142
142-küy •••• Yar-yɵlǝksizliktiki dua
1 Dawut ƣarda yoxurunup turƣan waⱪitta yazƣan «Masⱪil»: —
Mǝn Pǝrwǝrdigarƣa awazimni anglitip nalǝ-pǝryad kɵtürimǝn;
Pǝrwǝrdigarƣa awazim bilǝn yelinimǝn; ◼«Dawut ƣarda yoxurunup turƣan waⱪitta yazƣan «Masⱪil»: —....» — Dawut pǝyƣǝmbǝr Saul padixaⱨtin ⱪeqip, ikki ⱪetim ƣarda yoxurunƣan waⱪtidiki wǝⱪǝlǝr «Tǝwrat, «1Sam.» -22- ⱨǝm 24-babta yezliƣan.
2 Uning aldida dad-zarlirimni tɵkimǝn;
Uningƣa awariqilikimni eytimǝn.
3 Roⱨim iqimdǝ tügixǝy dǝp ⱪalƣanda,
Xu qaƣda basⱪan yolumni bilgǝnsǝn;
Mǝn mangƣan yolda ular manga ⱪiltaⱪ saldi. ◘Zǝb. 77:3
4 Ong yenimƣa ⱪarap baⱪⱪaysǝn;
Ətrapimda meni tonuydiƣan adǝm yoⱪtur;
Panaⱨgaⱨ yoⱪap kǝtti;
Ⱨeq adǝm jenimƣa kɵyünmǝydu.
5 Mǝn Sanga pǝryad kɵtürdüm, i Pǝrwǝrdigar;
Sanga: «Sǝn mening Baxpanaⱨimsǝn,
Tiriklǝrning zeminida bolƣan Nesiwǝmdursǝn» — dedim. ◘Zǝb. 16:5
6 Mening pǝryadimƣa ⱪulaⱪ salƣaysǝn;
Qünki mǝn intayin harab ǝⱨwalƣa qüxürüldum;
Meni ⱪoƣliƣuqilirimdin ⱪutuldurƣaysǝn;
Qünki ular mǝndin küqlüktur. ◘Zǝb. 41:2; 79:8; 116:6
7 Sening namingni tǝbriklixim üqün,
Jenimni türmidin qiⱪarƣaysǝn;
Ⱨǝⱪⱪaniylar ǝtrapimda olixidu;
Qünki Sǝn manga zor meⱨribanliⱪ kɵrsitisǝn.
◼142:1 «Dawut ƣarda yoxurunup turƣan waⱪitta yazƣan «Masⱪil»: —....» — Dawut pǝyƣǝmbǝr Saul padixaⱨtin ⱪeqip, ikki ⱪetim ƣarda yoxurunƣan waⱪtidiki wǝⱪǝlǝr «Tǝwrat, «1Sam.» -22- ⱨǝm 24-babta yezliƣan.