9
God Goin Judge Da Ones
Dat Stay Agains Da Israel Peopo
Dat Stay Agains Da Israel Peopo
One Spesho Message
1 ✡9:1: Isa 17:1-3; Jer 49:23-27; Amos 1:3-5✡9:1: Isa 23:1-18; Ezek 26:1–28:26; Joel 3:4-8; Amos 1:9-10; Matt 11:21-22; Luke 10:13-14Dis message from Da One In Charge tell bout da Hadrak an Damascus peopo an dea land:
Cuz all da peopos inside da world,
Jalike all da Israel ohanas, stay look to Da One In Charge.
2 Da One In Charge talk bout Hamat too,
Dat stay nex to Damascus,
An bout Tyre an Sidon towns too,
No matta dea peopo know plenny bout wat fo do erytime.
3 Da Tyre peopo wen build up one strong wall.
Dey pile up silva jalike az dus,
An gold jalike az da mud on top da streets.
4 But you know wat?
Da Boss goin take away dea property,
An wipe out all dea powa on top da ocean.
Dea big town goin come all burn up.
5 ✡9:5: Isa 14:29-31; Jer 47:1-7; Ezek 25:15-17; Joel 3:4-8; Amos 1:6-8; Zef 2:4-7Da Ashkelon peopo goin see wat wen happen to Tyre, an come sked.
Da Gaza peopo goin squirm an worry real bad.
Da Ekron peopo goin come bum out,
An no trus nobody.
Da king fo Gaza goin mahke.
No goin get nobody inside Ashkelon.
6 Hapa guys goin take ova Ashdod town.
Da One In Charge tell, “Da Filisha peopo get big head,
But I no goin let um stay lidat.
7 I goin make um no eat meat wit da blood still inside um,
An no eat da meat from da sacrifices dey kill fo dea gods.
Da Filisha peopo dat still yet stay alive, God goin own dem.
Dey goin come jalike one a da small Judah ohanas.
Da Ekron peopo goin come togedda wit my peopo,
Jalike da Jebus peopo wen come togedda wit dem.
8 But I goin guard my Temple
Agains da army guys dat come by dea.
I no goin eva let anodda army give my peopo hard time,
Cuz I da one stay watch fo take kea dem.”
Da King Fo Da Zion Peopo Goin Come
9 ✡9:9: Matt 21:5; John 12:15Stay good inside, my Zion peopo!
Yell, my Jerusalem peopo!
Look! Yoa king stay come by you!
He erytime do da right ting.
He get you guys outa trouble!
He make nice kine to erybody,
An stay ride on top one donkey, even one young donkey.
10 ✡9:10: Songs 72:8He goin take away da war wagons from da Efraim peopo,
An da war horses from Jerusalem.
He goin broke da bow dey use fo fight.
He goin tell da peopos dey gotta come good wit each odda.
He goin be da leada from one sea to da odda sea,
An from da Eufrates riva to da end a da world.
11 ✡9:11: Outa 24:8An you guys, I get one deal wit you guys awready.
You guys wen kill one sacrifice animal fo make da deal good wit da blood,
Az why I goin let yoa prisona guys go
From da real deep hole dat no mo watta inside.
12 Go come back by yoa strong wall, you prisona guys,
Da ones dat stay wait fo me do someting.
Even now I tell you guys
Dat I goin give you guys back
Two good tings fo ery bad ting
Dat wen happen to you.
13 I goin bend da Judah peopo jalike I bend one bow.
An make da Efraim peopo jalike da arrows.
I goin make you guys jalike one sword fo fight.
I goin bring yoa Zion boys
Agains da Greek boys.
Da One In Charge Goin Show Up
14 Den Da One In Charge goin show up ova his peopo.
His arrow goin go out jalike lightning.
Da Boss, Da One In Charge,
Goin blow da sheep horn trumpet.
He goin attack jalike he stay riding
On top da storms from da south side.
15 Da One In Charge, Da God Ova All Da Armies, goin proteck his peopo.
His peopo goin fling stones at da peopo dat stay agains dem.
Den his peopo goin party up an drink,
An yell loud jalike piloot guys.
Dey goin feel jalike dey get one full bowl,
Jalike da kine bowl da pries guys use fo sprinkle blood
On top da cornas a da altar.
16 Dat time, dea God, Da One In Charge, goin get his peopo outa trouble.
Jalike one sheep guy get his sheeps outa trouble.
His peopo goin shine all ova his land,
Jalike jewel stones on top one crown.
17 Da peopo a Da One In Charge,
Dey goin be good looking an beautiful!
Da wheat an barley goin make da young guys strong.
An da new wine goin make da young wahines beautiful.
✡9:1 9:1: Isa 17:1-3; Jer 49:23-27; Amos 1:3-5
✡9:1 9:1: Isa 23:1-18; Ezek 26:1–28:26; Joel 3:4-8; Amos 1:9-10; Matt 11:21-22; Luke 10:13-14
✡9:5 9:5: Isa 14:29-31; Jer 47:1-7; Ezek 25:15-17; Joel 3:4-8; Amos 1:6-8; Zef 2:4-7
✡9:9 9:9: Matt 21:5; John 12:15
✡9:10 9:10: Songs 72:8