1 Konsa pale SENYÈ a: “Kote sètifika divòs ak sila

Mwen te voye manman ou ale a?

Oswa a sila ke M dwe yo, èske Mwen te ✡ Det 32:30vann ou?

Gade byen, ou te vann pou inikite ou yo

e akoz transgresyon ou yo, ou te vin voye ale.

2 Poukisa pa t gen moun lè M te vini an?

Lè M te rele a, èske pa t gen moun pou reponn?

Èske men M tèlman kout pou li pa ka rachte?

Oswa èske Mwen pa gen okenn pouvwa pou rachte moun?

Gade byen, Mwen fè lanmè a sèk ak repwòch Mwen;

Mwen ✡ Jos 3:16fè rivyè yo vin dezè;

pwason yo gen move sant akoz mank dlo e yo

mouri ak swaf.

3 Mwen ✡ És 13:10abiye syèl yo ak fènwa

e kouvri yo ak twal sak.”

4 Senyè a te ban Mwen lang a ✡ És 8:16disip yo,

pou M ka konnen jan pou bay yon pawòl soutyen

a sila ki fatige.

Li fè M leve maten apre maten,

Li fè zòrèy Mwen leve pou koute kon yon disip.

5 SENYÈ a te ouvri zòrèy Mwen;

epi Mwen ✡ Mat 26:39pa t dezobeyi,

ni Mwen pa t fè bak.

6 Mwen ✡ Mat 26:67te bay do M a sila ki te vle frape Mwen yo

ak machwè M a sila ki t ap rache bab Mwen yo;

Mwen pa t kouvri figi Mwen devan imilyasyon ak krache.

7 Paske Senyè BONDYE a ✡ És 42:1fè M sekou;

pou sa, Mwen pa t vin wont;

pou sa, Mwen te fè figi M vin di tankou silèks.

Epi Mwen konnen ke M p ap vin wont.

8 Sila ki ✡ És 45:25jistifye Mwen an toupre;

se kilès ki gen ka kont Mwen?

Ann kanpe a youn lòt.

9 Gade byen, Senyè BONDYE a fè M sekou;

se kilès ki kondane Mwen?

Gade byen, yo tout va vin epwize tankou yon vètman;

mit papiyon twal yo va manje yo.

10 Se kilès pami nou ki krent SENYÈ a,

ki obeyi vwa a ✡ És 49:2-3sèvitè Li a,

ki mache nan fènwa a e ki pa gen limyè a?

Kite li mete konfyans nan non SENYÈ a

e depann de Bondye li a.

11 Gade byen, nou tout ki ✡ Pwov 26:18limen yon dife,

ki antoure nou ak tòch ki limen dife yo,

mache nan limyè dife nou te fè a,

e pami sann cho kote nou rasanble dife a.

Men sa nou va jwenn nan men Mwen an:

Nou va kouche nan touman.