1 O chante a SENYÈ a yon chan tounèf, paske Li te fè anpil bèl mèvèy.

Men dwat Li ak ✡ És 52:10 bra sen Li yo te vin genyen viktwa pou Li.

2 SENYÈ a te fè sali Li rekonèt.

Li te ✡ És 62:2devwale ladwati Li pou tout nasyon yo wè.

3 Li te sonje lanmou dous Li a avèk fidelite Li pou lakay Israël.

4 Rele fò ak jwa a SENYÈ a, tout latè!

Eklate ak chanson, wi chante lwanj Li yo!

5 Chante lwanj a SENYÈ a avèk ap,

avèk ap ak ✡ És 51:3 vwa melodi a.

6 Avèk ✡ Nonb 10:10 twonpèt ak son a kòn.

Rele fò devan Wa a, SENYÈ a.

7 Kite ✡ Sòm 96:11 lanmè a fè gwo bri ak tout sa ki ladann,

Lemonn ak tout sa ki rete ladann yo.

8 Kite ✡ Sòm 93:3 larivyè yo bat men yo.

Kite mòn yo chante ansanm ak jwa

9 devan SENYÈ a,

paske l ap vini pou jije latè.

Li va jije lemonn ak ladwati Li

E ✡ Sòm 96:10pèp yo avèk jistis.