26
Tamwarrit n Ayub x Bildad: Řemɣaret n Arebbi
1 Xas uca yarra-dd Ayub, inna:
2 Mammec teggid tewcid afus
i wenni war ɣar iǧi jjehd,
mammec tbedded ɣar uɣiř
n wenni war ɣar teǧi tzemmar!
3 Zeɛma aqa tewcid aweṣṣi isebḥen
i wenni war ɣar teǧi tiɣit,
mammec i tessargbed aṭṭas n twařawin
mummu n tmesřact!
4 I umi tɛawded řexxu awařen nnec?
Man nnefs dd-iffɣen zzayek?
5 Řexyařat n imettan fessyen
sadu waman d imezdaɣ nsen.
6 D aɛaryan tezzeř zzates řaxart,
7 Ibezzeɛ ajenna di ccamal
tiwa řxawi n wudem n waman,
yuyeř tammurt ɣar walu. ◘26:7 Izhd. 104:2
8 Netta ittcedda aman deg iseynuten nnes,
maca war ittareẓẓi aseynu swadday.
9 Issdurruy udem n řɛarc nnes,
ittbezzaɛ xas aseynu nnes. ◘26:9 Ayub 9:8; Izhd. 104:2, 3
10 Yarcem taquract x wudem n waman,
ař tma n tfawt ak-d taǧest. ◘26:10 Amz. 1:9; Ayub 38:8; Izhd. 33:7; 104:9; Awřn. 8:29; Irm. 5:22
11 Ipilaren n ujenna ttarjijin,
ttnexřaɛen zeg uweddeb nnes.
12 S jjehd nnes isshaj řebḥar,
s řefhamet nnes iřbez Rahab. ◘26:12 Ica. 51:15
13 S Arruḥ nnes ittissiq ujenna
am wudem n tenni war ittřeḥḥifen,
afus nnes issnuqqeb
afiɣar itteḥřuǧuḍen s tazřa. ◘26:13 Izhd. 33:6
14 Xzar, man aya waha
ixef n ibriden nnes,
nesřa mɣir taḥessect
n ca n wawařen zzayes.
Wi izemmaren xenni
ad issen ajjaj n jjhed nnes?
◘26:6 26:6 Izhd. 139:8, 11; Awřn. 15:11; Ɛbr. 4:13
◘26:7 26:7 Izhd. 104:2
◘26:9 26:9 Ayub 9:8; Izhd. 104:2, 3
◘26:10 26:10 Amz. 1:9; Ayub 38:8; Izhd. 33:7; 104:9; Awřn. 8:29; Irm. 5:22
◘26:12 26:12 Ica. 51:15
◘26:13 26:13 Izhd. 33:6