105
Qadam SIDI,
řaɣam x Yisem nnes,
barrḥem s tmegga nnes jar řegnus. 105:1 1 Im. 16:8-22
Ɣennjem as, zehhdem i Netta,
siwřem x marra lmuɛjizat nnes.
Cennɛem ixef nnec
s Yisem nnes iqeddsen,
ḥima uř n yinni yarezzun SIDI, ad ifarḥ. 105:3 Izhd. 34:3
Seqsam x SIDI d jjehd nnes,
arzum udem nnes řebda.
Ɛeqřem x lmuɛjizat nnes i igga,
x řeɛřamet nnes
u x řeḥkamat n uqemmum nnes.
Zzariɛet n Ibrahim, amsexxar nnes,
ayt n Yaɛqub, inni zzayes ittwafarzen!
 
Netta d SIDI, AREBBI nneɣ.
Řeḥkamat nnes i dd-ittasen
x temmurt marra.
Ɛeqřem x Řɛahd nnes i řebda,
awař nni iweṣṣa i wařef n jjiřat,
i igga ak-d Ibrahim,
u issemten i-t s tjaǧit nnes i Isḥaq.
10 Netta igga i-t d tawṣeyyet i Yaɛqub,
i Israil igga i-t d Řɛahd i řebda, 105:10 Amz. 28:13; 35:11; 1 Im. 16:17
11 umi inna:
“Ad ac wceɣ tammurt n Kenɛan,
afiřu n řeɛbar n tesɣart nwem!” 105:11 Amz. 13:15; 15:18
 
12 umi tuɣa kenniw deg ijj n wuru n yeryazen,
s drus waha,
u am yibarraniyyen i teǧim dayes. 105:12 1 Im. 16:19
13 Nitni telɛen zi řgens ɣar řgens nneɣni,
zeg ict n tgeldit ɣar ijj n řgens nneɣni.
14 War ijji uřa d ijj n bnadem
ad ten isseḥṣar,
iɛaqeb ijeǧiden di ṭṭweɛ nsen. 105:14 Amz. 35:5
15 War ttḥadam ca imedhunen inu,
war tteggem řɣar deg inabiyyen inu.
 
16 Xenni iřaɣa-dd i řaẓ ɣar temmurt.
Yarẓa asen marra řeɛweč n weɣrum. 105:16 řeɛweč n weɣrum - s lḥarf: ‘azeǧaḍ n weɣrum’.
17 Issekk-dd ijj n weryaz ɣar zzat,
Yusuf immenz d ismeɣ. 105:17 Amz. 37:27,35; 45:5
18 Carfen iḍaren nnes deg iceddiyyen,
řeɛmar nnes ittwaḥṣar deg wuzzař. 105:18 ittwaḥṣar deg wuzzař - s Tɛibranit ‘yusa-dd wuzzař’.
19 Ař řweqt nni di ittwasseqfeř
wawař nnes
iṣeffa as řhard n SIDI.
20 Issekk ujeǧid ijj ḥima ad as issarxu,
řḥakem n řegnus iḍřeq i-t.
21 Netta igga i-t d bab x taddart nnes,
uřa d řḥakem x marra min ɣares. 105:21 Amz. 41:40
22 ḥima ad ɣares icedd řḥukkam
u ḥima ad isseřmed tiɣit i imɣaren nnes.
23 Awarni aya yusa-dd Israil ɣar Miṣra,
iqqim Yaɛqub am ubarrani
di temmurt n Ḥam.
24 Netta igga řɣiǧet di řgens nnes aṭṭas,
yarra i-t ijhed x yinni t iḥeṣṣaren. 105:24 Uf. 1:7, 9
 
25 Netta yarra uř nsen inneqřeb,
ařami dewřen carrhen řgens nnes,
dewřen ɣeddaren imsexxaren nnes. 105:25 Uf. 1:9, 10, 12
26 Xenni issekk-dd Musa, amsexxar nnes,
d Harun wenni ifarz i-t Netta. 105:26 Uf. 3:10; 4:12
27 Nitni ggin řeɛřamat nsen ifarzen jar asen,
u ggin lmuɛjizat di temmurt n Ḥam. 105:27 Uf. 7:9
28 Netta issekk-dd taǧest
uca tedweř marra d taǧest.
Nitni war ɣewwɣen ca x wawařen nnes.
29 Netta yarra aman nsen d idammen
u inɣa iseřman nsen. 105:29 Uf. 7:17, 18, 20; Asa. 16:3, 4
30 Netta yarra tammurt nsen
tseffay s iqarqriwen,
ař daxeř deg ixxamen n ijeǧiden nsen.
31 Netta issiweř uca yusa-dd
weyřaf n ibeɛɛac,
nnamus wḍan-dd
x temmurt nsen marra.
32 Netta yarra anẓar nsen d abrurri,
issekk-dd timessi d iceɛɛařen
x temmurt nsen.
33 Netta iwta tazayart nsen d wartu nsen,
yarẓa ticejjura di temmurt nsen.
34 Netta issiweř, xenni tusa-dd tmuɣri,
uřa d bu-weřsaḥ, aqa aten břa řeḥsab.
35 Nitni ccin marra afsu di temmurt nsen,
ccin řɣiǧet n temmurt nsen.
36 Netta inɣa marra imenza
di temmurt nsen,
imenza n marra taryast nsen. 105:36 Izhd.78:51
37 Netta issuffeɣ i-ten-dd
s nnuqart d wureɣ,
war din tuɣi uřa d ijj
di tqebbař nsen i inderfen.
38 Miṣra tfarḥ s wuffuɣ nsen,
maɣar tewḍa xasen tiggʷudi temɣar. 105:38 Uf. 12:33
 
39 Netta ibezzeɛ aseynu am yijj n arwaq
u tmessi ḥima ad tewc tafawt s ǧiřet.
40 Nitni ẓẓuǧen u Netta yarra
ad dd-asen ijḍaḍ, qqaren as ‘tsalwa’,
issjjiwen i-ten s weɣrum n ujenna.
41 Netta yarzem taṣḍart,
aman duqqzen-dd zzayes,
uzzřen x řaẓaɣ u dewřen am yeɣzar.
42 Maɣar Netta iɛqeř
x wawař nnes iqeddsen,
x umsexxar nnes Ibrahim. 105:42 Amz. 15:14
43 Netta issuffeɣ-dd řgens nnes
s řefraḥet,
inni zzayes ittwafarzen s usřiwřew. 105:43 Uf. 14:8; Řxř. 33:3
44 Netta iwca asen timmura n řegnus,
nitni warten tamara n ccuɛub,
45 ḥima ad ṭṭfen di tweṣṣa nnes,
ad ḥḍan izerfan nnes. Hallilu-Yah. 105:45 Uf. 19:4, 5, 6; Aɛwd. 4:1, 40; 6:21, 22, 23, 24, 25
 
 

105:1 105:1 1 Im. 16:8-22

105:3 105:3 Izhd. 34:3

105:10 105:10 Amz. 28:13; 35:11; 1 Im. 16:17

105:11 105:11 Amz. 13:15; 15:18

105:12 105:12 1 Im. 16:19

105:14 105:14 Amz. 35:5

105:16 105:16 řeɛweč n weɣrum - s lḥarf: ‘azeǧaḍ n weɣrum’.

105:17 105:17 Amz. 37:27,35; 45:5

105:18 105:18 ittwaḥṣar deg wuzzař - s Tɛibranit ‘yusa-dd wuzzař’.

105:21 105:21 Amz. 41:40

105:24 105:24 Uf. 1:7, 9

105:25 105:25 Uf. 1:9, 10, 12

105:26 105:26 Uf. 3:10; 4:12

105:27 105:27 Uf. 7:9

105:29 105:29 Uf. 7:17, 18, 20; Asa. 16:3, 4

105:36 105:36 Izhd.78:51

105:38 105:38 Uf. 12:33

105:42 105:42 Amz. 15:14

105:43 105:43 Uf. 14:8; Řxř. 33:3

105:45 105:45 Uf. 19:4, 5, 6; Aɛwd. 4:1, 40; 6:21, 22, 23, 24, 25