49
Ya:igobe da Fada:i Sia:ne Ianu Bogoi
1 Ya:igobe da egefe huluane misa:ne sia:ne, ilima amane sia:i, “Gadenene gilisima. Na da dilima fa:no misunu hou olelemu.
2 Ya:igobe egefelali! Gilisima amola nabima!
Dilia ada Isala:ili amo ea sia: nabima!
3 Liubene! Di da na magobo mano amola na gasa gala.
Na da asigilaloba, di da na magobo mano lalelegei.
Dia gasa da na mano huluane ilia gasa baligi dagoi.
4 Di da gasa bagade hano neda:i agoane.
Be dia hou da baligi bagade hame ba:mu.
Bai di da dia eda diaheda:su fafai wadela:lesi.
Di da na gidisedagi uda amola gilisili golai.
5 Simiane amola Lifai da eyalali amola olalali fi esala.
Ela da ela gegesu liligi amoga gegenana, mi hanane gasa fisa.
6 Na da ela wamolegei sia: dasu gilisisu amoma hame gilisimu.
Bai ela da ougiba:le, dunu medole lelegei amola ela da hedemusa:
bulamagau gawali ili gasuga:igimusa: emo dina:fi dai.
7 Ela ougi da gia:i bagade amola dodona:gi gala.
Amaiba:le, ela ougi amoma na da gagabui aligima:ne ilegesa.
Na da ela fi afafane, Isala:ili soge huluane amola Isala:ili fi huluane
amo ganodini ela fi da afafane esalebe ba:mu.
8 Yuda! Diolalali ili da dima nodomu.
Di da dima ha lai dunu amo ilia galogoa gagusu.
Diolalali ilia da dima begudumu.
9 * Idisu 24:9; Wamolegei Sia: Olelesu 5:5Yuda da laione wa:me defele esala.
E da ohe fi fane legelalu, hi diasuga bu asili, golai dialebe ba:sa.
Dunu huluane da e didilisimusa: beda:i bagade.
10 Yuda da Hina Bagadedafa amo ea dagulu gagui dagoi ba:mu.
Egaga lalelegei manolali da eso huluane hina bagade dunu esalumu.
Dunu fi eno da ema dabe ima:ne, gaguli misunu,
amola nabasu hou hamoma:ne, ema begudumu.
11 E da ea dougi amo waini efe baligili ida:iwane gala amo ilima la:gisisa.
E da ea abula amo waini hano (maga:me agoane ba:sa) amo ganodini dodofesa.
12 E da waini bagade nabeba:le, ea si da maga:me agoane ba:sa.
E da dodo maga:me nabeba:le, ea bese da ahea:iai agoane ba:sa.
13 Sebiulane da hano wayabo bagade bega: esalumu.
Dusagai bagade da ea hano bega: hahawane misunu.
Ea soge da asili, ea dagomusa: alalo da Saidone moilai bai bagade ba:mu.
14 Isiga ea hou da dougi (amo da udigili ea baligiga legesu
esa amo dogoa golai dialebe) ea hou hame baligisa.
15 Be e da helefisu soge hahawane ba:sa.
Amola soge huluane da noga:idafa e da dawa:sa.
Amaiba:le, e da dioi liligi gaguli masa:ne beguduli ahoa.
Dunu eno da ema gasa fili logebeba:le, e da udigili hawa: hamosu dunu ba:mu.
16 Da:ne da ea fi ilima ouligisu dunu esalumu.
Ea fi dunu ilia da Isala:ili dunu fi eno amo defele ba:mu.
17 Da:ne da gasonasu sa:ya:be amo da logo bega: dialebe agoane ba:mu.
Amo sa:ya:be da hosi ea emo gufi gasonasea,
dunu da hosi da:iya fila heda:i da baligidudili dafamu.
18 Hina Gode! Na da Dia gaga:sudafa ba:ma:ne ouesala.
19 Ga:de! Wamolasu dunu gilisisu da Ga:dema doagala:musa: misunu.
Be Ga:de da sinidigili ili se bobogemu.
20 A:sie ea soge amoga ha:i manu ida:iwane ba:mu.
E da ha:i manu hina bagade dunu moma:ne defele, amo sagale faimu.
E da sagale nasu dunu noga:iwane ba:mu.
21 Na:badalai da ‘dia’ ohe fi amo da udigili hehenane lala, amo defele ba:sa.
Amo ‘dia’ da mano ida:iwane lalelegesa.
22 Yousefe da udigili lalebe dougi amo da gufi hano gadenene esalebe agoane ba:sa.
Amola udigili lalebe hosi mano agologa esalebe agoane ba:sa.
23 Ema ha lai dunu da nimiwane ema doagala:musa: mabe.
Ilia da dadiga gala:musa: ema se bobogesa.
24 Be e da ea dadi mae yaguguiwane gagusa.
Amola Ya:igobe ea Gode Bagadedafa da Ea Gasaga ea loboga gasa iaha.
Gode da Isala:ili fi ilima Fidisu amola Sibi Ouligisu esala.
25 Dia ada amo ea Gode da dima Fidisu esala.
Gode Bagadedafa da dima hahawane dogolegele fidilala amane.
Gibu da gadodili osoboa daha. Gufi hano da osobo hagudu gala.
Di da bulamagau bagohame amola mano bagohame gala.
Amo da Gode Ea dima hahawane dogolegele fidisu.
26 Eno da fage (widi, bali, gagoma, naisi) amola sogea
amola hahawane dogolegele fidisu E da dima iaha
da musa: hemonega hamoi goumi amola liligi ida:iwane gala
amo mae mugululi dialalalumu agolo ganodini gala.
Yousefe da amo hahawane dogolegele fidisu hou ba:ma:ne,
na da Godema sia:ne gadosa.
Yousefe ea hou da hisuba:le, e da yolalali ilima afafai dagoi ba:sa.
27 Bediamini da gasonasu wa:me (wufi) defele esala.
Hahabe amola daeya, e da fane legesa amola gasonaha.”
28 Gadodili dedei da Isala:ili fi fagoyale galu. Amo sia: dedei da Ya:igobe ea fada:i sia:, ea bogomu gadenenanoba, ea mano afae afae ilima asigibio sia:ma:ne sia:i.
Ya:igobe ea Bogoi amola Uli Dogone Sali
29 Ya:igobe da egefe ilima amane sia:i, “Na da wali bogole, na aowalali ilima gilisimu. Amaiba:le, na da:i hodo dilia na eda ilia uli dogosu amo gele gelabo amo Ifalone (Hidaide dunu) ea ifabi ganodini diala, amoga na da:i uli dogone salima.
30 † Mui 23:3-20Amo soge da Ma:gafila amo Ga:ina:ne soge ganodini amola Ma:melei moilaiga eso maba gusudili amoga diala. A:ibalaha:me da amo gele gelabo, ifabi amola bogoi uli dogosu hamoma:ne, Ifalonema bidi lai dagoi. 31 ‡ Mui 25:9-10, 35:29Amogai ilia da A:ibalaha:me amola idua Sela uli dogone sali. Amogai ilia da Aisage amola idua Lebega uli dogoi. Amola amogai na da Lia uli dogone sali. 32 Amo ifabi amola gele gelabo da Hidaide dunu amoga bidi lai. Amogai na da:i hodo uli dogone salima.” 33 § Asunasi Dunu Ilia Hou 7:15Ya:igobe da egefe ilima ea fada:i sia: huluane dagoloba, e da diaguduli, bogoi dagoi.