men pèsòn pa pran sa a kè.

Sila ak mizerikòd vin retire,

men pèsòn pa konsidere

ke moun dwat la retire soti pou anpeche

✡ II Wa 22:20mal la rive l.

2 Li antre nan lapè.

Chak antre nan pwòp kabann pa l;

tout sila ki te ✡ És 26:7mache dwat nan chemen li yo.

3 “Men vini isit la, nou menm fis a yon manbo,

✡ És 1:4desandan a yon fanm adiltè ak yon pwostitiye.

4 Se kont kilès nou fè plezi a?

Kont kilès nou ouvri bouch nou laj e lonje lang nou an?

Se pa desandan a ✡ És 48:8rebèl nou ye? Pòtè a desepsyon,

5 Ki limen tèt nou pami bwadchenn yo,

anba tout gwo bwa vèt,

ki ✡ II Wa 23:10fè masak timoun yo nan ravin yo,

anba fenèt wòch gwo falèz yo?

6 Pami ✡ Jr 3:9wòch swa nan ravin nan se pòsyon pa w;

menm pou yo menm, ou te vide yon ofrann bwason;

ou te fè yon ofrann sereyal.

Èske M ta vin sede konsènan bagay sa yo?

7 Sou yon gwo mòn byen wo, ou ✡ Éz 23:41te fè kabann ou.

Anplis, se la, ou te monte pou ofri sakrifis.

8 Dèyè pòt la ak chanbrann pòt la, ou te fè monte souvni ou;

ou te ouvri ou menm a yon lòt sòf ke mwen.

Anverite, byen lwen Mwen, ou te ✡ Éz 23:18dekouvri tèt ou

e ou te ale fè kabann ou byen laj.

Konsa ou te antann ou avèk yo;

ou te byen renmen sa ou te we sou kabann yo.

9 Ou te ale kote wa a ak lwil,

e ou te ogmante pafen ou yo;

ou te ✡ Éz 23:16-40voye mesaje ou yo rete lwen,

e te degrade ou menm jis rive nan Sejou mò yo.

10 Ou te fatige akoz wout ou te long,

men ou pa t di: ✡ Jr 2:25‘Nanpwen espwa.’

Ou te jwenn fòs renouvle.

Ou pa t febli menm.

11 De ✡ Pwov 29:25kilès ou te pè e twouble a,

ki fè w manti pou w pa sonje Mwen an,

ni menm panse a Mwen an?

Èske Mwen pa t rete an silans pou anpil tan

ki fè ou pa gen lakrent Mwen an?

12 Mwen va ✡ És 58:1-2deklare ladwati ou ak zèv ou yo,

men yo p ap nan avantaj ou.

13 Lè ou vin kriye fò, ✡ Jr 22:20kite zidòl ou yo delivre ou.

Men van an va pote yo monte e yon souf va rale yo ale.

Men sila ki kache nan Mwen an va eritye peyi a

e va posede mòn sen Mwen an.”

14 Li va di: ✡ És 62:10“Fè l monte, fè l monte, prepare chemen an;

retire tout obstak ki nan wout pèp Mwen an.”

15 Paske se konsa Sila ki wo e egzalte,

sila ki viv jis pou tout tan an,

non a Sila ki Sen an, pale:

“Mwen rete nan kote ki wo e ki sen,

anplis ak li menm ki gen ✡ Sòm 34:18kè ki pi e ki enb,

pou fè leve lespri a enb yo,

e fè leve kè a sila a ki plen regrè pou peche.

16 Mwen p ap goumen ak ou pou tout tan,

✡ Sòm 85:5ni se pa pou tout tan ke M ap fache a;

paske lespri a ta vin fèb devan M,

ak nanm a sila ke M te fè yo.

17 Akoz inikite ✡ És 2:7gwo lanvi li,

Mwen te fè kòlè e Mwen te frape li.

Mwen te kache figi Mwen; Mwen te fache.

Konsa li te kontinye regrese nan wout kè l te pran an.

18 Mwen te wè chemen li yo; malgre sa, ✡ És 19:22M ap geri li;

Mwen va mennen li e restore konsolasyon

a li menm ak sila k ap lamante pou li.

19 Mwen kreye fwi a lèv yo:

“Lapè, lapè, pou sila ki ✡ Trav 2:39lwen yo,

ak pou sila ki pre yo,” SENYÈ a di:

“Epi Mwen va geri yo.”

20 Men ✡ Job 18:5-14mechan yo tankou lanmè k ap boulvèse.

Li p ap ka kalme, e dlo yo

rale fè monte fatra ak labou.

21  ✡ És 48:22“Nanpwen lapè” Bondye Mwen an di:

“pou mechan yo”.