97
97-küy •••• Pǝrwǝrdigarning sǝltǝniti kelidu!
1 Pǝrwǝrdigar ⱨɵküm süridu!
Yǝr-zemin hux bolsun,
Kɵpligǝn arallar xadlansun!■Zǝb. 93:1; 96:10
2 Bulutlar wǝ ⱪarangƣuluⱪ Uning ǝtrapididur,
Ⱨǝⱪⱪaniyǝt wǝ adalǝt tǝhtining ulidur;
3 Uning aldida ot yalⱪuni yüridu,
Ətraptiki düxmǝnlirini kɵydürüp taxlaydu;
4 Uning qaⱪmaⱪliri jaⱨanni yorutti,
Yǝr buni kɵrüp titrǝp kǝtti;■Zǝb. 77:16-18; Wǝⱨ. 4:5
5 Pǝrwǝrdigarning aldida,
Pütkül zeminning igisining aldida,
Taƣlar momdǝk erip ketidu.
6 Asmanlar Uning ⱨǝⱪⱪaniyitini jakarlaydu,
Barliⱪ hǝlⱪlǝr Uning xan-xǝripini kɵridu.■Zǝb. 19:1; 50:6
7 Oyma ⱨǝykǝllǝrgǝ qoⱪunƣanlar,
Butlar bilǝn mahtinip yürgüqilǝrning ⱨǝmmisi uyatta ⱪalidu.
Barliⱪ ilaⱨlar, Uningƣa sǝjdǝ ⱪilinglar!□«Oyma ⱨǝykǝllǝrgǝ qoⱪunƣanlar, butlar bilǝn mahtinip yürgüqilǝr...» — «butlar» ibraniy tilida «ǝrzimǝslǝr». «barliⱪ ilaⱨlar, uningƣa sǝjdǝ ⱪilinglar!» — «ilaⱨlar» bu yǝrdǝ, xundaⱪla 86-, 95-, 96- wǝ 97-küydǝ kɵrsitilgǝndǝk, pǝrixtilǝrni, yaki bolmisa butlarning kǝynidiki jin-xǝytanlarni kɵrsitidu. 94:3 wǝ izaⱨatini kɵrüng.
8 Sening ⱨɵkümliring sǝwǝbidin, i Pǝrwǝrdigar,
Zion anglap xadlandi,
Yǝⱨuda ⱪizliri hux boldi.
9 Qünki Sǝn Pǝrwǝrdigar pütkül yǝr yüzi üstidiki ǝng aliysidursǝn;
Sǝn barliⱪ ilaⱨlardin nǝⱪǝdǝr yuⱪiridursǝn!
10 Pǝrwǝrdigarni sɵygǝnlǝr, yamanliⱪtin nǝprǝtlininglar!
U mɵmin bǝndilirining jenidin hǝwǝr alidu,
Rǝzillǝrning qanggilidin halas ⱪilidu.■Am. 5:15; Rim. 12:9
11 Ⱨǝⱪⱪaniylar üqün nur,
Dili duruslar üqün xadliⱪ terilƣandur;
12 Pǝrwǝrdigardin xadlininglar, i ⱨǝⱪⱪaniylar,
Uning pak-muⱪǝddǝslikini yad etip tǝxǝkkür eytinglar!
□97:7 «Oyma ⱨǝykǝllǝrgǝ qoⱪunƣanlar, butlar bilǝn mahtinip yürgüqilǝr...» — «butlar» ibraniy tilida «ǝrzimǝslǝr». «barliⱪ ilaⱨlar, uningƣa sǝjdǝ ⱪilinglar!» — «ilaⱨlar» bu yǝrdǝ, xundaⱪla 86-, 95-, 96- wǝ 97-küydǝ kɵrsitilgǝndǝk, pǝrixtilǝrni, yaki bolmisa butlarning kǝynidiki jin-xǝytanlarni kɵrsitidu. 94:3 wǝ izaⱨatini kɵrüng.