5
Vetumagana Yaubada Natuna wagaine.
1 Badi gavega ivetumaganena Yeisu au Keliso†1Iyo 2:22 ke anaailabama adiebakivemala ani badi kaliva-dina Yaubada wagaine itubuga. Ada gavega inuwakabubuyena Tamada ani kaduwe natunavo Bana wagaine itubuga inuwakabubuyedi. 2 Gavaiyamu kana alamane Yaubada natunavo kanuwakabubuyedi? Kai Yaubada kanuwakabubuyena ada kadu yana veimeya kamatawalewaleyedi. 3 Faina yada nuwakabubu Yaubada wagaine ani taidei anafaiweya. Yana veimeya kamatawalewaleyedi. Ada yana veimeya keke vitadi.†Iyo 14:15,23-24, Mad 11:30 4 Faina gavega Yaubada wagaine itubuga ani babi ananuwanuwa koyona itoyogisegena. Ada gavawai wagaine nuwanuwa-dina kana toyogisege?†Iyo 16:33 Yada vetumagana wagaine. 5 Gavakaliva ani babi ananuwanuwa koyona gina toyogisege?†Lom 8:37 Banae gaito givetumagana Yeisu au Yaubada Natuna.
6 Yeisu Keliso ani Banae giobuelai babiya, ada gielai iyaiyaya iluwei wagaidiya, gufa ada dayaga.**‘Yeisu Keliso gielai iyaiyaya iluwei wagaidiya, gufa ada dayaga’ ani ananuwanuwa taidei anafaiweya. Yeisu gufa wagaine gibabitaiso ada yana alika kelose wagaine dayagina gimadu. Yana ela keke gufa gaga wagaine, aku gufa ada kadu dayaga wagaine. Ada Aluwaluwa Tabuna ani Banae giawaawamogatala anafaiweya,†Iyo 1:32 faina Aluwaluwa Tabuna Banae vona velemoena. 7 Gaitoma toiye iawaawamogatala Banae Yeisu Keliso faine. 8 Seyana ani Aluwaluwa Tabuna,†Iyo 15:26 anavelu gufa, ada anaveto dayaga. Ada aditoto ivonavona leleleya. 9 Kai kaliva-mowa yadi awamogatala kavetumaganena, aga velemoena Yaubada yana awamogatala kada vetumaganena, faina Tauna Yaubada.†Mad 3:17, Iyo 5:32-37, 8:18 Ada Yaubada ani yana awamogatala giveleda Natuna faina. 10 Badi gavega Yaubada Natuna ivetumaganena ani Yaubada yana awamogatala Natuna faine gimiyamiya aseasedi wagaidiya. Aku gavega keke Yaubada ida vetumagane, badi isesena anafaiweya Yaubada vaita tofwaya, faina keke ida vetumagane Yaubada yana awatalatalaina giveleda Natuna faine. 11 Ada awamogatala-nai ani taidei anafaiweya. Yaubada yawai-vagata giveleda, ada yawai-nai ani Natuna wagaine.†Iyo 1:4, 3:36 12 Badi gavega Natuna wagaidiya, ani yawai-vagata imiyamiyanena.†Iyo 3:15, 5:24, 6:40,47 Aku badi gavega Yaubada Natuna keke wagaidiya, ani keke yawai-vagata ida nuwaga.
Vona anaebalauyabu.
13 Imi gavega Yaubada Natuna anayeganeya wavetumagana ani yami leta taidei gavetokilumina anafaiweya, e ada wana alamane-dewedewena bademowa yawai-vagata wanuwagana ke wamiyamiya wagaine.†Iyo 20:31 14 Kai Yaubada yana nuwanuwa anafaiweya kana veola, aga kanuwaveyalaina vaita gina venogaleda.†Iyo 14:13, 1Iyo 3:21-22 15 Ada kaalamanena givenovenogaleda tova-nai kaveolena faina, kaduwe kaalamanena vaita gavana kaveola wagaine ani bademowa kanuwagana.
16 Kai kana itana tubuiyada tovetumagana gikoyokoyona ada koyona-nai faine keke alika-vagata gina nuwaga, aga tubuiyada-nai faine kada veola Yaubada wagaine ada yawai iwakana gina velena.†Iyob 42:8 Taidei yaku vona-nai ani badi gavega yadi koyona-nai faina keke alika-vagata wagaine inana ani faidiya. Aku tamo koyona ani faine aimo gina nauwedi alika-vagata wagaine, ada keke gada vonavona vaita koyona-nai faine kana veola Yaubada wagaine. 17 Dewa koyona matatabuna ani koyona, aku tamo koyona ani keke gina nauwe alika-vagata wagaine.
18 Ide kaalamanena badi gavega itubuga Yaubada wagaine ani keke koyona ida faifaisewa ayo ida naunauwe tova manamanawena, faina Yaubada Natuna giyavayavadi†Iyo 17:12 e ada banae kaliva koyona Seitani keke gina kivekoyo. 19 Ada kaalamanena ideyavo Yaubada natunavo, ada tomiyababi moyaidi ani kaliva koyona Seitani yana veimeya dibune imiyamiya.†Luk 4:6 20 Ada kaduwe kaalamanena Yaubada Natuna bademowa giobuelai ada alamana giveleda, e ada kana alamanena Banae Yaubada velemoena. Ada ideyavo kaveseyana Banae Yaubada velemoena wagaine, faina kaveseyana Natuna Yeisu Keliso wagaine. Banae ani Yaubada velemoena ada Banae anakaibe yawai-vagata vuvuna.
21 Natukuweyavo, taumiyavo wana itaveyabimi yaubada fwayafwaya wagaidiya.
Iyayeku Iyoni
†5:1 1Iyo 2:22 ke anaailabama adiebakivemala
†5:3 Iyo 14:15,23-24, Mad 11:30
**5:6 ‘Yeisu Keliso gielai iyaiyaya iluwei wagaidiya, gufa ada dayaga’ ani ananuwanuwa taidei anafaiweya. Yeisu gufa wagaine gibabitaiso ada yana alika kelose wagaine dayagina gimadu.
†5:9 Mad 3:17, Iyo 5:32-37, 8:18
†5:16 Iyob 42:8