Muⱪeddes Kalam (yǝngi yeziⱪ) Ayup 41

Lewiatandin alƣan sawaⱪ

1 Lewiatanni ⱪarmaⱪ bilǝn tartalamsǝn?

Uning tilini arƣamqa bilǝn baƣlap basalamsǝn?□

2 Uning burniƣa ⱪomux qülükni kirgüzǝlǝmsǝn?

Uning engikini tɵmür nǝyzǝ bilǝn texǝlǝmsǝn?

3 U sanga arⱪa-arⱪidin iltija ⱪilamdu?

Yaki sanga yawaxliⱪ bilǝn sɵz ⱪilamdu?

4 U sǝn bilǝn ǝⱨdǝ tüzüp,

Xuning bilǝn sǝn uni mǝnggü malay süpitidǝ ⱪobul ⱪilalamsǝn?

5 Sǝn uni ⱪuxⱪaqni oynatⱪandǝk oynitamsǝn?

Dedǝkliringning ⱨuzuri üqün uni baƣlap ⱪoyamsǝn?

6 Tijarǝtqilǝr uning üstidǝ sodilixamdu?

Uni sodigǝrlǝrgǝ bɵlüxtürüp berǝmdu?

7 Sǝn uning pütkül terisigǝ atarnǝyzini sanjiyalamsǝn?

Uning bexiƣa qanggak bilǝn sanjiyalamsǝn?!

8 Ⱪolungni uningƣa birla tǝgküzgǝndin keyin,

Bu jǝngni ǝslǝp ikkinqi undaⱪ ⱪilƣuqi bolmaysǝn!

9 Mana, «uni boysundurimǝn» degǝn ⱨǝrⱪandaⱪ ümid biⱨudiliktur;

Ⱨǝtta uni bir kɵrüpla, ümidsizlinip yǝrgǝ ⱪarap ⱪalidu ǝmǝsmu?

10 Uning jeniƣa tegixkǝ petinalaydiƣan ⱨeqkim yoⱪtur;

Undaⱪta Mening aldimda turmaⱪqi bolƣan kimdur?□

11 Asman astidiki ⱨǝmmǝ nǝrsǝ Mening tursa,

Mening aldimƣa kim kelip «manga tegixlikini bǝrginǝ» dǝp baⱪⱪan ikǝn,

Mǝn uningƣa ⱪayturuxⱪa tegixlikmu?□ ■

12 Lewiatanning ǝzaliri,

Uning zor küqi,

Uning tüzülüxining güzǝlliki toƣruluⱪ,

Mǝn süküt ⱪilip turalmaymǝn.

13 Kim uning sawutluⱪ tonini salduruwetǝlisun?

Kim uning ⱪox engiki iqigǝ kiriwalalisun?□

14 Kim uning yüz dǝrwazilirini aqalalisun?

Uning qixliri ǝtrapida wǝⱨimǝ yatidu.

15 Ⱪasiraⱪlirining sǝpliri uning pǝhridur,

Ular bir-birigǝ qing qaplaxturulƣanki,□

16 Bir-birigǝ xamal kirmǝs yeⱪin turidu.

17 Ularning ⱨǝrbiri ɵz ⱨǝmraⱨliriƣa qaplaxⱪandur;

Bir-birigǝ ziq yepixturulƣan, ⱨeq ayrilmastur.

18 Uning qüxkürüxliridin nur qaⱪnaydu,

Uning kɵzliri sǝⱨǝrdiki ⱪapaⱪtǝktur.

19 Uning aƣzidin otlar qiⱪip turidu;

Ot uqⱪunliri sǝkrǝp qiⱪidu.

20 Ⱪomux gülhanƣa ⱪoyƣan ⱪaynawatⱪan ⱪazandin qiⱪⱪan ⱨordǝk,

Uning burun tɵxükidin tütün qiⱪip turidu;

21 Uning nǝpisi kɵmürlǝrni tutaxturidu,

Uning aƣzidin bir yalⱪun qiⱪidu.

22 Boynida zor küq yatidu,

Wǝⱨimǝ uning aldida sǝkrixip oynaydu.

23 Uning ǝtliri ⱪat-ⱪat birlǝxtürülüp qing turidu;

Üstidiki ⱪasiraⱪliri yepixturulup, midirlimay turidu.

24 Uning yüriki bǝǝyni taxtǝk mustǝⱨkǝm turidu,

Ⱨǝtta tügmǝnning asti texidǝk mǝzmut turidu.

25 U ornidin ⱪozƣalsa, palwanlarmu ⱪorⱪup ⱪalidu;

Uning tolƣinip xawⱪunlixidin alaⱪzadǝ bolup ketidu.□

26 Birsi ⱪiliqni uningƣa tǝgküzsimu, ⱨeq ünümi yoⱪ;

Nǝyzǝ, atarnǝyzǝ wǝ yaki qanggaⱪ bolsimu bǝribir ünümsizdur.

27 U tɵmürni samandǝk,

Misni por yaƣaqtǝk qaƣlaydu.

28 Oⱪya bolsa uni ⱪorⱪitip ⱪaqⱪuzalmaydu;

Salƣa taxliri uning aldida pahalƣa aylinidu.

29 Toⱪmaⱪlarmu pahaldǝk ⱨeqnemǝ ⱨesablanmaydu;

U nǝyzǝ-xǝxbǝrning tǝnglinixigǝ ⱪarap külüp ⱪoyidu.□

30 Uning asti ⱪismi bolsa ɵtkür sapal parqiliridur;

U lay üstigǝ qong tirna bilǝn tatiliƣandǝk iz ⱪalduridu.□

31 U dengiz-okyanlarni ⱪazandǝk ⱪaynitiwetidu;

U dengizni ⱪazandiki mǝlⱨǝmdǝk waraⱪxitidu;

32 U mangsa mangƣan yoli parⱪiraydu;

Adǝm buȥƣunlarni kɵrüp qongⱪur dengizni ap’aⱪ qaqliⱪ boway dǝp oylap ⱪalidu.

33 Yǝr yüzidǝ uning tǝngdixi yoⱪtur,

U ⱨeq ⱪorⱪmas yaritilƣan.

34 U büyüklǝrning ⱨǝrⱪandiⱪiƣa jür’ǝt bilǝn nǝzǝr selip, ⱪorⱪmaydu;

U barliⱪ mǝƣrur ⱨaywanlarning padixaⱨidur». □

Ayup
<
41
>

□41:1 «Lewiatan» — yuⱪiriⱪi 3-bab, 8-ayǝttiki izaⱨatni kɵrüng.

□41:10 «Uning jeniƣa tegixkǝ petinalaydiƣan ⱨeqkim yoⱪtur; undaⱪta Mening aldimda turmaⱪqi bolƣan kimdur?» — lewiatan insanƣa ɵgitidiƣan ǝng uluƣ ix Hudaning Ɵz ⱨǝywisini gǝwdilǝndürüxtur; insanlar lewiatanning uluƣluⱪini ⱨǝm tilsim kɵrkǝmlikigǝ ⱪarap Hudadin ǝyminixi kerǝktur. Oⱪurmǝnlǝrning «ⱪoxumqǝ sɵz»imizni kɵrüxini ümid ⱪilimiz.

□41:11 «Mening aldimƣa kim kelip «manga tegixlikini bǝrginǝ» dǝp baⱪⱪan ikǝn» — baxⱪa birhil tǝrjimisi: «manga kim awwal bir nǝrsǝ bǝrgǝnikǝn, andin «manga tegixlikini bǝrginǝ» dǝp baⱪⱪan ikǝn?».

■41:11 Mis. 19:5; Ⱪan. 10:14; Zǝb. 24:1; 50:12; Rim. 11:35; 1Kor. 10:26, 28

□41:13 «...Kim uning ⱪox engiki iqigǝ kiriwalalisun?» — baxⱪa nǝqqǝ hil tǝrjimiliri bar, mǝsilǝn: — «...Kim uning ikki ⱪur qixliri iqigǝ kiriwalalisun?» yaki «...Kim uningƣa yügǝnni yeⱪinlaxturalisun?».

□41:15 «Ⱪasiraⱪlirining sǝpliri uning pǝhridur, ular bir-birigǝ qing qaplaxturulƣanki...» — baxⱪa birhil tǝrjimisi: «Uning pütün dümbisi ⱪasiraⱪlardur, ular bir-birigǝ qing qaplaxturulƣanki...»

□41:25 «Uning tolƣinip xawⱪunlixidin alaⱪzadǝ bolup ketidu» — baxⱪa birnǝqqǝ hil tǝrjimiliri uqrixi mumkin.

□41:29 «xǝxbǝr» — bexi tikǝndǝk bolƣan uzun birhil nǝyzǝ.

□41:30 «Uning asti ⱪismi bolsa ɵtkür sapal parqiliridur» — yaki «Uning asti ⱪismi bolsa, bǝǝyni ⱪiyiⱪ taxlardur».

□41:34 «U barliⱪ mǝƣrur ⱨaywanlarning padixaⱨidur» — baxⱪa birhil tǝrjimisi: «U barliⱪ mǝƣrur bolƣuqilarning padixaⱨidur». Oⱪurmǝnlǝrning lewiatandin alƣan sawaⱪlar toƣruluⱪ «ⱪoxumqǝ sɵz»diki sɵⱨbitimizni kɵrüxini ümid ⱪilimiz.