ⴰⴷⵍⵉⵙ ⵉⵇⴻⴷⴷⵙⴻⵏ ⴰⵡⴰⵍⴻⵏ ⵉⵡⴻⵥⵏⴻⵏ 21

1 ⵓⵍ ⵏ ⵓⵊⴻⴵⵉⴷ

ⴰⵎ ⵜⵖⴻⵣⵔⴰⵜⵉⵏ ⵏ ⵡⴰⵎⴰⵏ

ⴷⴻⴳ ⵓⴼⵓⵙ ⵏ ⵙⵉⴷⵉ.

ⵏⴻⵜⵜⴰ ⵉⵏⴻⴷⴷⴻⵀ ⵉ-ⵜ, ⵎⴰⵏⵉ ⵎⴰ ⵉⵅⵙ ⵏⴻⵜⵜⴰ.

2 ⵎⴰⵔⵔⴰ ⵉⴱⵔⵉⴷⴻⵏ ⵏ ⴱⵏⴰⴷⴻⵎ

ⵏⵉⵛⴰⵏ ⴷⵉ ⵜⵉⵟⵟⴰⵡⵉⵏ ⵏⵏⴻⵙ,

ⵎⴰⵛⴰ ⵙⵉⴷⵉ ⵉⵜⵜⵇⴻⴵⴰⴱ ⵓⵍⴰⵡⴻⵏ. ◘

3 ⵜⵉⵎⴻⴳⴳⴰ ⵏ ⵜⵙⴻⴳⴷⴰ ⴷ ⵍⵃⴻⵇⵇ,

ⴷ ⵜⵉⵏⴰ ⵉ ⵙⵉⴷⵉ ⵃⵙⴻⵏ ⵣⵉ ⵜⴻⵡⵀⵉⴱⵜ ⵏ ⵜⵖⴰⵔⵚⵜ. ◘

4 ⵏⵏⴼⴰⵅⴻⵜ ⵏ ⵜⵉⵟⵟⴰⵡⵉⵏ ⴷ ⵓⵍ ⴰⵄⴻⴼⴼⴰⵔ,

ⴰⵔⴱⴻⵔ ⵏ ⵉⵄⴻⴼⴼⴰⵏⴻⵏ ⴷ ⴷⴷⴻⵏⴱ.

5 ⵉⵅⴻⵎⵎⵉⵎⴻⵏ ⵏ ⵡⴻⵏⵏⵉ ⵉⵎⴻⵃⴹⴻⵏ

ⵜⵜⴰⵡⵢⴻⵏ ⵎⵖⵉⵔ ⵖⴰⵔ ⵓⴼⴻⵢⵢⴻⴹ,

ⵎⴰⵛⴰ ⵎⴰⵔⵔⴰ ⵡⴻⵏⵏⵉ ⵉⵜⵜⵇⴻⴵⵉⵇⴻⵏ ⴰⵟⵟⴰⵙ

ⵉⵜⵜⴰⵡⵉ ⵖⴰⵔ ⵍⴻⵃⵡⴻⵊ ⵡⴰⵀⴰ. ◘

6 ⴰⵙⵎⵓⵏⵉ ⵏ ⵡⴰⴳⵍⴰ ⵙ ⵢⵉⵍⴻⵙ ⵉⵙⵙⵅⴰⵔⵔⵉⵇⴻⵏ,

ⴰⵎⵎⵓ ⵉ ⵜⴻⴵⴰ ⵜⵡⴰⵔⵔⵉⵜ ⵏ ⵏⵏⴻⴼⵙ

ⵉⵄⴻⴷⴷⵓⵏ ⴷⴻⵖⵢⴰ

ⵏ ⵢⵉⵏⵏⵉ ⵢⴰⵔⴻⵣⵣⵓⵏ ⵍⵎⴻⵡⵜ. ◘

7 ⵍⵄⵓⵏⴼ ⵏ ⵉⵄⴻⴼⴼⴰⵏⴻⵏ ⵉⵜⵜⵊⴰⵔⵔⴰ ⵉ-ⵜⴻⵏ,

ⵎⴰⵖⴰⵔ ⵜⵜⴰⴳⵉⵏ ⴰⴷ ⴳⴳⴻⵏ ⵎⵉⵏ ⵉⵙⴻⴳⴳⵎⴻⵏ.

8 ⴰⴱⵔⵉⴷ ⵏ ⴱⵓ-ⵓⵎⴰⵔⵡⴰⵙ ⵉⵜⵜⴻⴼⵔⵉⵖ,

ⵎⴰⵛⴰ ⴰⵎⴻⵣⴷⴰⴳ ⵉⵜⵜⴻⴳⴳ ⵎⵉⵏ ⵉⴵⴰⵏ ⵏⵉⵛⴰⵏ.

9 ⵉⵃⵍⴰ ⴰⴷ ⵜⵣⴻⴷⵖⴻⴷ

ⴷⴻⴳ ⵉⵛⵜ ⵜⴻⵖⵎⴰⵔⵜ ⵏ ⵜⵣⴻⵇⵇⴰ, ⵅ ⵜⵣⴻⴷⴷⵉⵖⵜ

ⴰⴽ-ⴷ ⵉⵛⵜ ⵏ ⵜⴻⵎⵖⴰⵔⵜ ⵉⵜⵜⴻⵎⵛⵓⴱⴱⵓⵛⴻⵏ

ⴷⴻⴳ ⵉⵛⵜ ⵏ ⵜⴰⴷⴷⴰⵔⵜ ⵜⵛⴰⵔⵛ. ◘

10 ⵍⴻⵄⵎⴰⵔ ⵏ ⵉⵄⴻⴼⴼⴰⵏⴻⵏ ⵉⵜⵜⵎⴻⵥⵔⵉ ⴷⵉ ⵍⵖⴰⵔ,

ⴰⵎⵇⴰⵔⵔⴻⴱ ⵏⵏⴻⵙ ⵡⴰⵔ ⵖⴰⵔⴻⵙ ⵉⵜⵜⵉⴼ ⴰⵔⴹⴰ

ⴷⵉ ⵜⵉⵟⵟⴰⵡⵉⵏ ⵏⵏⴻⵙ.

11 ⵎⴰⵍⴰ ⵉⵜⵜⵡⴰⵅⴻⴵⴻⵚ ⵓⵎⴻⵙⵜⴻⵀⵣⵉⵢ,

ⵉⴷⴷⴰⴽⴽⵡⴰⵍ ⵡⴻⵏⵏⵉ

ⵡⴰⵔ ⵖⴰⵔⴻⵙ ⴱⵓ ⵍⴻⴼⵀⴰⵎⴻⵜ ⴷ ⴰⵎⵉⵖⵉⵙ,

ⵎⴰⵍⴰ ⵙⵙⵍⴻⵎⴷⴻⵏ ⴰⵎⵉⵖⵉⵙ,

ⵉⴽⴻⵙⵙⵉ ⵏⴻⵜⵜⴰ ⵜⵓⵙⵙⵏⴰ. ◘

12 ⵉⵊⵊ ⵏ ⵓⵎⵙⴻⴳⴳⴻⴷ ⵉⵜⵜⴱⴻⵇⵇⴻⵛ ⵎⵍⵉⵃ

ⵜⴰⴷⴷⴰⵔⵜ ⵏ ⵓⵄⴻⴼⴼⴰⵏ,

ⵉⵖⴻⵟⵟⴻⵍ ⵉⵄⴻⴼⴼⴰⵏⴻⵏ ⴷⵉ ⴰⵔⵥⵉⵢⵢⴻⵜ.

13 ⵡⴻⵏⵏⵉ ⵉⵜⵜⴱⴻⵍⵍⴰⵄⴻⵏ ⴰⵎⴻⵣⵣⵓⵖ ⵏⵏⴻⵙ

ⵖⴰⵔ ⵉⵖⵓⵢⵢⴰⵏ ⵏ ⵓⵎⴻⵣⵍⵓⴹ,

ⵓⵍⴰ ⴷ ⵏⴻⵜⵜⴰ ⴰⴷ ⵉⵙⵖⵓⵢ

ⵎⴰⵛⴰ ⵡⴰⵔ ⵅⴰⵙ ⴷⴷ-ⵜⵜⴰⵔⵔⴰⵏ.

14 ⵚⵚⴻⴷⵇⴻⵜ ⴷⵉ ⵜⵏⵓⴼⴼⵔⴰ ⵜⴻⵚⵍⴻⵃⵃⵓ ⵡⴻⵖⴹⴰⴱ,

ⵜⴰⵔⵣⴻⴼⵜ ⵉⵎⵎⴻⵡⵛⴻⵏ ⴷⴻⴳ ⵡⴻⵃⵙⵉⵏ ⵏ ⵡⴰⵔⵔⵓⴹ

ⵜⴻⵚⵍⴻⵃⵃⵓ ⴰⵅⴻⵢⵢⴻⵇ ⵉⵎⵖⴰⵔⴻⵏ. ◘

15 ⴰⵇⴰ ⴷ ⵍⴻⴼⵔⴰⵃⴻⵜ ⵉ ⵓⵎⵙⴻⴳⴳⴻⴷ

ⵎⴰⵃⴻⵏⴷ ⴰⴷ ⵉⴳⴳ ⵎⵉⵏ ⵉⴵⴰⵏ ⵏⵉⵛⴰⵏ,

ⵎⴰⵛⴰ ⴷ ⴰⵛⴻⵍⵡⴰⵡ ⵉ ⵢⵉⵏⵏⵉ ⵉⵜⵜⴻⴳⴳⴻⵏ ⵍⵖⴻⵛⵛ.

16 ⴱⵏⴰⴷⴻⵎ ⵏⵏⵉ ⵉⵜⵜⴻⴼⴼⵖⴻⵏ

ⵣⴻⴳ ⵡⴻⴱⵔⵉⴷ ⵏ ⵍⴻⵄⵇⴻⵍ,

ⴰⴷ ⵢⴰⵔⴻⵢⵢⴻⵃ ⴷⴻⴳ ⵡⴻⴳⵔⴰⵡ

ⵏ ⵍⴻⵅⵢⴰⵍⴰⵜ ⵏ ⵉⵎⴻⵜⵜⴰⵏ.

17 ⵡⴻⵏⵏⵉ ⵉⵜⵜⴻⵅⵙⴻⵏ ⴰⴼⴰⵔⵔⴰⵊ, ⴰⴷ ⵉⵃⵡⴰⵊ,

ⵡⴻⵏⵏⵉ ⵉⵜⵜⴻⵅⵙⴻⵏ ⴱⵉⵏⵓ ⴷ ⵣⵣⴻⵛⵜ,

ⵡⴰⵔ ⵉⴷⴷⵉⴽⴽⵡⵉⵍ ⴷ ⴱⵓ ⵡⴰⴳⵍⴰ.

18 ⴰⵄⴻⴼⴼⴰⵏ ⴷ ⴷⴷⴻⵢⵢⴻⵜ ⵉ ⵉⵎⵙⴻⴳⴳⴰⴷⴻⵏ,

ⵓ ⴰⵖⴻⴷⴷⴰⵔ ⴰⴷ ⴷⴷ-ⵢⵉⵍⵉ

ⴷⴻⴳ ⵡⴻⵎⵛⴰⵏ ⵏ ⵢⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ. ◘

19 ⵉⵃⵍⴰ ⴰⴷ ⵜⵣⴻⴷⵖⴻⴷ ⴷⵉ ⵜⴻⵎⵎⵓⵔⵜ ⵉⵅⵍⴰⵏ,

ⵅ ⵜⴰⵣⴻⴷⴷⵉⵖⵜ ⴰⴽ-ⴷ ⵉⵛⵜ ⵏ ⵜⴻⵎⵖⴰⵔⵜ

ⵉⵜⵜⴻⵎⵛⵓⴱⴱⵓⵛⴻⵏ ⵓ ⵉⵜⵜⴻⵇⵇⵙⴻⵏ. ◘

20 ⵉⵊⵊ ⵏ ⵍⴽⴻⵏⵣ ⵉⵜⵜⵡⴰⵃⵡⴰⵊⴻⵏ ⴷ ⵣⵣⴻⵛⵜ

ⴰⵇⴰ ⴰⵜⴻⵏ ⴷⵉ ⵜⵣⴻⴷⴷⵉⵖⵜ ⵏ ⵉⵎⵉⵖⵉⵙⴻⵏ,

ⵎⴰⵛⴰ ⴱⵏⴰⴷⴻⵎ ⴰⴱⵓⵀⴰⵍⵉ ⵉⵚⴰⵔⵔⴻⴹ ⵉ-ⵜ.

21 ⵡⴻⵏⵏⵉ ⵢⴰⵔⴻⵣⵣⵓⵏ ⵅ ⵜⵙⴻⴳⴷⴰ

ⴷ ⵜⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ,

ⵉⵜⵜⴰⴼ ⵜⵓⴷⴰⵔⵜ ⴷ ⵜⵙⴻⴳⴷⴰ ⴷ ⵛⵛⴰⵏ.

22 ⴰⵎⵉⵖⵉⵙ ⵉⵜⵜⴳⴻⵄⵄⴰⴷ

ⵅ ⵜⴻⵏⴷⵉⵏⵜ ⵏ ⴰⵢⵜ ⵏ ⴱⵓ-ⵜⴻⵖⵍⵓⴹⵜ,

ⵉⵖⴻⵟⵟⴻⵍ ⵊⵊⴻⵀⴷ ⵏ ⵜⵜⵉⵇⴻⵜ ⵏⵙⴻⵏ ⴷⵉ ⵜⴻⵎⵎⵓⵔⵜ.

23 ⵡⴻⵏⵏⵉ ⵉⵃⴻⵟⵟⴰⵏ ⴰⵇⴻⵎⵎⵓⵎ ⴷ ⵢⵉⵍⴻⵙ ⵏⵏⴻⵙ,

ⵉⵃⴻⵟⵟⴰ ⵍⴻⵄⵎⴰⵔ ⵏⵏⴻⵙ ⵣⵉ ⵍⴻⵃⵚⴰⵔⴰⵜ. ◘

24 ⵡⴻⵏⵏⵉ ⴷ ⴱⵓ-ⵏⵏⴼⴰⵅⴻⵜ ⵉⴼⴼⵓⵛⵛⵃⴻⵏ

ⵜⵜⵍⴰⵖⴰⵏ ⴰⵙ ‘ⴰⵎⴻⵙⵜⴻⵀⵣⵉⵢ’,

ⵏⴻⵜⵜⴰ ⵉⵜⵜⴻⴳⴳ ⵙ ⵏⵏⴼⴰⵅⴻⵜ ⴱⵍⴰ ⵍⴻⵇⵢⴰⵙ.

25 ⵛⵛⴻⵀⵡⴻⵜ ⵏ ⵓⵎⴻⵄⴳⵓⵣ ⵜⵏⴻⵇⵇ ⵉ-ⵜ,

ⵎⴰⵖⴰⵔ ⵉⴼⴰⵙⵙⴻⵏ ⵏⵏⴻⵙ ⵓⴳⵉⵏ ⴰⴷ ⵅⴻⴷⵎⴻⵏ.

ⴰⵡⴰⵍⴻⵏ ⵉⵡⴻⵣⵣⵏⴻⵏ ⵏ ⵙⵓⵍⵉⵎⴰⵏ - ⵜⴰⵙⵖⴰⵔⵜ 1ⴷ

26 ⴰⵙⵙ ⵉⵎⵓⵏ ⵉⵜⵜⵛⴻⵀⵀⴰ ⵜⵉⵎⴻⵙⵍⴰⵢⵉⵏ ⵏ ⵓⵛⴻⵀⵀⵉ,

ⵎⴰⵛⴰ ⴰⵎⵙⴻⴳⴳⴻⴷ ⴰⴷ ⵉⵡⵛ,

ⵡⴰⵔ ⵉⵜⵜⵖⵉⵎⵉ ⵉⵜⵜᵉⵟⵟⴻⴼ ⴷⵉ ⵛⴰ ⵉ ⵢⵉⵅⴻⴼ ⵏⵏⴻⵙ. ◘

27 ⵜⴰⵖⴰⵔⵚⵜ ⵏ ⵓⵄⴻⴼⴼⴰⵏ ⴷ ⵏⵏⵄⵉ,

ⵎⴰⵀⵓ ⵎⴰⵍⴰ ⵏⵉⵜⵏⵉ ⴰⴷ ⵜⵜ ⴰⵡⵢⴻⵏ

ⵙ ⵓⵏⴻⴽⴽⵡⵉ ⵉⵖⴻⵛⵛⴻⵏ. ◘

28 ⴰⵛⴻⵀⵀⴰⴷ ⵉⵙⵙⵅⴰⵔⵔⵉⵇⴻⵏ ⴰⴷ ⵉⵜⵜⵡⴰⵀⴻⵍⵍⴻⴽ,

ⵎⴰⵛⴰ ⴰⵔⵢⴰⵣ ⵏⵏⵉ ⵉⵜⵜⴻⵙⵍⴰⵏ,

ⴰⴷ ⵉⵙⵙⵉⵡⴻⵍ ⵜⵉⴷⴻⵜⵜ ⵍⴻⴱⴷⴰ. ◘

29 ⴰⵔⵢⴰⵣ ⴰⵄⴻⴼⴼⴰⵏ ⵉⵙⵙⴻⵊⵀⴻⴷ ⵉⵅⴻⴼ ⵏⵏⴻⵙ

ⴰⴽ-ⴷ ⵡⵓⴷⴻⵎ ⵏⵏⴻⵙ,

ⵎⴰⵛⴰ ⵡⴻⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ

ⵉⵙⵙⴻⵎⵜⴻⵏ ⵉⴱⵔⵉⴷⴻⵏ ⵏⵏⴻⵙ.

30 ⵡⴰⵔ ⵜⴻⴵⵉ ⵜⵉⵖⵉⵜ ⵓⵍⴰ ⴷ ⵍⴻⴼⵀⴰⵎⴻⵜ,

ⵡⴰⵔ ⴷⵉⵏ ⵉⴵⵉ ⴱⵓ ⵓⵛⴰⵡⴰⵔ ⵇⵉⴱⴰⵍⵜ ⵉ ⵙⵉⴷⵉ.

31 ⴰⵢⵉⵙ ⴰⴷ ⴰⵙ ⵃⴻⵣⵣⵎⴻⵏ ⵉ ⵡⴰⵙⵙ ⵏ ⵓⵎⴻⵏⵖⵉ,

ⵎⴰⵛⴰ ⵍⴻⵖⵍⴻⴱ ⵖⴰⵔ ⵙⵉⴷⵉ.◘

◘21:2 21:2 ⴰⵡⵍⵏ. 16:2

◘21:3 21:3 1 ⵚⵎ. 15:22; ⵉⵥⵀⴷ. 50:8, 14; ⵉⵛⴰ. 1:11, 16; ⵃⵓⵛ. 6:6

◘21:5 21:5 ⴰⵡⵍⵏ. 10:4; 13:4

◘21:6 21:6 ⴰⵡⵍⵏ. 10:2, 4; 13:11

◘21:9 21:9 ⴰⵡⵍⵏ. 21:19; 25:24; 27:15

◘21:11 21:11 ⴰⵡⵍⵏ. 19:25

◘21:14 21:14 ⴰⵡⵍⵏ. 17:8; 18:16

◘21:18 21:18 ⴰⵡⵍⵏ. 11:8

◘21:19 21:19 ⴰⵡⵍⵏ. 21:9; 25:24

◘21:23 21:23 ⴰⵡⵍⵏ. 18:21

◘21:26 21:26 ⵉⵥⵀⴷ. 37:26

◘21:27 21:27 ⴰⵡⵍⵏ. 15:8; ⵉⵛⴰ. 1:13; ⵉⵔⵎ. 6:20; ⵄⴰⵎ. 5:21

◘21:28 21:28 ⴰⵡⵍⵏ. 19:5, 9

◘21:31 21:31 ⵉⵥⵀⴷ. 33:17