27
1 Etiki kününg toghruluq maxtanma,
Chünki bir küni néme bolidighiningnimu bilmeysen.■Yaq. 4:13, 14
2 Séni bashqilar maxtisun, öz aghzing mundaq qilmisun,
Yat adem séni maxtisun, öz lewliring undaq qilmisun.
3 Tash éghir, qum xéli jing basar,
Biraq exmeq keltüridighan xapichiliq ikkisidin téximu éghirdur.
4 Ghezep rehimsizdur,
Qehr bolsa kelkündek ademni éqitip kéter,
Biraq kim hesetxorluq aldida taqabil turalisun?
5 Ashkara eyiblesh yoshurun muhebbettin eladur.
6 Dostning qolidin yégen zeximler sadiqliqtin bolidu;
Biraq düshmenning söyüshliri hiyligerliktur.□«Dostning qolidin yégen zeximler sadiqliqtin bolidu» — yaki «Dostning qolidin yégen zeximler ademni heqiqetke yetküzer».
7 Toq kishi hesel könikidinmu bizardur,
Ach kishige herqandaq achchiq nersimu tatliq biliner.□«Toq kishi hesel könikidinmu bizardur» — yaki «toq kishi hesel könikini dessiwétidu».
8 Yurt makanidin ayrilghan kishi,
Uwisidin ayrilip yürgen qushqa oxshar.
9 Etir we xushbuy köngülni achar,
Jan köyer dostning semimiy mesliheti kishini righbetlendürer.
Jan köyer dostning semimiy, xushxuy mesliheti kishini xush qilur.
10 Öz dostungni, atangning dostinimu untuma;
Béshinggha kün chüshkende qérindishingning öyige kirip yélinma;
Yéqindiki dost, yiraqtiki qérindashtin ela.■Pend. 17:17; 18:24
11 I oghlum, dana bol, könglümni xush qil,
Shundaq qilghiningda méni mesxire qilidighanlargha jawab béreleymen.
12 Zérek kishi bala-qazani aldin körüp qachar;
Saddilar aldigha bérip ziyan tartar.■Pend. 22:3
13 Yatqa képil bolghan kishidin qerzge tonini tutup alghin;
Yat xotun’gha kapalet bergen kishidin kapalet puli al.■Pend. 6:1, 2; 11:15; 17:18; 20:16
14 Qaq seherde turup, yuqiri awazda dostigha bext tiligenlik,
Özini qarghash hésablinar.
15 Yamghurluq kündiki toxtimay chüshken tamche-tamche yéghin,
We soqushqaq xotun bir-birige oxshashtur.■Pend. 19:13
16 Uni tizgenlesh boranni tosqan’gha,
Yaki yaghni ong qol bilen changgallighan’gha oxshashtur.
17 Tömürni tömürge bilise ötkürleshkendek,
Dostlarmu bir-birini ötkürleshtürer.
18 Enjür köchitini perwish qilghuchi uningdin enjür yeydu;
Xojayinini asrap kütken qul izzet tapidu.
19 Suda ademning yüzi eks etkendek,
Insanning qelbining qandaqliqi öz yénidiki kishi arqiliq biliner.□«Insanning qelbining qandaqliqi öz yénidiki kishi arqiliq biliner» — bashqa birxil terjimisi: «Insanning qelbining qandaqliqi öz yénidiki kishining qelbige melum bolar (eks éter)».
20 Tehtisara we halaket hergiz toymighandek,
Ademning ach közliri qanaet tapmas.□«Tehtisara» — ölgenlerning rohliri barghan jay. «Halaket» — belkim «halak qilghuchi» dégen yaman bir perishtidur. «Weh.» 9:11ni körüng. ■Top. 1:8
21 Sapal qazan kümüshni, chanaq altunni tawlar,
Adem bolsa maxtalghanda sinilar.
22 Exmeqni bughday bilen birge sendelde talqan qilip soqsangmu,
Exmeqliqi yenila uningda turar.
23 Padiliringning ehwalini obdan bilip tur,
Mal-waranliringdin yaxshi xewer al;
24 Chünki bayliqning menggü kapaliti bolmas,
Taj-textmu dewrdin-dewrgiche turamdu?
25 Qurughan chöpler orulghandin kéyin,
Yumran chöpler ösüp chiqqanda,
Tagh baghridinmu yawayi chöpler yighilghanda,
26 Shu chaghda qozilarning yungliri qirqilip kiyiming bolar;
Öchkilerni satqan pulgha bir étiz kéler,■1Tim. 6:8
27 Hemde öchkilerning sütliri séning hem ailidikiliringning ozuqluqini,
Dédekliringning qorsiqini teminleshkimu yéter.
■27:1 Yaq. 4:13, 14
□27:6 «Dostning qolidin yégen zeximler sadiqliqtin bolidu» — yaki «Dostning qolidin yégen zeximler ademni heqiqetke yetküzer».
□27:7 «Toq kishi hesel könikidinmu bizardur» — yaki «toq kishi hesel könikini dessiwétidu».
■27:13 Pend. 6:1, 2; 11:15; 17:18; 20:16
□27:19 «Insanning qelbining qandaqliqi öz yénidiki kishi arqiliq biliner» — bashqa birxil terjimisi: «Insanning qelbining qandaqliqi öz yénidiki kishining qelbige melum bolar (eks éter)».
□27:20 «Tehtisara» — ölgenlerning rohliri barghan jay. «Halaket» — belkim «halak qilghuchi» dégen yaman bir perishtidur. «Weh.» 9:11ni körüng.