2
Yesu Kristo in yermamə kape nasituyen irətawə
1 Kwajikovə mɨnə kafak,1 Tes 2:11 yakamrai nəgkiarien e kɨmi əmiə mamni-əhu əmiə mə takhapəh nɨsorien təvhagə has. Mərɨg tukmə kasor təvhagə hah, yermamə kɨrik kapətawə tukrəgkiar atuə kɨn kapətawə kɨmi Kughen.Rom 8:34; 1 Tim 2:5; Hib 7:25 Yermamə e In e Yesu Kristo, yemə atuatuk. 2 Yesu e, Kughen rɨmɨvəhsi-pən narpɨnien kape təvhagə has kapətawə kɨmin, nɨtawɨn rɨmnaiyu.Rom 3:25; 1 Jon 4:10 Nɨtawɨn rɨmnaiyu, pəh nien mə kapətawə pɨsɨn əmə, mərɨg kape narmamə m-fam ye tokrei tanə.Jon 3:17 3 Mərɨg tukmə kɨtawə kasəri-pən nəgkiarien kape Kughen,1 Jon 4:13; 5:2 ramhajoun mə kɨtawə kharkun huvə mə kwənhauə mɨnharkun Kughen.Jon 14:15 4 Tukmə yermamə rɨmə rɨrkun KughenTaet 1:16; 1 Jon 3:6; 4:7,8 mərɨg rapəh nəri-pən-huvəyen nəgkiarien kafan, in rameikuə əmə; nəfrakɨsien rɨrkək iran.1 Jon 1:6,8 5-6 Mərɨg yermamə yame rəri-pən huvə nəgkiarien kafan,Jon 14:15 norkeikeiyen kape Kughen ramkuə əfrakɨs kɨn norkeikeiyen yerkin.* Swatuk pɨsɨn kɨrik kape nukreikɨnien v 5: “Mərɨg yermamə yame rəri-pən huvə nəgkiarien kafan, in rorkeikei pɨk Kughen.”1 Jon 4:12 Yermamə yame ramni mə in ravəh Yesu yerkin, tukraməkeikei məri-pən swatuk kɨrikianə əmə yame Yesu rɨmnəri-pən.Mat 11:29 Norien a tukramhajoun1 Jon 2:3 mə kɨtawə kamhavəh Yesu yerkitawə.Jon 15
Kɨtawə tukasəkeikei masorkeikei ətawə mɨnə
7 Yo mɨnə tɨksɨn, pəh nien nəgkiarien vi kɨrik yame yakamrai kɨmi əmiə mə taksəri-pən;Dut 6:5; Lev 19:18 mərɨg nəgkiarien akwas kɨrik yame nakwəsərɨg-ta kupən.1 Jon 2:24; 3:11,23; 4:21; 2 Jon 5,6 Nəgkiarien akwas e nəgkiarien yame nakwənharkun-ta. 8 Mərɨg, nəfrakɨs, ramor mə nəgkiarien vi kɨrik tuk əmiə.Jon 13:34 Kɨni, nɨmraghien kape Yesu mɨne kapəmiə kawor əpu kaməm mə nəgkiarien e rəfrakɨs, meinai taktəkun ai, nəpɨgnapien rɨnamrɨkək,Rom 13:12 kɨni nɨkhakien əfrakɨsJon 1:9 rɨnakhak-pə.Efes 5:8; 1 Tes 5:5
9 Kɨni yeməhuak kɨrik yame ramni mə in ramərer ye nɨkhakien, mərɨg raməməkɨn nəməhuak mɨnə tɨksɨn,1 Jon 3:10,15,16; 4:20,21 yermamə en ramarə hanə ye nəpɨgnapien.1 Jon 1:5 10 Mərɨg yeməhuak yame rorkeikei nəməhuak mɨnə, in ramarə ye nɨkhakien.1 Jon 3:14 Kɨni nar kɨrik to rapəh norien rɨmɨr.Sam 119:165 11 Mərɨg tukmə raməməkɨn in kɨrik, ramarə hanə ye nəpɨgnapien,1 Jon 1:6 rɨmuvrɨg əpɨs in, raməriwək əmə ye nəpɨgnəpien.Jon 11:9; 12:35
12 Kwajikovə mɨnə kafak, yakamrai nəkwəkwə e raurə kɨmi əmiə,
Meinai Kughen rɨnəspir-ta təvhagə has kapəmiə kɨn norien yame Yesu rɨmnor.
13 Tatə mɨnə, yakamrai nəkwəkwə e raurə kɨmi əmiə,
meinai kɨmiə nakwənharkun-ta In yame rɨmnəkupən mamarə kwasɨg ikɨn Kughen ror narɨmnar.Jon 1:1
Nɨtamaruə, yakamrai nəkwəkwə e raurə kɨmi əmiə,
meinai nakwəsəpitaJon 16:33 yemə has ai Setan.
14 Kwajikovə mɨnə, yakamrai nəkwəkwə e raurə kɨmi əmiə,
meinai nakwənharkun-ta Rɨmtawə Kughen.
Tatə mɨnə, yakamrai nəkwəkwə e raurə kɨmi əmiə,
meinai kɨmiə nakwənharkun-ta In yame rɨmnəkupən mamarə kwasɨg ikɨn Kughen ror narɨmnar.Jon 1:1
Nɨtamaruə, yakamrai nəkwəkwə e raurə kɨmi əmiə,
meinai nakwənhaskai,Efes 6:10 nəgkiarien kape Kughen raməmɨr irəmiə, kɨni nakwəsəpita yemə has ai Setan.1 Jon 2:13; Sam 119:9-11; Jon 5:38; Hib 4:12; 1 Jon 1:10
15 Takhapəh nɨsorkeikei-pɨk-ien norien kape tokrei tanə mɨne narɨmnar fam kape tokrei tanə.Rom 12:2 Yermamə yame rorkeikei pɨk narɨmnar kape tokrei tanə, norkeikeiyen kape Rɨmtawə Kughen rɨrkək yerkin.Jem 4:4 16 Meinai norien m-fam kape tokrei tanə khapəh nhasɨ-pənien ye Rɨmtawə Kughen, mərɨg kape tokrei tanə əmə. Norien m-fam kape tokrei tanə, irisɨr e: Rɨki jir raməkrəh,Jen 3:6; Rom 13:14; Efes 2:3 kamanipɨn tuk narɨmnar kape nɨprai jir əmə,Prov 27:20 kɨvəhsi-haktə jir tuk nautə mɨne norien kafan. 17 Mərɨg tokrei tanə e tɨkrɨpirkək, mɨne narɨmnar m-fam yame ramswin iran mavi nərɨgien.Hib 12:27 Mərɨg narmamə yamə mɨne kasor nəkwai Kughen,Mat 12:50 tuksarə kape rerɨn.
Tɨkmɨr mɨnə kape Kristo kwənhauə ta
18 Kwajikovə mɨnə kafak, kɨtawə kwənhauə ye Nɨpɨg Kwasɨg.Rom 13:11 Nakwəsərɨg mə tɨkmɨr kɨrik kape Kristo tukruə.1 Jon 2:22; 4:3; 2 Jon 1:7 Kɨni taktəkun ai, tɨkmɨr mɨnə khapsaah kape Kristo kwənhauə ta.1 Jon 4:1 Kwənhauə, kɨtawə kharkun mə kwənhauə ta ye Nɨpɨg Kwasɨg. 19 Iriə kwəsəpəh kapətawə niməhuak mɨnə,Wok 20:30 meinai iriə, pəh nien mə kɨtawə əgkəp mɨnə tɨksɨn əfrakɨs a. Rɨpi mə kɨtawə əfrakɨs əgkəp mɨnə tɨksɨn a, to kɨpihapəh nɨsəpəhyen ətawə. Mərɨg iriə kɨmɨsap-ta irətawə, ramhajoun mə iriə pəh nien mə kɨtawə mɨnə tɨksɨn.
20 Mərɨg kɨmiə, Kristo, Yemə Imərhakə, rɨnəvrai-pre-ta Nanmɨn Rhakə1 Jon 2:27; 2 Kor 1:21-22 kɨmi əmiə mor kɨmiə nakharkun nəfrakɨsien. 21 Yakamrai nəkwəkwə e kɨmiə əmiə, pəh nien mə nakseinein nəfrakɨsien, mərɨg kɨmiə nakwənharkun ta nəfrakɨsien, kɨni mɨnharkun mə nəfrakɨsien rɨpəh nɨkuəyen kɨn neikuəyen.2 Pita 1:12 22 ?Pa e in yeikuə kɨrik? Yermamə yame ramni mə Yesu pəh nien mə Kristo yame Kughen rɨmɨrpen. Yermamə e in e, in tɨkmɨr kape Kristo. In rukreikɨn-pən nɨmeitaan kɨmi Rɨmtawə Kughen mɨne Tɨni, Yesu.1 Jon 4:3; 2 Jon 1:7 23 Yermamə yame rukreikɨn-pən nɨmeitaan kɨmi Tɨni, Yesu, reinein nofugɨnien ye Rɨmtawə Kughen. Mərɨg yermamə yame ramni nəfrakɨsien ye Tɨni Yesu, rofugɨn ye Rɨmtawə Kughen.Jon 8:19; 14:7; 1 Jon 4:15; 5:1; 2 Jon 1:9
24 Rɨkimiə tukraməsɨk mɨpəh nɨsəru-kɨnien nəgkiarien yame nakwəsərɨg-ta kupən. Nəgkiarien a raməmɨr hanə irəmiə, mor əmiə naksofugɨn ye Rɨmtawə Kughen mɨne Tɨni, Yesu.Jon 14:23; 15:4; 1 Jon 1:3; 2 Jon 9 25 Kɨni nar a in a, nɨmraghien rerɨn, Kughen ruɨni-ta mə tukrɨvəhsi-pə kɨmi ətawə.
26 Yakamrai nəgkiarien mɨnə e kɨmi əmiə mamni-ərhav narmamə yamə mɨne kasarkut tuk nɨvi-tayen əmiə.1 Jon 3:7 27 Mərɨg kɨmiə, Kristo rɨnəvrai-pre-ta Nanmɨn Rhakə kɨmi əmiə, raməmɨr təvɨr hanə irəmiə.1 Jon 2:20 ?Ror pən, pa mɨn rɨrkun nhajounien nar vi kɨrik kɨmi əmiə? Yermamə rɨrkək. Nanmɨn Rhakə, yame Kristo rɨnəvrai-pre-ta kɨmi əmiə1 Kor 2:12 ramhajoun narɨmnar fam kɨmi əmiə. Nhajounien a raməfrakɨs, mɨpəh neikuəyen nɨpɨg kɨrik. Nanmɨn Rhakə ramhajoun əmiəJon 15:4 mə takasofugɨn ye Kristo mamharpɨn.
28 Kɨni taktəkun ai, kwajikovə mɨnə kafak, takasofugɨn-pən ye Kristo pəh nɨpɨg tukruə,1 Jon 3:2; Kol 3:4 məm kɨtawə khapəh nhagɨnien, mhapəh nɨsaurɨsien tuk nɨsərerien ye nɨmrɨn.Efes 3:12
29 Tukmə nakharkun mə Yesu In ratuatuk,1 Jon 3:7 takharkun mə narmamə m-fam yamə mɨne kasor norien atuatuk, iriə a kwajikovə mɨnə kape Kughen.Jon 1:13

2:1: 1 Tes 2:11

2:1: Rom 8:34; 1 Tim 2:5; Hib 7:25

2:2: Rom 3:25; 1 Jon 4:10

2:2: Jon 3:17

2:3: 1 Jon 4:13; 5:2

2:3: Jon 14:15

2:4: Taet 1:16; 1 Jon 3:6; 4:7,8

2:4: 1 Jon 1:6,8

2:5-6: Jon 14:15

*2:5-6: Swatuk pɨsɨn kɨrik kape nukreikɨnien v 5: “Mərɨg yermamə yame rəri-pən huvə nəgkiarien kafan, in rorkeikei pɨk Kughen.”

2:5-6: 1 Jon 4:12

2:5-6: Mat 11:29

2:5-6: 1 Jon 2:3

2:5-6: Jon 15

2:7: Dut 6:5; Lev 19:18

2:7: 1 Jon 2:24; 3:11,23; 4:21; 2 Jon 5,6

2:8: Jon 13:34

2:8: Rom 13:12

2:8: Jon 1:9

2:8: Efes 5:8; 1 Tes 5:5

2:9: 1 Jon 3:10,15,16; 4:20,21

2:9: 1 Jon 1:5

2:10: 1 Jon 3:14

2:10: Sam 119:165

2:11: 1 Jon 1:6

2:11: Jon 11:9; 12:35

2:13: Jon 1:1

2:13: Jon 16:33

2:14: Jon 1:1

2:14: Efes 6:10

2:14: 1 Jon 2:13; Sam 119:9-11; Jon 5:38; Hib 4:12; 1 Jon 1:10

2:15: Rom 12:2

2:15: Jem 4:4

2:16: Jen 3:6; Rom 13:14; Efes 2:3

2:16: Prov 27:20

2:17: Hib 12:27

2:17: Mat 12:50

2:18: Rom 13:11

2:18: 1 Jon 2:22; 4:3; 2 Jon 1:7

2:18: 1 Jon 4:1

2:19: Wok 20:30

2:20: 1 Jon 2:27; 2 Kor 1:21-22

2:21: 2 Pita 1:12

2:22: 1 Jon 4:3; 2 Jon 1:7

2:23: Jon 8:19; 14:7; 1 Jon 4:15; 5:1; 2 Jon 1:9

2:24: Jon 14:23; 15:4; 1 Jon 1:3; 2 Jon 9

2:26: 1 Jon 3:7

2:27: 1 Jon 2:20

2:27: 1 Kor 2:12

2:27: Jon 15:4

2:28: 1 Jon 3:2; Kol 3:4

2:28: Efes 3:12

2:29: 1 Jon 3:7

2:29: Jon 1:13

© 2011 WBT