1 ✡4:1: Heb 2:18; 4:15Afta dat, God Spirit take Jesus to da boonies, fo da Devil try presha him fo make um do bad kine stuff. 2 Forty day, forty nite, Jesus pray an he neva eat notting. Afta dat time he stay real hungry. 3 So Satan go by him an presha him. He tell Jesus, “So, wat? You God Boy fo real kine? Den tell dese rocks hea fo come food.”

4 ✡4:4: Rules2 8:3But Jesus tell, “Da Bible tell,

5 Den da Devil take him to Jerusalem, da town dat stay spesho fo God, an make him go up da big towa on top da temple. 6 ✡4:6: Songs 91:11-12Da Devil tell, “So, wat? You God Boy fo real kine? Kay den, go jump down dea, cuz da Bible tell,

“Da Bible tell dis too:

7 ✡4:7: Rules2 6:16But Jesus tell, “Da Bible tell: ‘God, he Da One In Charge a you. So no try presha him fo make um show proof dat he God.’ ”

8 Den da Devil take him up on top one big mountain, an show him all da diffren countries all ova da world, an how awesome dey stay. 9 Da Devil tell um, “I give you all dis, if you go down an show me plenny respeck.”

10 ✡4:10: Rules2 6:13Jesus tell him, “Beat it awready, Satan! Da Bible befo time tell,

11 Den da Devil go way from Jesus, an you know wat? Angel guys from Da One In Charge come an kokua Jesus.

12 ✡4:12: Matt 14:3; Mark 6:17; Luke 3:19-20Dat time, Herod guys wen throw John Da Baptiza guy in prison. Jesus hear dat, an he go Galilee side. 13 ✡4:13: John 2:12He go Nazaret town, an den go from dea, an make house inside Capernaum. Dass one town by da lake side, ova dea Zebulun an Naftali ohana land side. 14 Dis happen jalike da guy Isaiah wen tell, da one dat talk fo God long time befo time:

17 ✡4:17: Matt 3:2Dass wen Jesus start fo teach da peopo. He tell, “You guys gotta come sorry fo all da kine bad stuff you stay do, an no do um no moa, cuz God in da sky stay King hea now.”

18 One time Jesus stay walk by Galilee Lake, an he spock two braddahs, Simon da guy dey call Peter, an his braddah Andrew. Dey stay throw net inside da watta, cuz dey fishamen. 19 He tell um, “Eh, you guys! Go come be my guys! Da way you guys fish fo fish, I goin teach you guys how fo fish fo peopo!” 20 Right den an dea, dey jus leave da nets an go wit him.

21 He go from dea an he spock two odda braddahs, James an his braddah John. Zebedee, dea faddah. Dey inside da boat wit dea faddah, an dey stay fixing da nets. Jesus tell um fo come. 22 Right den an dea da braddahs go way from da boat an dea faddah, an dey go wit Jesus.

23 ✡4:23: Matt 9:35; Mark 1:39Den Jesus go all ova Galilee fo teach inside da Jew churches. He tell da peopo all da Good Kine Stuff bout how can get God fo dea king, an he make all da sick peopo come good from all kine sick. 24 Erybody hear bout him, from dea all ova Syria side. Dey bring all da peopo wit all kine sick by him: erybody dat hurt, an suffa plenny, da peopo dat get bad spirits dat take ova dem, peopo dat shake an roll all ova, an peopo dat no can move. An Jesus make um all come good. 25 Plenny peopo go wit him from Galilee side, from all da Ten Towns, from Jerusalem, from Judea, an from da odda side a da Jordan Riva.