1 “Alò, ou menm, fis a lòm, ✡És 20:2chache pou ou yon moso mozayik. Mete l devan ou e desiyen yon vil sou li, menm Jérusalem nan. 2 Konsa, poze ✡Jr 6:6fè syèj kontra li. Bati yon miray syèj, leve teras, fòme kan a, prepare e pozisyone dè belye mouton kont li tout ozanviwon. 3 Ankò, chache pou ou yon plak an fè, pozisyone li tankou yon miray ki fèt an fè antre ou menm ak vil la e mete fas ou anvè li. Li anba syèj. Konsa ou va mete li anba syèj menm. Sa va yon ✡És 8:18sign pou lakay Israël.

4 “Pou ou menm, kouche sou kote goch ou e mete inikite lakay Israël la sou li. Ou va ✡Lev 10:17 pote inikite yo pou menm fòs jou ke ou kouche sou li yo. 5 Mwen te kontwole fòs kantite jou ki koresponn a fòs kantite ane a inikite yo; twa-san-katra-ven-di jou. Konsa ✡Nonb 14:34ou va pote inikite a lakay Israël la.

6 Lè ou fin konplete sila yo, ou va kouche yon dezyèm fwa sou kote dwat ou pou pote inikite lakay Juda a. Mwen te kontwole li pou ou pandan karant jou; yon jou pou ✡Nonb 14:34chak ane. 7 Konsa, ou va mete figi ou vè syèj a Jérusalem ak bra ou dekouvri pou ✡Éz 21:2pwofetize kont li. 8 Alò, gade byen, Mwen va ✡Éz 3:25mete kòd sou ou pou ou pa kapab vire soti yon kote a yon lòt jiskaske ou fin konplete jou a syèj ou yo.

9 “Men pou ou menm, pran ble, lòj, pwa, pwa tann, pitimi, ak ✡Egz 9:32ble mòn. Mete yo nan yon sèl veso e fè pen ak yo. Ou va manje l selon nonb jou ke ou kouche sou kote ou yo, twa-san-katre-ven-di jou. 10 Manje ke ou va manje a va ✡Éz 45:12 ven sik pa jou selon pwa li. Ou va manje ladann de tanzantan. 11 Dlo ou bwè a va yon sizyèm en (1 lit pa mezi). Ou va bwè l de tanzantan. 12 Ou va manje li kon gato lòj. Ou va kwit li devan yo ak fimye ✡És 36:12poupou moun.” 13 Epi SENYÈ a te di: “Konsa fis Israël yo va manje pen ✡Dan 1:8pa pwòp yo pami nasyon kote m ap chase yo ale yo.”

14 Men mwen te di: “Ah Senyè BONDYE! Mwen pa t janm konn souye nanm mwen. Paske depi nan jenès mwen jis rive koulye a, mwen pa t janm manje sa ki te mouri pou kont li, oswa ki te chire pa bèt sovaj, ni okenn ✡Trav 10:14vyann ki pa t pwòp pa t janm antre nan bouch mwen.”

15 Konsa, Li te di mwen: “Men gade, m ap bay ou kaka bèf pou ranplase poupou moun nan. Sou li menm ou va prepare pen ou an.”

16 Anplis ke sa, Li te di mwen: “Fis a lòm, gade byen, Mwen va ✡Lev 26:26kase pen sa a nan Jérusalem. Yo va manje pen mezire selon pwa, e ak kè twouble. Yo va bwè dlo pa mezi ak gwo laperèz 17 ke pen ak dlo va vin ra. Konsa, yo va etonnen youn lòt e yo ✡Lev 26:39vin deperi nan inikite yo.”