5
“Uyurem di dcurat n Urcalim, uca xzarem mliḥ. Iřim tfetnem u arzum deg wazzayen nnes, ma ad tafem ijjen, ma din ijj ittegg tasegda, ijjen wenni yarezzun tidett, xenni Necc ad as ɣfareɣ i Urcalim. 5:1 Necc ad as ɣfareɣ - man aya ixs ad yini, aqa Arebbi ad iɣfar i tendint n Urcalim. Nitni qqaren: ‘S tidett am iddar SIDI!’, maca waxxa amenni ttjaǧan ẓur.”
A SIDI, ma war ḥeṭṭant tiṭṭawin nnec x tidett? Cek tewtid ten, maca war ucin ak-d řeḥriq, Cek teqḍid ten, maca war xsen ad ttwarebban. Nitni ggin tanyart nsen iqesḥen x weẓru, nitni ugin ad dd-dewřen. 5:3 Ica. 1:5; 9:12; Irm. 2:30 Necc nniɣ: ‘Ah, nitni d řmusakin, tteggen tubbuheřya, minzi nitni war ssinen abrid n SIDI, tasegda n AREBBI nsen. Necc ad uyureɣ ɣar imeqqranen uca ad kidsen ssiwřeɣ, minzi nitni war ssinen ca abrid n SIDI, tasegda n AREBBI nsen.’ Nitni jmiɛ maca arẓin zzayřet, qeṭṭsen iseɣwan. X uya iwwet i-ten wayrad n tagant, imezzeq i-ten wuccen zi řewḍat, ittḥama uɣiřas tineddam nsen. Kuř ijj wenni dd ɣa iffɣen zi tendint, ad t carrgen, maɣar iɛeddiyen nsen d aṭṭas u aḥeyyed nsen imɣar aṭṭas.” 5:6 azɣar - niɣ ‘řɣabet’ niɣ ‘tazgant’.  5:6 Irm. 4:7
“Mammec zemmareɣ ad awem ɣfareɣ man aya? Iḥenjiren nnec semḥen dayi, ttjaǧan ɣar min war iǧi d AREBBI. Řami ten ssjiwneɣ, zennan nitni, ssmunen s ddḥas ɣar wexxam n temɣart n farq-ccɣeř. Nitni d ikidaren iɛeřfen itteliɛen. Kuř ijj issneḥniḥ ɣar temɣart n wenneɣni. 5:8 Ḥiz. 22:11 Ma war ttɛiqibeɣ x man aya, ammu i iqqar SIDI, niɣ war ittentiqim řeɛmar inu zi řgens am wanita?” 5:9 Irm. 5:29; 9:9
10 “Geɛɛdem x řeḥyuḍ nnes uca hedmem ten, maca war ten messḥem qaɛ zi temmurt. Qeřɛem izbiren nsen, maɣar nitni war ǧin ca n SIDI. 5:10 Irm. 4:27 11 Taddart n Israil d taddart n Yahuda maca ɣdaren ayi s waṭṭas, ammu i iqqar SIDI. 5:11 Irm. 3:20 12 Nitni nekkaren SIDI, qqaren: ‘Netta war din iǧi, war d aneɣ iřeqqef řɣar, war nettwiři ssif uřa d řaẓ. 13 Inabiyyen ad dewřen am usemmiḍ uca war din iǧi wenni zzaysen issawařen. Ammu i d asen ɣa imsar.’ ”
14 “S uya iqqar SIDI, AREBBI n řɛeskarat: ‘Minzi kenniw teqqarem awař-a, xzar, Necc ad ggeɣ awařen inu deg uqemmum nnec d timessi, řgens-a ad t ggeɣ d akeccuḍ, uca ad ten tecc tmessi. 5:14 Irm. 1:9 15 Xzar, a taddart n Israil, Necc ad xawem ssiwḍeɣ ijj n řgens zi řaggʷaj, ammu i iqqar SIDI. Aqa-t d řgens iwɛar, řgens zeg wecḥař uya, řgens i zi war tessined cek awař nnes, u war tfehhmed min qqaren nitni. 5:15 Aɛwd. 28:49; Irm. 1:15; 6:22 16 Azeɛbuř nnes n fřitcat igga am yijj n wenḍeř yarezmen, nitni marra d ayt n bu-teɣruḍt. 17 Ad icc řgens nni ṣṣabet nnem d weɣrum nnem, ad icc iḥenjiren nnem d yessim, ad icc uǧi nnem d ifunasen d tfunasin nnem, ad icc tazayart nnem d wartu nnem, uca s ssif ad iwwet tineddam nnem ifaryen min xef tᵉttecřed.’ ” 5:17 Lawi 26:16; Aɛwd. 28:31,33
18 Maca uřa deg wussan nni, ammu i iqqar SIDI, Necc war kenniw qeṭṭiɣ marra. 5:18 Irm. 4:27 19 Mařa xenni kenniw teqqarem: ‘Mayemmi d aneɣ igga SIDI, AREBBI nneɣ, marra aya?’, xenni ad asen tinid: ‘Am mammec kenniw dayi tsemḥem, tᵉttsexxarem i irebbiten iɣriben di temmurt nwem, ammu i ɣa tsexxarem i ibarraniyyen di temmurt war teǧi nwem.’ ” 5:19 Irm. 16:10
20 “Barrḥem aya i taddart n Yaɛqub, jjem ad t sřen di Yahuda, ini: 21 ‘Sřem i waya, a cek řgens abuhaři, nehřa wuř! Ɣarwem tiṭṭawin, maca war ttwiřint, imezzuɣen, maca war ttesřin. 5:21 Ica. 6:9, 10 22 Ma war d ayi tteggʷedem, ammu i iqqar SIDI. Ma war tᵉttexsem tᵉttarjijim zzat i wudem inu, i Necc wenni iggin i řebḥar ijdi d weymir, d ict n tewṣeyyet i řebda tenni war zemmaren ad ɛdun řemwaj. Aqa ttenhezzan řemwaj, ɛad war zemmaren, tthajan řemwaj, ɛad war tt ɛeddun.’5:22 Ayub 38:10, 11; Izhd. 33:7; 104:9 23 Maca řgens-a ɣares uř iḥeyyden d iɣewwɣen. Nitni ḥeyyden x webrid uca ffɣen. 24 Nitni war qqaren deg yixef nsen: ‘Ejj aneɣ ad neggʷed SIDI, AREBBI nneɣ nni itticen anẓar di řweqt nnes, anẓar n zic d wenẓar n řexmim, wenni iḥeṭṭan i neccin ssimanat ittwaggen n tmeyra.’ 5:24 Aɛwd. 11:14 25 Řmuɛṣiyyat nwem menɛent man aya u ddnub nwem ṭṭfen xawem min icnan. 26 Maɣar ufin iɛeffanen di řgens inu. Nitni ttḥaman am yiyemmaren n yejḍaḍ. Ssbeddan ijj n řfex ineqqen, arezzun ad ṭṭfen iwdan. 27 Am řeqfez iccur s ijḍaḍ, ammu tudrin nsen ccurent s řɣecc. X uya dewřen nitni d imeqqranen d ayt n bu-wagřa. 28 Aqa nitni uffen s tadunt, aqa aten d iḥraymiyyen, s tmegga nsen ssɛeddun nitni timegga tiɛeffanin aṭṭas. War ḥekkmen s řḥeqq di ddeɛwet, uřa di ddeɛwet n uyujiř, waxxa amenni feřḥen nitni. Ɛawed war cciten x tesɣart n imezřaḍ. 5:28 Aɛwd. 32:15; Ica. 1:23; Zak. 7:10 29 Ma war ttɛiqibeɣ x man aya, ammu i iqqar SIDI, ma war xeǧfeɣ Ixef inu zi řgens am wanita?” 5:29 Irm. 5:9; 9:9
 
30 “Min ittenexřaɛen u min iǧan d nnɛi aqa imsar di temmurt. 31 Inabiyyen ttnebban s ixarriqen uca ikehhanen ttṣeǧḍen sadu ufus nsen. Uca řgens inu ittexs i-t ammu. Min ɣa teggem xmi dd ɣa yaweḍ qeṭṭu?” 5:31 Irm. 14:18; 23:25, 26; Ḥiz. 13:6
 
 

5:1 5:1 Necc ad as ɣfareɣ - man aya ixs ad yini, aqa Arebbi ad iɣfar i tendint n Urcalim.

5:3 5:3 Ica. 1:5; 9:12; Irm. 2:30

5:6 5:6 azɣar - niɣ ‘řɣabet’ niɣ ‘tazgant’.

5:6 5:6 Irm. 4:7

5:8 5:8 Ḥiz. 22:11

5:9 5:9 Irm. 5:29; 9:9

5:10 5:10 Irm. 4:27

5:11 5:11 Irm. 3:20

5:14 5:14 Irm. 1:9

5:15 5:15 Aɛwd. 28:49; Irm. 1:15; 6:22

5:17 5:17 Lawi 26:16; Aɛwd. 28:31,33

5:18 5:18 Irm. 4:27

5:19 5:19 Irm. 16:10

5:21 5:21 Ica. 6:9, 10

5:22 5:22 Ayub 38:10, 11; Izhd. 33:7; 104:9

5:24 5:24 Aɛwd. 11:14

5:28 5:28 Aɛwd. 32:15; Ica. 1:23; Zak. 7:10

5:29 5:29 Irm. 5:9; 9:9

5:31 5:31 Irm. 14:18; 23:25, 26; Ḥiz. 13:6