1 Jesus see choke plenny peopo, az why he go litto bit up da mountain. He sit down dea fo teach, an da guys he wen pick fo teach um come by him fo lissen.

2 He start fo teach um. He tell um:

11 ✡5:11: 1Pet 4:14“You guys goin stay good inside wen peopo tell you guys you good fo notting, an make you suffa, an tell all kine bad kine stuff bout you az not true. Peopo do all dat cuz you my guys. 12 ✡5:12: 2Rec 36:16; JGuys 7:52Dance an sing, cuz bumbye God goin get plenny good kine stuff fo give you guys from wea he stay inside da sky. Eh, jalike befo time, da guys God wen sen fo talk fo him long time befo time, had peopo dat make dem suffa too.”

13 ✡5:13: Mark 9:50; Luke 14:34-35“You guys know how da food need salt fo stay good long time. Same ting, da peopo all ova da world need you guys. But if da salt no do wat suppose to do, how you goin make um do wat suppose to do one mo time? No can! Dat kine salt no good. Ony good fo throw da salt outside wea da peopo walk.

14 ✡5:14: John 8:12; 9:5“You guys jalike da light dat help da peopo all ova da world fo see. You no can hide one town on top one hill. 15 ✡5:15: Mark 4:21; Luke 8:16; 11:33Same ting, you no light one lamp an den cova um up. You put um up on top one high place, aah? Den erybody inside da house can see. 16 ✡5:16: 1Pet 2:12Az why, you guys jalike da light. Let erybody see da good kine stuff you guys stay do. Den dey goin tell dat yoa Faddah, God, dat stay in da sky, he awesome!

17 “No tink I stay hea fo get rid a da Rules From God an da stuff da guys dat talk fo God wen tell. I neva come fo wipe out da Rules From God. I come fo make eryting dey talk bout happen. 18 ✡5:18: Luke 16:17Dass right! An I tell you guys dis too: Da sky an da world no goin change notting befo eryting da Rules From God tell goin happen. Not even one dot o one small line a da Rules From God goin change till da Rules do wat suppose to do. 19 Whoeva no do jus one small kine Rule from God, cuz he tink, ‘Dat Rule notting,’ an he teach da odda guys fo tell dat Rule notting too, da King from da sky goin make dat guy jalike he notting. But whoeva do wat all da Rules From God tell fo do, an teach da odda guys fo do um too, da King from da sky goin make him importan. 20 I stay tell you guys dis: If you no do da right tings, mo den da teacha guys dat teach da Rules From God an da Pharisee guys, God in da sky no goin come yoa King.

21 ✡5:21: Outa 20:13; Rules2 5:17“You guys wen hear wat God tell da peopo from befo time. He tell, ‘No go murda nobody. Whoeva murda somebody gotta come in front da judge.’ 22 But I tell you guys dis: Whoeva stay huhu wit his braddah gotta come in front da judge. Whoeva tell his braddah, ‘You no good!’ gotta come in front da main leadas. But whoeva tell, ‘You stupid an good fo notting!’ gotta go to da Hell fire.

23 “If you bring one gif fo God to da altar inside da temple, an you rememba yoa braddah huhu wit you cuz you wen do someting to him, 24 leave yoa gif ova dea, an go make good to yoa braddah. Den you can go back an give yoa gif to God.

25 “If somebody like bring you in front da judge, quick, try make eryting pono wit dem wen you still get chance. If you no do dat, dey goin take you to da judge, an he goin take you to da police, an dey goin put you inside da prison. 26 I tell you da trut, you gotta pay ery penny you owe befo you can come out.

27 ✡5:27: Outa 20:14; Rules2 5:18“You guys wen hear wat God tell: ‘No go fool aroun behind yoa husban o yoa wife back.’ 28 But I stay tell you guys dis: Whoeva look at one wahine an like fool aroun her, he do um awready inside. 29 ✡5:29: Matt 18:9; Mark 9:47If da right eye make you do bad kine stuff lidat, dig um out, an throw um away! No matta you ony get one eye—mo worse da whole body go Hell! 30 ✡5:30: Matt 18:8; Mark 9:43If da right hand make you do bad kine stuff, cut um off an throw um away! No matta you ony get one hand—mo worse da whole body go Hell!

31 ✡5:31: Rules2 24:1-4; Matt 19:7; Mark 10:4“God tell: ‘Whoeva goin dump his wife, gotta write um down on one divorce paypa an give um to her.’ 32 ✡5:32: Matt 19:9; Mark 10:11-12; Luke 16:18; 1Cor 7:10-11But I stay tell you guys dis: Whoeva dump his wife, an she neva even fool aroun, he make her jalike she wen fool aroun. An if anodda guy marry her afta her husban dump her, dat guy jalike one guy dat go fool aroun da firs guy wife.

33 ✡5:33 a: Pries 19:12; b: Census 30:2; Rules2 23:21“An you guys hear wat God tell da peopo from befo time. He tell, ‘No promise fo do someting an den no do um. Cuz you wen promise um in front Da One In Charge. Az why you betta do um!’ 34 ✡5:34 a: James 5:12; b: Isa 66:1; Matt 23:22But eh! I tell you guys dis: No go tell, ‘I swea to God.’ No make one promise an tell ‘I swea by da sky up dea, dat I goin do um!’ cuz dass God throne, wea he stay sit cuz he in charge. 35 ✡5:35 a: Isa 66:1; b: Songs 48:2No make one promise an tell ‘by da earth,’ cuz dass God stool fo his feets. No make one promise an tell ‘by Jerusalem,’ cuz dass da spesho town fo da big King. 36 No make one promise an tell ‘by my head,’ cuz you no can make one hair come white o black. 37 Ony tell, ‘Yeah’ o ‘No.’ Wateva you tell mo den dis come from da Bad Guy, da Devil.

38 ✡5:38: Outa 21:24; Pries 24:20; Rules2 19:21“You guys wen hear wat God tell: ‘If anybody pull out yoa eye, pull out his eye. If anybody broke yoa teet, broke his teet.’ 39 But eh! I stay tell you guys dis: No fight back da bad guys. If anybody slap yoa head one side, mo betta let um slap da odda side too. 40 If anybody bring you in front da judge fo get yoa shirt, let um take yoa coat too. 41 If one army guy make you carry his stuffs one mile, carry um two mile. 42 Wen somebody aks you fo someting you get, give um. Da guy dat like borrow someting from you, no tell um, ‘No!’

43 “You guys wen hear wat God tell: ‘Show love an aloha fo da peopo all aroun you.’ An da peopo tell: ‘Hate da guys dat hate you.’ 44 But I stay tell you guys dis: Show love an aloha fo da guys dat hate you! An aks God fo help da guys dat make you suffa! 45 Wen you do dat, you goin show fo real kine dat you da kine kids dat come from yoa Faddah dat stay in da sky. He make da sun come up fo da bad guys an da good guys. An he sen rain fo da guys dat do da right tings, an fo da guys dat no do da right tings. 46 Az why, if you guys ony get love an aloha fo da guys dat get love an aloha fo you, you figga God owe you guys money fo dat, o wat?! No way! Even da tax peopo dat colleck tax money fo da govmen, dey get love an aloha fo da guys dat get love an aloha fo dem. 47 If you guys tell ‘Howzit’ ony to yoa braddahs, you tink you spesho, o wat? Even all da diffren peopos all ova da world dat donno God, dey tell ‘Howzit’ to dea braddahs too. 48 ✡5:48: Pries 19:2; Rules2 18:13All da time you gotta go all out fo be good, jalike yoa Faddah in da sky, he erytime go all out fo be good.”