1 Pou koz Sion, Mwen p ap rete an silans

e pou koz Jérusalem, Mwen p ap rete san pawòl,

jiskaske ✡ És 1:26ladwati li vin parèt tankou gran limyè

e sali li tankou yon tòch k ap brile.

2  ✡ És 60:3Nasyon yo va wè ladwati ou

e tout wa yo glwa ou;

epi ou va rele pa yon non nouvo

ke bouch SENYÈ a va bay.

3 Anplis, ou va yon ✡ És 28:5kouwòn byen bèl nan men SENYÈ a

e yon dyadèm wayal nan men Bondye ou a.

4 Sa p ap di a ou menm ankò: “Abandone”,

ni a peyi ou, yo p ap di ankò: “Dezole”;

men ou va rele: “Plezi Mwen nan li”, epi peyi ou: ✡ Os 2:19-20“Marye”.

Paske SENYÈ a pran plezi nan ou

e a Li menm, peyi ou va marye.

5 Paske menm jan ke yon jennonm marye ak yon vyèj,

konsa fis ou yo va marye avèk ou;

epi menm jan jennonm maryaj la

ap rejwi ak jenn fi maryaj la,

konsa ✡ És 65:19Bondye ou a va rejwi ak ou.

6 Sou miray ou yo, O Jérusalem,

Mwen te plase ✡ És 52:8gadyen yo;

tout lajounen ak tout lannwit,

yo p ap janm rete an silans.

Nou menm ki raple SENYÈ a,

pa pran repo pou tèt nou;

7 Epi pa bay Li repo jiskaske Li etabli

e fè ✡ És 60:18Jérusalem yon lwanj sou tout tè a.

8  ✡ És 45:23SENYÈ a te sèmante pa men dwat Li

e pa men pwisan Li:

“Mwen p ap janm bay sereyal pa ou ankò

kon manje pou lènmi ou yo;

ni etranje yo p ap janm bwè diven nèf

pou sila ou te depanse fòs ou a.” 9 Men sila ki ✡ És 65:13-23ranmase li yo va manje li e louwe SENYÈ a;

epi sila ki rekòlte li yo va bwè li nan lakou

sanktiyè pa Mwen an.

10 Antre ladann, antre nan pòtay yo!

Netwaye chemen an pou pèp la!

✡ És 57:14Bati, bati chemen an!

Retire wòch yo, leve yon drapo sou nasyon yo.

11 Gade byen, SENYÈ a te pwoklame a pwent tè a:

“Di a fi Sion an: ‘Men ✡ És 51:5sali ou a rive!

Gade byen rekonpans Li avè L e rekonpans Li devan L!’ ”

12 Epi yo va rele yo: ✡ Det 7:6“Pèp sen an, rachte a SENYÈ yo”.

Ou va rele: “Sila Ki Chache e ki vin twouve a,

yon Vil Ki Pa Abandone.”