105
God Take Kea His Peopo
Tell Da One In Charge He Da Greates
Fo Eryting He Wen Do
Fo Eryting He Wen Do
1 Tell Da One In Charge
Dat he da greates!
Pray to him
Cuz you know wat kine god him.
Tell all da diffren peopos
Da tings he wen do.
2 Sing fo him,
Make music fo him.
Tell ova an ova
All da awesome kine tings he do!
3 Talk big bout him
Cuz you know wat kine god him,
An you know he stay good an spesho.
All da peopo dat try fo know
Da One In Charge fo real kine,
I like fo dem stay good inside.
4 Try go find out wat Da One In Charge
Like you fo do,
Cuz den he goin make you strong inside.
All da time, try fo come mo nea him.
5 No foget all da kine tings he wen do
Dat us guys no can do,
Wen he do all kine unreal kine stuffs,
An wen he judge da peopo.
6 Lissen up, you peopo
Dat come from Abraham:
Abraham da one dat get God fo his boss!
Lissen up, you guys dat come from Jacob,
He da one dat Da One In Charge wen pick!
Da Deal God Make
Wit Abraham, Isaac, An Jacob
Wit Abraham, Isaac, An Jacob
7 Dass him, Da One In Charge!
An he oua God.
Wat he tell cuz he da judge
Stay true all ova da world.
8 All da time he no foget
Da deal he wen make.
Fo one tousan generation
He tell how gotta be.
9 ✡105:9 a: Start 12:7; 17:8; b: Start 26:3Az da deal he wen make wit Abraham,
Da strong promise he make to Isaac.
10 ✡105:10: Start 28:13He make da same deal solid fo Jacob,
Da one dat get da name Israel too.
Az da deal dat goin stay foeva,
11 Cuz God tell Jacob, “I goin give you
Da Canaan land foeva!
Az da land I wen pick
Fo come yoa kids property.”
Da Odda Ancesta Guys
12 Had one time,
Oua ancesta guys ony was litto bit,
Fo real, neva get plenny a dem
dat time,
An dey no mo da rights
Fo da land wea dey live.
13 Dey go by dis peopo an dat peopo,
From one land to da odda land,
From one king to anodda king.
14 ✡105:14: Start 20:3-7God no let nobody make any kine
To his peopo.
Cuz dass his peopo,
He even punish king guys.
15 He tell, “No even touch
Da peopo I wen pick!
No hurt da guys dat talk fo me!”
Joseph
16 ✡105:16: Start 41:53-57Da One In Charge wen make um
Fo no mo enuff fo eat
All ova da Canaan land.
He wen jam up eryting
Dey plant fo eat.
17 ✡105:17: Start 37:28; 45:5But befo God do dat,
He wen sen one guy Egypt side
Fo help da Israel ohana.
Az was Joseph,
Da one dey wen sell
Fo come one slave.
18 ✡105:18: Start 39:20–40:23Ova dea, da peopo wen make
Any kine to Joseph.
Dey throw him inside da prison
Wit leg chain on top his feets
An one iron band aroun his neck.
19 Laytas, Joseph tell bout someting
Dat goin happen bumbye,
An da ting happen.
Da ting Da One In Charge
Wen tell Joseph
Show proof dat Joseph tell da trut.
20 ✡105:20: Start 41:14Da Egypt king,
Dat stay in charge a plenny diffren peopos,
He sen somebody
Fo open da door fo Joseph,
An let um outa prison.
21 ✡105:21: Start 41:39-41Den da king put Joseph
In charge a his govmen
An all da stuffs he get.
22 Az how Joseph get powa
Ova da king helpa guys,
Fo do howeva he like.
He teach da older guys
Dat work fo da king
Fo know wat dey gotta do.
Da Israel Peopo Egypt Side
23 ✡105:23 a: Start 46:6; b: Start 47:11Afta dat, Joseph faddah Israel
Go Egypt side.
He live ova dea wit da Egypt peopos
Dat come from Ham,
No matta he not from dea.
24 ✡105:24: Outa 1:7-14Da One In Charge
Make his peopo come choke plenny.
He make um come strong,
Cuz dey mo plenny den all da peopo
Dat stay agains dem.
25 Den Da One In Charge
Make da Egypt peopo change dea mind
Fo hate da Israel peopo
Dat spesho fo him.
Dey make sly kine plan fo jam up
Da ones dat get God fo dea boss.
Moses An Aaron,
An How God Wack Da Egypt Peopo
An How God Wack Da Egypt Peopo
26 ✡105:26: Outa 3:1–4:17God sen Moses,
Da guy dat work fo him,
An Aaron, da guy God wen pick.
27 Dey do awesome tings
Fo show da Egypt peopo who God.
Dey do unreal kine tings
Inside da land wea da Ham peopo live.
28 ✡105:28: Outa 10:21-23God make eryting come dark
All ova da land,
Cuz da Egypt peopo go agains
Wat God tell um fo do.
29 ✡105:29: Outa 7:17-21God wen make all dea watta
Come blood,
An make da fish mahke.
30 ✡105:30: Outa 8:1-6All ova dea land, get frogs ery place,
Dey even go inside
Da king palace bedrooms!
31 ✡105:31 a: Outa 8:20-24; b: Outa 8:16-17God tell fo plenny flies come,
An dey come, da kine dat bite.
Den come gnats
From one side a da country
To da odda side.
32 ✡105:32: Outa 9:22-25Da rain, God make um come hail
From da sky.
Had lightning all ova dea land.
33 God wen wack
Dea grape vines an fig trees,
An smash da odda trees
All ova da land.
34 ✡105:34: Outa 10:12-15God tell fo da locust come,
An dey come, an da grasshoppa too,
Mo plenny den can count.
35 Da bugs eat up
All da green plants inside dea land.
Dey eat up da fruits dat stay grow too.
36 ✡105:36: Outa 12:29Den he wipe out
All da numba one boys
Inside dea land,
Da spesho ones,
Dat was goin make dea peopo strong.
Outa Egypt To Da Boonies
37 ✡105:37: Outa 12:33-36God wen take da Israel peopo outa dea,
Wit plenny silva an gold.
From all da Israel ohanas,
Neva have nobody dat no can go.
38 Da Egypt peopo, dey feel good
Wen da Israel peopo go way,
Cuz dey wen come sked
A da Israel peopo.
39 ✡105:39: Outa 13:21-22God wen spread out one cloud
Fo cova dem, day time,
An he give um one fire fo shine light,
Nite time.
40 ✡105:40: Outa 16:2-15Da peopo wen aks fo food,
An God bring um quail birds.
He give um bread from da sky
Dass nuff fo erybody.
41 ✡105:41: Outa 17:1-7; Census 20:2-13God open up one big rock
An plenny watta come out
Jalike one riva,
No matta stay dry all aroun.
42 Cuz God no foget da promise
He wen make to Abraham,
An cuz God stay good an spesho,
An he da boss fo Abraham.
Da Land God Tell He Goin Give Da Peopo
43 Wen God bring his peopo outa Egypt,
Dey stay real good inside.
Da peopo he wen pick was shouting
Cuz dey feel good inside.
44 ✡105:44: Josh 11:16-23God wen give his peopo da land
Wea odda peopos wen live befo time.
Da odda peopos wen work da groun,
But his peopo take um ova.
45 You know how come
God give um all dat?
Az fo dem do
Wat he tell um dey gotta do,
An fo dem take in wat he teach,
An do um.
Eh erybody! Go tell good stuff
Bout Da One In Charge!
✡105:9 105:9 a: Start 12:7; 17:8; b: Start 26:3
✡105:10 105:10: Start 28:13
✡105:14 105:14: Start 20:3-7
✡105:16 105:16: Start 41:53-57
✡105:17 105:17: Start 37:28; 45:5
✡105:18 105:18: Start 39:20–40:23
✡105:20 105:20: Start 41:14
✡105:21 105:21: Start 41:39-41
✡105:23 105:23 a: Start 46:6; b: Start 47:11
✡105:24 105:24: Outa 1:7-14
✡105:28 105:28: Outa 10:21-23
✡105:29 105:29: Outa 7:17-21
✡105:30 105:30: Outa 8:1-6
✡105:31 105:31 a: Outa 8:20-24; b: Outa 8:16-17
✡105:32 105:32: Outa 9:22-25
✡105:34 105:34: Outa 10:12-15
✡105:36 105:36: Outa 12:29
✡105:37 105:37: Outa 12:33-36
✡105:39 105:39: Outa 13:21-22
✡105:40 105:40: Outa 16:2-15
✡105:41 105:41: Outa 17:1-7; Census 20:2-13
✡105:44 105:44: Josh 11:16-23