“Da One dat hold da seven stars inside his right hand, an walk aroun wea get da seven gold stans fo put lamps on top, dis wat he tell: 2 ‘I know wat you guys stay do. You guys work hard an stay hang in dea. I know fo shua you guys had it wit odda guys dat do bad kine stuff. You guys check out da odda guys dat tell I wen sen um, but I neva. An you guys find out dat dey bulai. 3 You guys hang in dea, an no matta you guys suffa plenny cuz you my guys, still yet, you guys no give up. 4 But I get dis agains you guys, dat you guys no mo love an aloha jalike wen you guys wen trus me firs time. 5 So, wat? Tink bout how you guys was befo time, an now how plenny you guys jam up. You guys gotta come sorry an pau make lidat, but make jalike befo, firs time. If you guys no like come sorry an pau make lidat, I no goin let you guys talk fo me no moa. Dass jalike I goin come an take away yoa lamp an da stan from da place wea dey stay. 6 But you guys stay do one ting right: You guys hate da bad kine stuff da Nicolaitan guys stay do, an me, I hate dat kine stuff too.’

7 ✡2:7 a: Start 2:9; JShow 22:2; b: Ezek 28:13; 31:8“If you guys can hear dis, you betta lissen, an go do wat God Spirit stay tell da church peopo fo do!”

“Da One dass firs an las, da One dat mahke an den come back alive, dis wat he tell: 9 ‘I know you guys suffa plenny, an you guys stay pooa. Still yet you guys stay rich! I know fo shua get guys dat tell dey God peopo, but dey not. Dey talk bad bout you guys. Dey tell dey come togedda fo pray to God, but dey work fo Satan. 10 No sked da stuff you guys goin suffa. You know, da Devil goin set up some a you guys fo go prison, fo try make you guys give up, an you guys goin suffa dea ten days. Hang in dea an trus God, even if dey kill you guys. Cuz I goin give you guys da winna prize—da kine life dass fo real!’

11 ✡2:11: JShow 20:14; 21:8“If you guys can hear dis, you guys betta lissen, an go do wat God Spirit stay tell da church peopo fo do!”

“Da guy dat get da sword dat get two side sharp—dis wat he tell: 13 ‘I know da place wea you guys live, cuz jalike Satan stay king ova dea. But still yet you guys stay tight wit me, an no pau trus me. Even da time wen da guys inside yoa town, wea Satan stay, dey wen kill Antipas cuz he erytime tell da trut bout me, still yet you guys trus me.’

14 ✡2:14 a: Census 22:5, 7; 31:16; Rules2 23:4; b: Census 25:1-3“ ‘But eh! I get dis agains you guys: You guys get peopo ova dea dat make jalike da guy Balaam wen do long time befo time. Dat guy wen teach King Balak how fo make da Israel peopo do bad kine stuff. He make um eat food da odda peopo awready give fo make sacrifice to da idol kine gods, an go fool aroun wit peopo dey no stay married to. 15 Same ting wit you guys, aah? You guys get peopo ova dea dat still yet do da bad kine stuff da Nicolaitan guys teach. 16 So den, you guys gotta come sorry, an no do all da bad kine tings you stay do no moa. Cuz if you guys do dat, den I goin come by you guys pretty soon, an wat I tell goin show dat dey stay wrong. Dass jalike I use one sword fo fight an win ova da guys dat stay agains me!’

17 ✡2:17 a: Outa 16:14-15; 16:33-34; John 6:48-50; b: Isa 62:2; 65:15“If you guys can hear dis, you betta lissen, an go do wat God Spirit stay tell da church peopo fo do!”

“Dis wat God Boy tell, da One dat get eyes dat shine jalike one big hot fire, an feets dat look jalike brass metal dat shine: 19 ‘Eh, I know eryting wat you guys stay do. You guys get love an aloha fo each odda an fo me. I know you guys trus me, work fo me, an stay by me. You guys stay do mo tings fo help me den da firs time wen you guys start fo trus me.’

20 ✡2:20: 1Kings 16:31; 2Kings 9:22, 30“ ‘But eh! I get dis agains you guys. You guys no throw out da Jezebel kine wahine. She tell she talk fo God, but she bulai da peopo dat work fo me wit wat she teach. So dey go fool aroun da peopo dey no stay married to, an eat da food from da sacrifices dat odda guys give to da idol kine gods. 21 I wen give dat wahine plenny chance awready fo come sorry an no do da bad kine stuff she stay do, but she no like. 22 So I goin make her come real sick, an her an da guys dat fool aroun behind God back wit her goin suffa plenny, if dey no come sorry an no do bad kine stuff no moa. 23 ✡2:23 a: Songs 7:9; Jer 17:10; b: Songs 62:12Fo shua, I goin kill erybody dat make jalike her. Den all da church peopo goin know dat I da One dat look inside da heart an da head an know wat erybody stay like, an wat dey tink, an I goin pay erybody fo wat dey do, good o bad. 24 Now, I like tell dis to all you odda peopo inside Tyatira, you guys dat no lissen da Jezebel kine wahine an no like learn wat dey call “da deep secrets from Satan”: I no goin make tings mo hard fo you guys. 25 Jus hang in dea an trus God real good, till I come back.’ ”

29 If you can hear dis, you betta lissen an go do wat God Spirit stay tell da church peopo fo do!