2 Jon
Nəkwəkwə yame Jon rɨmɨrai yame ramor kɨraru kɨn
Nəgkiarien kupən ye nəkwəkwə e 2 Jon
?Pa rɨmɨrai nəkwəkwə e? Aposol Jon rɨmɨrai nəkwəkwə e.
?Rɨmɨrai ramvən kɨmi nɨpa? Rɨmɨrai ramvən kɨmi niməhuak kɨrik, mərɨg Jon ramerkwaig kɨn nhagɨn, meinai ye nɨpɨg a gavman rɨmə tukruh narmamə kape Kughen. Ror pən in ramni nəgkiarien kureikɨn mɨmə, nəkwəkwə ramvən kɨmi piraovɨn kɨrik. Kɨni kwajikovə mɨnə kape piroavɨn, iriə e nəmhuak mɨnə.
?Narəyen rɨmnhawor pən iran mɨne nɨpɨg rɨmɨrai? Ye nɨpɨg a, nəmhajoun mɨnə khapsaah kɨmnaseriwək ikɨn pɨsɨn pɨsɨn mɨnə. Narmamə yamə mɨne kɨmɨsərɨg nəgkiarien kapəriə kɨmnhavəhsi-pən nəvɨgɨnien kɨmi əriə, mhavəhsi-pən mɨn napɨrien kɨmi əriə, mɨsasitu irəriə. Mərɨg nəmhajoun eikuə mɨnə kamhavən apnapɨg mɨn tuk nɨvi-tayen nəməhuak mɨnə, mə tuksəpəh nəgkiarien əfrakɨs.
?Rɨmɨrai nəkwəkwə e tuk naha? Nɨpɨg nəmhajoun eikuə mɨnə kɨmnhauə, Jon rɨmə narmamə yamə mɨne kashatətə ye nəgkiarien əfrakɨs kape Kughen, tukasəkeikei mɨsəpəh nəmhajoun eikuə mɨnə a, kɨni mɨsəpəh norien mɨne nəgkiarien kapəriə, kɨni mhapəh nɨsasituyen irəriə. Mərɨg Jon rorkeikei mə nəməhuak mɨnə tukasəkeikei mɨsorkeikei əriə mɨnə. In e nərɨgien kape Kughen.
1
Jon ramni mə nəkwəkwə e ramvən kɨmi niməhuak kɨrik
1 Yo elda kɨrik, yakamrai nəkwəkwə e, ramvən kɨmi piraovɨn* Nɨprai nəgkiarien e “piraovɨn” ramni “niməhuak.” yame Kughen rɨmɨrpen,1 Pita 5:13 mɨne kafan kwajikovə mɨnə. Nəfrakɨsien mə yakorkeikei pɨk əmiə. Mərɨg pəh nien mə yo pɨsɨn əmə yakorkeikei əmiə, mərɨg narmamə mɨnə fam e yamə mɨne kharkun mɨn nəfrakɨsien,Jon 8:32 iriə mɨn kasorkeikei əmiə. 2 Kɨni yaksorkeikei əmiə, meinai nəfrakɨsien raməmɨr yerkitawə,Jon 14:17 kɨni tukraməmɨr rerɨn yerkitawə.
3 Pəh kɨsarə ye nokieiyen mɨne nəfrakɨsien. Kɨni pəh Rɨmtawə Kughen mɨne Tɨni, Yesu Kristo, tukaravəhsi-pə nɨhuvəyen mɨne norkeikeiyen mɨne nəmərinuyen kɨmi ətawə.
Pəh kɨtawə tuksəri-pən nəgkiarien əfrakɨs mɨnə
4 Rɨkik ramagien ehuə nɨpɨg yɨmnəm narmamə mɨnə tɨksɨn kaseriwək ye swatuk kape nəfrakɨsien,3 Jon 1: 3,4 rəmhen kɨn yame Rɨmtawə Kughen ruɨni-ta kɨmi ətawə mə tukasəkeikei mɨsor. 5 Kɨni taktəkun ai, nowinɨk, pəh nien mə yakamrai nəgkiarien vi kɨrik kɨmi əmiə, mərɨg nəgkiarien əmə in e yame nakwəsərɨg-ta apa kupən.1 Jon 2:7 Yakamni mamaiyoh mə kɨtawə tuksor əmə norkeikeiyen kɨmi ətawə mɨnə. 6 Kɨni norkeikeiyen e, nɨpran e norien nəkwai Kughen. Kɨni in ramni-pə tuk ətawə mə tukasəkeikei mɨsəri-pən swatuk kape norkeikeiyen, rəmhen əmə kɨn yame nakwəsərɨg-ta kupən.
7 Meinai nəmhajoun eikuə mɨnə khapsaah kwənhauə-ta ye tokrei tanə.1 Jon 4:1 Iriə khapəh nhaniyen nəfrakɨsien mə Yesu Kristo rɨmnor nɨprai yermamə kɨn.1 Jon 2:22; 4:2,3 Iriə a nəmeikuə mɨnə, mɨne tɨkmɨr mɨnə kape Kristo.1 Jon 2:18 8 Ror məkneikɨn mə takasərɨg əmiə pəh kwənkwai wok kapəmiə tukrɨkuə pɨk mapita. Tamə, naksəpkərhav ye kwənkwai nəmnhawkien kapəmiə.1 Kor 3:8; Hib 10:35,36; 11:26 9 Yermamə yame raməsɨk əpnis nhajounien kape Kristo ye nərɨgien əmə kafan, ramhajoun mə Kughen rɨrkək yerkin. Mərɨg yermamə yame ramraptərəkɨn tɨm tɨm nhajounien kape Kristo,Jon 8:31 Rɨmtawə Kughen mɨne Tɨni, Yesu, kawəmɨr yerkin.1 Jon 2:23 10 Tukmə yermamə kɨrik ruə tuk ik, mərɨg mɨpəh nɨniyen nhajoun-atuatuk-ien kape Kristo, takpəh nɨni-vivi-yen in, mɨpəh neighanien kɨn in ruə imam yerkwanu.Rom 16:17 11 Meinai yermamə yame ramni vi vi in, ramasitu iran mamor swatuk tuk kafan nhajounien has.1 Tim 5:22
Nəgkiarien infamien
12 Yakmə jakni-pre nəgkiarien mɨnə tɨksɨn mɨn tuk ik, mərɨg to yakpəh nɨvəhyen pen mɨrai-pən kɨn ye pepa. Yakmə jakurə məm əmiə, kɨsəgkiar atuatuk kɨmi ətawə mɨnə, pəh tukror rɨkitawə ramagien pɨk əmə.Jon 3:29
13 Kwajikovə mɨnə kape piam,† Tukmə ror “Kwajikovə mɨnə kape piam” nɨpran ramni “narmamə kape niməhuak kape Jon.” yamə mɨne Kughen rɨmɨrpen əriə, iriə kamhani vivi ik.