26
1 Yazda qar yéghish,
Orma waqtida yamghur yéghish qamlashmighandek,
Izzet-hörmet exmeqqe layiq emestur.
2 Leylep uchup yürgen quchqachtek,
Uchqan qarlighach yerge qonmighandek,
Sewebsiz qarghish kishige ziyan keltürelmes.
3 Atqa qamcha, éshekke noxta lazim bolghinidek,
Exmeqning dümbisige tayaq layiqtur.■Zeb. 32:8, 9,10; Pend. 10:13
4 Exmeqning exmiqane gépi boyiche uninggha jawab bermigin,
Jawab berseng özüng uninggha oxshap qélishing mumkin.
5 Exmeqning exmiqane gépi boyiche uninggha jawab bergin,
Jawab bermiseng u özining exmeqliqini eqilliq dep chaghlar.
6 Öz putini késiwetkendek,
Öz béshigha zulmet tiligendek,
Exmeqtin xewer yollashmu shundaq bir ishtur.□«Öz béshigha zulmet tiligendek» — ibraniy tilida «xuddi ziyan ichkendek».
7 Tokurning kargha kelmigen putliridek,
Exmeqning aghzigha sélin’ghan pend-nesihetmu bikar bolur.
8 Salghigha tashni baghlap atqandek,
Exmeqqe hörmet bildürüshmu exmiqane ishtur.□«Salghigha tashni baghlap atqandek,...» — tash salghigha baghlap qoyulsa, uni salghidin chiqarghili bolmaydu, elwette.
9 Exmeqning aghzigha sélin’ghan pend-nesihet,
Mestning qoligha sanjilghan tikendektur.
10 Öz yéqinlirini qarisigha zeximlendürgen oqyachidek,
Exmeqni yaki udul kelgen ademni yallap ishletken xojayinmu oxshashla zeximlendürgüchidur.□«Öz yéqinlirini qarisigha zeximlendürgen oqyachidek, exmeqni yaki udul kelgen ademni yallap ishletken xojayinmu oxshashla zeximlendürgüchidur» — bu pend-nesihetning bashqa birnechche xil terjimiliri bar.
11 It aylinip kélip öz qusuqini yalighandek,
Exmeq exmeqliqini qaytilar.■2Pét. 2:22
12 Özini dana chaghlap memnun bolghan kishini kördüngmu?
Uninggha ümid baghlimaqtin exmeqqe ümid baghlimaq ewzeldur.■Pend. 29:20
13 Hurun adem: — «Tashqirida dehshetlik bir shir turidu,
Kochida bir shir yüridu!» — dep öydin chiqmas.■Pend. 22:13
14 Öz mujuqida échilip-yépilip turghan ishikke oxshash,
Hurun kariwatta yétip u yaq-bu yaqqa örülmekte.
15 Hurun qolini sunup qachigha tiqqini bilen,
Ghizani aghzigha sélishtinmu ériner.■Pend. 19:24
16 Hurun özini pem bilen jawab bergüchi yette kishidinmu dana sanar.
17 Kochida kéliwétip, özige munasiwetsiz majiragha arilashqan kishi,
Itning quliqini tutup sozghan’gha oxshash xeterge duchar bolar.
18 Öz yéqinlirini aldap «Peqet chaqchaq qilip qoydum!» deydighan kishi,
Otqashlarni, oqlarni, herxil ejellik qorallarni atqan telwige oxshaydu.
20 Otun bolmisa ot öcher;
Gheywet bolmisa, jédel bésilar.■Pend. 22:10
21 Choghlar üstige chachqan kömürdek,
Ot üstige qoyghan otundek, jédelchi jédelni ulghaytar.■Pend. 15:18; 29:22
22 Gheywetxorning sözliri herxil nazunémetlerdek,
Kishining qelbige chongqur singdürüler.□«Kishining qelbige chongqur singdürüler» — ibraniy tilida «kishining qorsiqining ichki yerlirige singdürüler». ■Pend. 18:8
23 Yalqunluq lewler rezil köngüllerge qoshulghanda,
Sapal qachigha kümüsh hel bergen’ge oxshashtur.
24 Adawet saqlaydighan adem öchini gepliri bilen yapsimu,
Könglide qat-qat suyiqest saqlaydu.
25 Uning sözi chirayliq bolsimu, ishinip ketmigin;
Qelbide yette qat iplasliq bardur.
26 U öchmenlikini chirayliq gep bilen yapsimu,
Lékin rezilliki jamaetning aldida ashkarilinar.
27 Kishige ora kolighan özi chüsher;
Tashni domilatqan kishini tash dumilap qaytip kélip uni yanjar.■Zeb. 7:15-16; 9:15; 10:2; 57:6; Top. 10:8
28 Saxta til özi ziyankeshlik qilghan kishilerge nepretliner;
Xushamet qilghuchi éghiz ademni halaketke ittirer.
■26:3 Zeb. 32:8, 9,10; Pend. 10:13
□26:6 «Öz béshigha zulmet tiligendek» — ibraniy tilida «xuddi ziyan ichkendek».
□26:8 «Salghigha tashni baghlap atqandek,...» — tash salghigha baghlap qoyulsa, uni salghidin chiqarghili bolmaydu, elwette.
□26:10 «Öz yéqinlirini qarisigha zeximlendürgen oqyachidek, exmeqni yaki udul kelgen ademni yallap ishletken xojayinmu oxshashla zeximlendürgüchidur» — bu pend-nesihetning bashqa birnechche xil terjimiliri bar.
□26:22 «Kishining qelbige chongqur singdürüler» — ibraniy tilida «kishining qorsiqining ichki yerlirige singdürüler».
■26:27 Zeb. 7:15-16; 9:15; 10:2; 57:6; Top. 10:8