57
Pou direktè koral la; jwe a son Al-tashheth
Yon Mikhtam David, lè l te sove ale devan Saül nan kav la
1 Fè m gras, SENYÈ, O Bondye, fè m gras,
paske nanm mwen kache nan Ou.
Wi, nan ✡Rt 2:12lonbraj a zèl Ou, mwen va kache,
jiskaske destriksyon an fin pase.
2 Mwen va kriye a Bondye Pi Wo a,
a Bondye ki ✡Sòm 138:8acheve tout sa m mande an.
3 Li va ✡Sòm 18:16voye sòti nan syèl la pou sove mwen.
Li fè repwòch a sila ki foule mwen an.
Tan
Bondye va voye fè rive lanmou dous Li ak verite Li.
4 Nanm mwen rete pami ✡Sòm 35:17lyon yo.
Mwen oblije kouche pami sila k ap respire dife yo.
Fis a lòm yo menm ak dan kon frenn file,
epi lang yo kon yon epe file.
5 ✡Sòm 57:11Leve anwo syèl yo, O Bondye;
Kite glwa Ou vin pi wo sou tout latè!
6 Yo te prepare yon gwo filè pou pa mwen yo;
Nanm mwen koube ba.
Yo te ✡Sòm 7:15fouye yon fòs devan m.
Yo te tonbe nan mitan li.
Tan
7 ✡Sòm 112:7Kè m kanpe fèm, O Bondye,
kè m fèm.
Mwen va chante, wi mwen va chante lwanj!
8 Leve, ✡Sòm 16:9glwa mwen! Leve ap avèk gita!
Mwen va fè maten vin leve.
9 ✡Sòm 108:3Mwen va bay Ou remèsiman, O SENYÈ, pami pèp yo.
Mwen va chante lwanj ou pami nasyon yo.
10 Paske ✡Sòm 36:5lanmou dous Ou a gran jis rive nan syèl yo,
epi verite Ou jis rive nan nwaj yo.
11 ✡Sòm 57:5Leve anwo syèl yo, O Bondye.
Ke Glwa Ou kapab vin pi wo ke tout latè.