1 Alò Nachasch, Amonit la te vin monte pou te fè syèj sou Jabès nan Galaad; epi tout mesye Jabès yo te di a Nachasch: “Fè ✡ Job 41:4yon akò avèk nou e nou va sèvi ou.”

2 Men Nachasch, Amonit la, te di yo: “Mwen va fè l avè w sou yon sèl kondisyon; pou mwen kreve zye dwat a nou chak! Konsa mwen va fè li yon repwòch sou tout Israël.”

3  ✡ I Sam 8:4Ansyen nan Jabès yo te di a li: “Bay nou sèt jou, pou nou kapab voye mesaje yo toupatou nan teritwa Israël la. Alò, si nanpwen moun pou delivre nou, nou va sòti deyò kote ou.” 4 Alò mesaje yo te vini ✡ I Sam 10:26 Guibea kote Saül e te pale pawòl sa yo nan zòrèy a pèp la, e tout pèp la te leve vwa yo pou te kriye.

5 Alò gade byen, Saül t ap sòti nan chan an ✡ I Wa 19:19dèyè bèf kabwèt yo. Li te di: “Kisa ki gen avèk pèp la pou y ap kriye la a?” Konsa, yo te pataje avèk li pawòl a mesye Jabès yo. 6 Konsa ✡ Jij 3:10Lespri Bondye te vini sou Saül avèk gran fòs lè li te tande pawòl sa yo, e li te vin fache anpil. 7 Li te pran yon pè bèf k ap rale chaj, e li te ✡ Jij 19:29koupe yo an mòso. Li te voye yo toupatou nan teritwa Israël la nan men mesaje yo. Li te di: “Nenpòt moun ki pa vin parèt apre Saül, e apre Samuel, se konsa l ap rive pou bèf pa li yo.” Konsa, lakrent SENYÈ a te tonbe sou pèp la e yo te sòti tankou yon sèl moun. 8 Li te konte yo nan Bézek e ✡ Jij 20:2fis Israël yo te twa-san-mil e mesye Juda yo te trant-mil. 9 Yo te di a mesaje ki te vini yo: “Konsa nou va pale a mesye a Jabés-Galaad la: ‘Demen, soti nan lè solèy la fè cho, ou va genyen delivrans ou.’ ” Konsa mesaje yo te ale pale mesye Jabés yo; epi yo te kontan. 10 Alò, mesye a Jabés yo te di: ✡ I Sam 11:3“Demen nou va parèt vè nou e nou va kapab fè avèk nou sa ki sanble bon pou nou menm.” 11 Nan pwochen maten an, Saül te divize pèp la ✡ Jij 7:16-20an twa konpayi. Epi yo te vin antre nan mitan kan an nan lè maten pou te frape Amonit yo jiskaske chalè joune a te vin rive. Sila ki te siviv yo te gaye jiskaske pa t gen de nan yo ki te rete ansanm.

12 Alò, pèp la te di a Samuel: ✡ I Sam 10:27“Se kilès ki te di nou: ‘Èske Saül va renye sou nou?’ ✡ Luc 19:27 Mennen mesye yo pou nou kab mete yo a lanmò.”

13 Men Saül te di: “Nanpwen yon moun k ap mete a lanmò nan jou sa a; paske ✡ Egz 14:13-30jodi a, SENYÈ a te acheve delivrans Israël la.”

14 Alò, Samuel te di a pèp la: “Vini, annou ale Guilgal pou ✡ I Sam 10:25renouvle wayòm nan la.” 15 Epi tout moun te monte Guilgal e la, yo te fè Saül Wa ✡ I Sam 10:17devan SENYÈ a nan Guilgal. La osi, yo te ✡ I Sam 10:8ofri sakrifis lapè devan SENYÈ a. Epi la Saül avèk tout mesye Israël yo te rejwi anpil.