1 Ammu i yuyur Abram zi Miṣra ɣar Temmurt n Ljanub n Kenɛan, netta d temɣart nnes, ak-d marra min ɣares, d Luṭ akides. 2 Abram tuɣa ɣares aṭṭas n wagřa d řebhayem d nnuqart d wureɣ. 3 Uca immuṭṭi zeg wemcan ɣar wemcan zi Temmurt n Ljanub ɣar Bayt-Il ař amcan mani tuɣa iǧa uqiḍun nnes qbeř, jar Bayt-Il d Ɛay, ◘13:3 Amz. 12:8. 4 ař amcan n uɛalṭar i tuɣa igga qbeř, min xef issars tiɣarṣa d tewhibin, uca dinni iřaɣa Abram Isem n SIDI. ◘13:4 Amz. 4:26; 12:8. 5 Uca Luṭ, wenni yuyuren ak-d Abram, tuɣa ɣares ɛawed uǧi d ifunasen d tfunasin d iqiḍan. 6 Tammurt war d asen tiriw ḥima ad qqimen zeddɣen jmiɛ, minzi agřa nsen imɣar aṭṭas ař war zemmaren ad din zedɣen jmiɛ. ◘13:6 Amz. 36:7. 7 Uca imsar umcubbec jar imeksawen n řebhayem n Abram d imeksawen n řebhayem n Luṭ. Tuɣa ayt n Kenɛan d Ifiriziyyen zeddɣen řexdenni di temmurt. ◼13:7 imeksawen - niɣ ‘iničan’.  ◘13:7 Amz. 12:6. 8 Inna Abram i Luṭ: “War ittiři ɛad umcubbec jar ayi d cek, jar imeksawen inu d imeksawen nnec, minzi neccin d iryazen awmaten. 9 Ma war tarzem temmurt zzatec? Ttzawgeɣ cek ad xafi tebḍiḍ, ma x uzeřmaḍ, niɣ x yefus! Mařa cek truḥed x yefus, necc ad raḥeɣ x uzeřmaḍ.” ◘13:9 Amz. 20:15; 34:10.

10 Issgeɛɛed Luṭ tamuɣři nnes uca iẓra adewwar n yeɣzar n L’Urdun tuɣa marra iswa. Qbeř areddeǧ zi SIDI tuɣa Sadum d Ɛamurra am jjennet n SIDI, am temmurt n Miṣra xmi dd ɣa tased ɣar Ṣuɣar. 11 Uca ixḍar Luṭ i yixef nnes marra adewwar n yeɣzar n L’Urdun u ifsi Luṭ iqiḍan nnes uca yuyur ɣar ccarq. Ammu i mmsebḍan nitni ijjen x wenneɣni.

12 Abram izdeɣ di temmurt n Kenɛan, maca Luṭ izdeɣ di tneddam n udewwar n L’Urdun, iwta iqiḍan nnes ař Sadum. 13 Iryazen n Sadum tuɣa aten d iɛeffanen d imednab ak-d SIDI ař ṭṭarf. ◘13:13 Amz. 18:20; Ḥiz. 16:49. 14 Awarni řami xas immsebḍa Luṭ, inna SIDI i Abram: “Sarreḥ řexxu tiṭṭawin nnec, texzared zeg wemcan mani teǧid ɣar ccamal, ɣar ljanub, ɣar ccarq u ɣar řɣarb, 15 minzi marra tammurt i tᵉttwařid, ad ac tt wceɣ, i cek d zzariɛet nnec i řebda. ◘13:15 Amz. 12:7; 15:7, 18; 17:8; 26:4; Aɛwd. 34:4; Řex. 7:5. د 16 Ad ggeɣ zzariɛet nnec am tɛejjajt n temmurt, ḥima, mařa izemmar ḥed ad iḥseb taɛejjajt n temmurt, uřa d zzariɛet nnec tzemmar ɛawed ad tᵉttwaḥseb. ◘13:16 Amz. 15:5; 17:4; Aɛwd. 10:22; Irm. 33:22; Rum. 4:17, 18; Ɛbr. 11:12. 17 Kkar, cuq di temmurt di tuzzeggart nnes d tiru nnes, minzi i cek umi tt i ɣa wceɣ.” 18 Xenni ikkes Abram iqiḍan nnes uca yuyur ad izdeɣ ɣar tcejjura n yigg n Mamri, inni iǧan di Ḥabrun. Dinni ibna ijj n uɛalṭar i SIDI. ◘13:18 Amz. 14:13.