Dey Give Jesus Heat Bout Da Res Day
(Mark 2:23-28; Luke 6:1-5; 1 Samuel 21:1-7; Hosea 6:6)
1 ✡ 12:1: Rules2 23:25Had one time was da Jew Res Day, an Jesus an his guys walk thru da fields wea dey grow da wheat. His guys was real hungry. Dey pick litto bit wheat fo eat. 2 But had Pharisee guys ova dea dat see um do dat, an dey tell Jesus, “Eh, how come! Dese guys, you stay teach dem, but still yet dey stay do da kine stuff dey not suppose to do on da Res Day!”
3 ✡ 12:3: 1Sam 21:1-6Jesus tell um, “Wot! You guys neva read inside da Bible wat King David wen do, da time him an his guys was hungry? 4 ✡ 12:4: Pries 24:9He go inside God spesho house, an eat da bread dass spesho fo God. But not suppose to do dat kine, cuz da Rules From God tell dat ony da pries guys can eat um. But David, he go eat um, an he give um to his guys too cuz dey hungry, an dass okay. 5 ✡ 12:5: Census 28:9-10Wot! You guys neva read inside da Bible how da pries guys inside da temple gotta do tings on da Res Day dat go agains da Rules From God? But wen dey do um, dey no broke da Rules From God. 6 I tell you fo real kine, get one guy ova hea mo importan den dat temple. Dass me! 7 ✡ 12:7 a: Matt 9:13; b: Hos 6:6Da Bible tell, ‘I like my peopo make good to each odda an give each odda chance. Dat mo betta den jus make one sacrifice inside da temple.’ If you guys wen know wat dis mean, den you guys no tell dey wen broke da Rules From God, cuz dey neva. 8 I da Fo Real Kine Guy. I da one in charge a da Res Day.”
Da Guy Wit Da Hand
Dat No Work No Moa
Dat No Work No Moa
(Mark 3:1-6; Luke 6:6-11)
9 Wen Jesus go way, he go inside da Jew church. 10 An you know wat? Had one guy dea, his one hand stay hanging an no work no moa. Dey tell Jesus, “Stay okay fo make um come good on da Res Day, o wat?” Dey tell dat cuz dey like bus um.
11 ✡ 12:11: Luke 14:5He tell um, “If one a you guys get one sheep dat fall down inside one hole on da Res Day, you goin grab um an pull um out, aah? 12 You tink one sheep mo importan den one guy? Az why az okay fo do good kine stuff on da Res Day.”
13 Den he tell da guy wit da hand dat stay hanging an no work no moa, “Stick out yoa hand.” An da guy stick um out, an da hand come good, jalike da odda hand. 14 But da Pharisee guys, dey go outside fo make one plan togedda how dey goin kill Jesus.
Da Guy God Wen Sen Fo Work Fo Him
15 Jesus know wat dey stay talking bout, so he go way from ova dea. Choke plenny peopo go wit him, an he make all da sick peopo come good. 16 He tell um dey betta not tell da odda guys who him. 17 Wen he do dis, dat make um happen jalike Isaiah wen tell. (He da guy dat wen talk fo God long time befo time, you know.) He tell:
18 ✡ 12:18: Isa 42:1-4“Eh, try lissen! Dis da guy dat work fo me.
He da guy I wen pick.
I get love an aloha fo him,
I stay real good inside cuz a him.
I goin give him my Spirit,
An he goin teach da peopos all ova da world wat stay right.
19 He no goin make argue o yell.
Nobody goin hear him talk loud in da street.
20 Da stick dat ready fo broke, he no goin broke um,
Da small fire dat ready fo pio, he no goin put um out,
Till bumbye he make erybody do how dey suppose to do.
21 All da peopos all ova da world goin trus him,
Cuz dey goin know who him.”
Jesus An Da Bad Kine Spirits
(Mark 3:20-30; Luke 11:14-23; 12:10)
22 Dey bring one guy dat get one bad kine spirit dat take ova him. Da guy no can see o talk, cuz da spirit no let um. An Jesus make da spirit no bodda da guy no moa, an make da guy come good fo him talk an see. 23 Da peopo, dat blow dea mind, an dey tell, “Eh, dis da guy from King David ohana dat da Bible talk bout befo time, o wat?”
24 ✡ 12:24: Matt 9:34; 10:25Da Pharisee guys hear dat, an dey tell, “Nah! Az Beelzebul, da Devil. He da leada guy fo da bad kine spirits, you know. He da one give dis guy da powa fo make da spirit let da guy go, az why!”
25 Jesus know wat dey tink. He tell um, “Da country dat beef each odda, dey ony bus up dea country. Da town o da ohana dat beef each odda, no can stay strong. 26 If Satan make his guys let go da peopo, den Satan go agains Satan! How he goin stay one strong king?! 27 If dea boss give me powa fo make da bad kine spirits no bodda da peopo no moa, den who give yoa guys dat same kine powa? Az yoa guys dat goin show dat you guys stay wrong! 28 But if I make da bad kine spirits let go da peopo cuz I get powa from God Spirit, dat show dat God stay king, an he stay take ova eryting ova hea now.
29 “How you figga one guy go bus inside one big moke house an rip off his stuffs? Firs, he gotta tie up da moke! Den can steal eryting. 30 ✡ 12:30: Mark 9:40If you no stay wit me, den you stay agains me. Da guy dat no work wit me, he ony work agains me. 31 Dass why I stay tell you guys, God goin let peopo go an hemo dea shame fo all da kine bad stuff dey stay do, no matta dey talk bad. But if dey talk bad bout da Good An Spesho Spirit, he no goin hemo da shame fo dat an let um go. 32 ✡ 12:32: Luke 12:10I da Fo Real Kine Guy. Whoeva grumble bout me, God goin let um go an hemo da shame fo dat. But whoeva grumble bout da Good An Spesho Spirit, God no goin let um go an hemo dea shame fo dat, now o foeva.
One Tree An Da Fruit
33 ✡ 12:33: Matt 7:20; Luke 6:44“You gotta tink lidis: Wen da tree good, den da fruit good. Wen da tree junk, den da fruit junk. Cuz da fruit goin show if da tree stay good o junk. 34 ✡ 12:34 a: Matt 3:7; 23:33; Luke 3:7; b: Matt 15:18; Luke 6:45You guys jalike one snake ohana! You guys no good. How you guys goin talk good wen you guys not good, aah? Wateva stay inside you guys, goin come outa you guys mout. 35 Da good guy, he good inside, an he do good kine stuff. Da bad guy, he bad inside, an he do bad kine stuff. 36 I tell you guys fo real kine, da day all you guys stan in front God da Judge, you gotta tell how come you wen tell all da no good stuff you wen tell. 37 Cuz from wat you tell, da Judge goin let you go, o he goin punish you.”
Eh, Show Us Proof!
(Mark 8:11-12; Luke 11:29-32; Jonah 1:17; 3:5, 8)
38 ✡ 12:38: Matt 16:1; Mark 8:11; Luke 11:16Some teacha guys dat teach da Rules From God, an some Pharisee guys come by him. Dey tell, “Eh, Teacha, we like see proof dat you get powa!”
39 ✡ 12:39: Matt 16:4; Mark 8:12But he tell um, “Da guys nowdays dat do bad kine stuff an fool aroun behind God back, dey erytime like see proof, but dey ony goin see one proof jalike Jonah. He da guy dat wen talk fo God long time befo time. 40 ✡ 12:40: Jonah 1:17Jonah wen stay inside one big fish three day an three nite. Same ting, I Da Fo Real Kine Guy, an I goin stay unda da groun three day an three nite lidat.
41 ✡ 12:41: Jonah 3:5“Da peopo inside Nineveh town goin stan in front God da Judge fo show proof dat da guys dat stay hea nowdays, dey stay do da bad kine stuff. Cuz Jonah wen teach da Nineveh peopo, dey come sorry fo all da bad kine stuff dey wen do, an no do um no moa. But one guy mo importan den Jonah stay hea now. Dass me.
42 ✡ 12:42: 1Kings 10:1-10; 2Rec 9:1-12“Da queen from far away da south side goin stan in front God da Judge an show dat da peopo dat stay hea nowdays, dey stay do bad kine stuff. She wen come from far away fo lissen King Solomon an wat he tell cuz he know wat fo do erytime. But you guys neva lissen. But one guy mo importan den Solomon stay ova hea wit you guys now. Dass me.
Da Bad Kine Spirit Come Back
43 “Wen one bad kine spirit no bodda one guy no moa, dat spirit go all ova da boonies fo find one place fo res, but da spirit no can find notting. 44 Den he tell, ‘Eh, mo betta I go back da place I stay befo time.’ Wen he go dea, da guy goin be jalike one place dat stay empty cuz dey sweep um an fix um up. 45 Den da bad spirit go get seven mo spirits dat mo worse den him, an dey all go back inside da guy, an take um ova one mo time. Da guy dat wen get da bad kine spirit come mo worse den befoa. Az why hard fo da bad guys nowdays. Dey goin come mo worse den befoa.”
Jesus Muddah An Braddahs
(Mark 3:31-35; Luke 8:19-21)
46 Wen Jesus stay talk to da peopo, had his muddah an braddah guys ova dea too stay standing outside. Dey like talk to him. 47 One guy tell um, “Eh, yoa muddah an yoa braddahs, dey stay outside, an dey like talk to you.”
48 Jesus tell da guy, “Who you tink my muddah? Who you tink my braddahs?” 49 Den he poin to da guys he stay teach, an he tell, “Dese guys, dey my muddah an my braddahs. 50 Cuz whoeva do da tings my Faddah in da sky tell um fo do, dey my braddah an my sistah an my muddah.”