1 O SENYÈ, Senyè nou an,

A la non Ou gran sou tout latè!

Ou te ✡Sòm 57:5-11fè parèt klè mayifisans Ou

piwo pase syèl yo!

2 ✡Mat 21:16Soti nan bouch a ti bebe ki fenk fèt yo, ak timoun k ap tete yo,

Ou te etabli pwisans Ou, akoz advèsè Ou yo,

pou fè lènmi an avèk vanjè a sispann.

3 Lè m reflechi sou syèl Ou yo, zèv men Ou yo,

✡Sòm 136:9lalin ak zetwal ke Ou te fè yo,

4 ✡Sòm 144:3Kisa lòm nan ye, pou Ou reflechi sou li?

Oswa fis a lòm nan, pou Ou pran swen li?

5 Malgre, Ou te fè li yon ✡Jen 1:26ti kras pi ba pase Bondye,

e te kouwone li ak glwa avèk lonè!

6 Ou fè li regne sou zèv men Ou yo.

Ou ✡Ef 1:22te mete tout bagay anba pye li:

7 Tout mouton yo ak bèf yo, avèk bèt sovaj nan chan,

8 zwazo nan syèl yo, avèk pwason lanmè yo,

ak tout sa ki pase nan chemen lanmè yo.

9 O SENYÈ, mèt nou an, a la non Ou gran sou tout latè a.