerod Agrippa (I)» idi. Ⱨerodlar toƣruluⱪ «Tǝbirlǝr»ni kɵrüng.
□12:4 «Pasha ⱨeyt» — yǝni «ɵtüp ketix ⱨeyti».
■12:4 Yⱨ. 21:18.
□12:15 «U uning pǝrixtisi bolsa kerǝk» — ular «ɵlgǝn Petrusning roⱨi» yaki «Petrusni alaⱨidǝ ⱪoƣdaydiƣan bir pǝrixtǝ» dǝp oylap ⱪalƣan boluxi mumkin.
□12:17 «Bu hǝwǝrni Yaⱪupⱪa wǝ ⱪerindaxlarƣa yǝtküzüp ⱪoyunglar» — «Yaⱪup» muxu yǝrdǝ Rǝb Əysaning inisi bolƣan Yaⱪupni kɵrsitidu.
■12:17 Ros. 13:16; 19:33; 21:40.
□12:21 «Ⱨerod... ularƣa nutuⱪ sɵzlidi» — yaki «Ⱨerod... ularni ǝyiblǝp nunuⱪ sɵzlidi». Grek tilida «nutuⱪ sɵzlǝx» degǝn bu sɵzning bǝzidǝ «ǝyiblǝx» degǝn puriⱪi bar.
□12:24 «ǝmma Hudaning sɵz-kalami dawamliⱪ bǝrⱪ urup kengǝydi» — demǝk, uningƣa etiⱪad ⱪilƣuqilarning sani kɵpǝymǝktǝ idi.