1 7:1 Rom 2:1; 1 Kor 4:5; Sem 4:11-12”Ampur kipm ari elukgen melnum ur pa la paipm pa eng ake mpa wa Maur Wailen ri elukgen kipm ti la kipm paipm pa. 2 7:2 Mak 4:24Kipm ri elukgen melnum ur kolai pa, pa ikga wa Maur Wailen kil wa ri elukgen kipm pa kolpa yat pake. Kipm ri ilmpil itne melnum ur pa kolai pa, pa ikga wa Maur Wailen wa ri ilmpil itne kipm pa kolpa yat pake. 3 Antokg kolai atom kitn wa ari ipik wasek ur a ela wulmpa a melnum ur alkitnen, pake ake wa kitn ari yo wail ur a ela wulmpa alkitnen ti! 4 Antokg kolai ti kitn lanaki melnum wor ur alkitn pa la, 'Ti kitn itni eng kupm kiplim ipik wasek ur a ela wulmpa akitnen pa ri.' Ti ake kitn ari yo wail a ela wulmpa alkitnen ti! 5 Pa kitn melnum a kansil plan ak num enen ti la kitn melnum wor. Kola kitn uwi yo wail a ela wulmpa alkitnen ti tukwlekg plalng pa, wulmpa akitnen pa wor pa, kitn ri kiplim ipik wasek a ela wulmpa a melnum wor alkitnen pa.

6 Ampur kipm angkli kweikwei a Maur Wailen amprin eng kil alkil pa uk kai nimpa pa, mpa nimpa plelng nam kamel. Ampur kipm angkli krim kwalo wor wor alkipm pa uk kai manto pa, mpa manto rkganti plelng nam kamel.”

7 7:7 Mak 11:24; Son 14:13; 15:7; 16:23-24”Kipm isen pa, mpa kipm uwi. Kipm ikor pa, mpa kipm ri. Wa kipm kulkwon pa, wanyun mpa kukwantepm pa. 8 7:8 1 Son 3:22; 5:14-15Kol mla ur a kil asen pa, mpa kil uwi. Mla ur a kil akor pa, mpa kil ri. A mla ur a kil kalkwon pa, wanyun mpa kukwantel pa.

9 Mla ur kitn kol warim alkitnen pa isenteitn eng okipma pa, mpa wa kitn uwi wes pa lkel pake? 10 Aki kol kil isenteitn eng yul pa, mpa wa kitn lkel ul tike? Kalpis. 11 7:11 Sem 1:17Kipm melnum paipm pake, kipm uk uk kweikwei wor wor kai warim alkipmen pa. Ti kipm riwe la, Yan akipmen kaino kitnong pa kil atopen paipm la uk kweikwei wor wor tu mla ur a asentel pa.

12 7:12 Mat 22:39-40; Luk 6:31; Rom 13:8-10Kipm wakrongen la mla ur iktepm kolai pa, kipm wa ntokgten irir kol a kipm wakrongen la tu iktepm pa. Yangkipm kil kai kanun yangkipm a Moses, a yangkipm a tu melnum okwripm a Maur Wailen a kaling planto pa.”

13 “Kipm mpa kawor or wanyun wusok, pa ya wa kai kaino anong wor. Wa wanyun wail pa, ya wail wor wunongket a kinar anong paipm, wrongkwail am angkom or ya wail pake. 14 Pake wanyun wasek a ya wusok a kaino anong wor a rpma yongkyong pa kwapet, ti wrong wusoken kolti ansil ya kil ore.”

15 7:15 Mat 24:24; Kwap 20:29; 2 Pi 2:1”Kipm itn riwe tu melnum okwripm kansil pa. Tu wli akipaarepm kolen manto walkg malkgu ak num enen tike, a ipma wunen pa kolen nimpa tilpmingen a aro angkwrer al kamel pa. 16 7:16 Kal 5:19-22; Sem 3:12Mpa kipm uwi riwe tu pa kai ok alkil a angko pa la angko yo ok wor aki yo ok paipm. Melnum antiwe anel yo ok wain ur kai ampei iket paipm ur pa aki? Wa melnum antiwe awi tikga kulok aki tikga tukgun ur pa kai mi rungulet paipm ur pake? Kolpa kalpis. 17 Yo wor pa angko yo ok wor, a yo paipm pa angko yo ok paipm. 18 Yo wor ake mpa ngko yo ok paipm pa, a yo paipm ake mpa ngko yo ok wor pa, kalpis. 19 7:19 Mat 3:10; Luk 3:9; Son 15:6Yo wrongkwail a ake angko ok wor pa, mpa ware kirkok wangket rkol ngkli elng kai wakg. 20 7:20 Mat 12:33Am kolpa kipm ri nireinen tu melnum okwripm kansil pa kai kwap a tu ak pa.”

21 7:21 Luk 6:46; Sem 1:25”Ikgake kipm wrongkwail mla ur a akwe nang a kupm ti la, 'Wailen, Wailen', pa ikga kawor anong wor a Yan akupmen kil ikgalen kaino kitnong pa, kalpis. Ikga tu mla ur a kanun nikgwalpm a Yan akupm wris ata pati ikga kawor anong wor pake. 22 Ik wang a kupm nar pa, ikga tu lanikopm la, 'Wailen, Wailen, am pikekg kitn pa ngkat okel men ti atom men laron nikgwalpm akitnen, a am men pikekg naren kitn ti ungkwan maur paipm a antokg kweikwei watipmen a men melnum ake antiwe antokg ak titnongket alpmen pa.' 23 7:23 Nang 6:8; 2 Ti 2:19Pake ikga ik wang pa ikga kupm laniken ngko wunong la, 'Kupm akwekgelepm paipm kolti, kipm a antokg paipmpaipm, ti kipm itni kai ai tukwelkgen kupm ti!'”

24 “Kolpa ti wrongkwail mla ur a kil atning yangkipm akupmen kil alupmen atom kanun pa, kil pa kolen melnum wontrakole a kil ale wan ela wulkging. 25 U wail awei, minip kuwokg kop el, a wripm mring mring el pupu yikakatnen paipm kai itna wan pa, pake wan pa ake tapor, kalpis. Pati atnen pikekg kil ale ela wulkging. 26 Pake melnum a kil atning yangkipm akupmen ti atom ake kil kanun pa, kil kolen melnum titnowen a ale wan ela nimilpm. 27 U wail awei, minip kuwokg kop el, a wripm mring mring el pupu yikakatnen paipm kai itna wan pa, wan pa am tapor elng nar prapm paipm kolti.”

28 Sisas kil la yangkipm pa kai plalng pa, wrongkwail kin a kipman pa tu atning yangkipm a kil kaling planten pa ari, pa almpen ipma. 29 7:29 Mak 1:22; Luk 4:32Eng ntei, kil ake kaling planten kolen tu melnum atuwen a aroaro wonel tu yangkipm a Moses pa, kalpis. Kil kaling planten nampon titnongket kol kil alkil yangkipm yiprokgen.