3
Matawa melala Sadisi tovetumagana adiyoo faidiya.
1 Kaduwe Keliso givoneku, givona, “Banae tonagona-nai Yaubada yana yoo Sadisi wagaine giitaitaveyabidi ani bana wagaine una vetokiluma taide anafaiweya, unavona, ‘Banae-nai Yaubada Aluwaluwana adiseveni imiyamiya wagaine kadu ailabama adiseveni gikiabidi ani yana vona taidei anafaiweya.
Yami dewa ani matatabuna gaalamanena. Imi valeyami ani vaita yami vetumagana toyogina kaliva matadiya, aku velemoena yami vetumagana-nai ani kabekabebe-moena, au vaita bademowa gialika anafaiweya.†1Tim 5:6 2 Wana mididi dau wagaine ada wana itaita, ada yami vetumagana kabisona gitufo aku kabisona gina avovolina, ani wana kivetoyogina. Faina gaitanuwagana yami dewa ani keke iwakana Kamaku Yaubada matane. 3 E ada keke nuwami ginavulu vewala-nai ivewalemi ada wanogalina. Au wana moinena ke wana nuwavilami. Kai keke yami dauya-deya wana mididi, ganaelai wagaimiya vaita tokiyafu anafaiweya. Gavatoveya tokiyafu gina yegemo ikavuya ani keke wada alamane, ada kadu anafaiweya Iya ganaelai.†Mad 24:43-44, Luk 12:39-40, 1Tes 5:2
4 Aku imi meSadisi wagaimiya ani kaliva tufodi keke ida awaegedi dewa koyona wagaidiya e ada adikaleko keke ida vebwanenedi.†Iyud 23 Taidei faina adifaiweya kaleko kwayakwayana ina osedi ada Iya nodi ana nunudadana, faina badiyavo yegayegadiyavo e ada adilauboda. 5 Ada kadu anafaiweya, gavega Iya faikuya ina vetoyogina ani kaleko kwayakwayana gana veledi ke ina osedi. Ada adiyegana keke-bamowa gana vovoli Yawai anaBuki**Taide ‘Yawai anaBuki’ wagaine ani badi yawai-vagata inuwagana adiyegana imiyamiya. (Ive 20:12,15, 21:27) wagaine, ada gana awamogataledi Kamaku matane ke yana aneloseyavo matadiya ganavona, “Badiyavo ani Iya yaku kalivayavo.”†Mad 10:32, Luk 12:8
6 Imi gavega wa tagami ani wada nogala gavana Aluwaluwa Tabuna givonavona ekalesiya adiseveni wagaidiya.’ ”
Matawa melala Filadelifiya tovetumagana adiyoo faidiya.
7 Kaduwe Keliso givoneku, givona, “Banae tonagona-nai Yaubada yana yoo Filadelifiya wagaine giitaitaveyabidi, ani bana wagaine una vetokiluma taide anafaiweya, unavona, ‘Banae-nai tabu kadu yana nuwanuwa matatabuna yegayega-vagaidi ada Banae vona velemoena ani taidei yana vona. Tova tuwai-moena Kini Deivida giveiveimeya gavega idaluku yana melala-nai Yelusalema wagaine, ada kadu anafaiweya Bana Yeisu Keliso giveiveimeya gavega inaluku Tauna yana ebaveimeya wagaine. Kai wana gina yavuna, keke tamo gaito anafata ginafali. Ada kai wana gina falina, aga keke tamo gaito anafata ginayavu.†Ais 22:22 Ee, yana vona taidei anafaiweya.
8 Yami dewa ani matatabuna gaalamanena. Wana itana, wana yavuyavuna gasena wadebaimiya, wana-nai keke tamo gaito anafata ginafali. Yami toyogina kabisona nonogana yaku vewala wavemoimoinena ada keke wadavewa vaita wamulimuliyeku. 9 Kadu ganavona. Badiyavo Seitani anayeganeya ivagavagauta ani iawaawamogatala vaita badi taudiyavo ani meIsileli, aku velemoena keke. Wada ivefwayafwaya. Aku wana itana, Iya badi ganagadi inaela ina iboula agemiya†Ais 60:14 ada ina inanami vaita imi kaliva-mina Iya ganuwakabubuyemi.
10 Tuwai-moena gavonemi vaita vita-dina aimo ina yegeyegemona wagaimiya ani wada atuvefailedi, ada taide yaku vona-nai wavemoimoinena. Taidei faina aimo vita anatova-nai ginaelai babi matatabuna wagaine ke tomiyababi moyaidi gina galuvaluvadi, ani keke gina vaimi. Faina Iya gana yavami.†2Pi 2:9 11 Tova kabisona ganaelai. Ada amivewala iwakana bade wavaina ke yami dewa yegayegadi ani wana abidonedi, e ada tovetoyogina anakedukedu**Tovewainagona anakedukedu ani velesi anatovewainagona gina nuwagana, ada bana kuluwane inasena. E ada badi adivita inuwagadi Yeisu anayegana faina aku itoyogisegedi, ani Iyoni givonaluvefosau. Badi gavega gavavita bademowa inuwagadi aku itoyogisegedi, ani vaita ivewainagona ke adikedukedu inuwagadi. (Iyem 1:12) Yaubada givelemi ani keke tamo gaito gina vaiyavule. 12 Biyavo-dina Iya faikuya ina vetoyogina ani ganasedi ke ina veanafaiweya ogola seyana yaku Yaubada yana manuwa tabu giwaiwailemena. Ida gitoyoga ke gimiyamiya, ada keke anafata ina vaiyavule. Ada badi wagaidiya yegana toiye gana vetokilumidi, yaku Yaubada anayegana, ada yana melala anayegana, tainei Yelusalema evaguna†Ive 21:2 gina obuelai gabameya-deya yaku Yaubada wagaine. Ada kaduwe Tauku akuyegana evaguna†Ive 14:1 gana vetokilumina wagaidiya.
13 Imi gavega wa tagami ani wada nogala gavana Aluwaluwa Tabuna givonavona ekalesiya adiseveni wagaidiya.’ ”
Matawa melala Leodisiya tovetumagana adiyoo faidiya.
14 Kaduwe Keliso givoneku, givona, “Banae tonagona-nai Yaubada yana yoo Leodisiya wagaine giitaitaveyabidi ani bana wagaine una vetokiluma taide anafaiweya, unavona, ‘Banae-nai anayegana Emeni ani tova moyaina wa yana idibumwaiga vona velemoena giawamogatalena, kadu ibuibubuna matatabuna Yaubada gibubudi ani Banae yadi ebavevuvu.†Kol 1:15 Ani yana vona taidei anafaiweya.
15 Yami dewa ani matatabuna gaalamanena. Imiyavo ani keke vaita gufa tulutuluna anafaiweya ada kaduwe keke vaita gufa ginaginana anafaiweya. Nuwanuwaku imi wada veanafaiweya gufa tulutuluna o kai gufa ginaginana.**Yeisu yana ifufu ani yana tonono yadi awaega Tauna wagaine faina. Nuwanuwana yana tonono moyaidi yadi awaega Bana wagaine ani taudiyavo ina awaege-moedi. (Lom 12:11) 16 Aku imiyavo vaita gufa gilukalakalalava anafaiweya. E ada keke tulutuluna kadu keke ginaginana faina, gana kiwala yavulemi awakuya. 17 Faina imiyavo wavona, “Ime kaikaiwabumeyavo. Gaitoma moyaina wagaidiya amafaiweya.†Luk 12:21, Iyem 2:5 Keke tamo gavana wagaine ada vemaufo.” Aku keke wada alamane imi velemoena ani fanifanivegogoimi, nuwakalikalimiyavo, fanifanimiyavo, matami koyo-moedi, ada konekonemiyavo. 18 Taidei faina galuwageyemi vaita wanaela wana kimone wagaikuya gola ikiveyegayeganena ai wagaine,†Ais 55:1, Mad 13:44, Vona 8:17-21 e ada amifaiweya wana vekaikaiwabu velemoena. Kadu kaleko kwayakwayadi wana kimonedi wagaikuya ke wana osedi e ada kaliva yami gakonekone keke inaita ke wana vovomumu. Kadu mulamula wana kimone wagaikuya ke matami wagaidiya wana luababana e ada amifaiweya wanaita velemoena. 19 Badi gavega ganuwakabubuyedi ani yadi dewa koyona gavevewaledi ke gakikivetunudi.†Ibel 12:6-13 Taidei faina wana nuwavilami ada wana idibumwaiga ke wana dewadewa yegayegana.
20 Wana itana, Iya gamidimididi wana lilivane galulutoli vaita gadaluku anafaiweya. Kai gaito seyana bonaku gina nogalina ada wana gina yavuna, Iya ganaluku banae tauna wagaine ada Iyayeku ke banae nodi anakani.†Iyo 14:23 21 Iya gaatuvefaila ke gavetoyogina, ada Kamaku yana veimeya anaebavetoga kaikaiwabuna wagaine Bana nodi avetoga. Ada kadu anafaiweya, biyavo-dina Iya faikuya ina atuvefaila ke ina vetoyogina ani gana awaegedi Iya nodi ana vetoga yaku veimeya anaebavetoga kaikaiwabuna wagaine.†Mad 19:28
22 Imi gavega wa tagami ani wada nogala gavana Aluwaluwa Tabuna givonavona ekalesiya adiseveni wagaidiya.’ ”
†3:3 Mad 24:43-44, Luk 12:39-40, 1Tes 5:2
†3:4 Iyud 23
**3:5 Taide ‘Yawai anaBuki’ wagaine ani badi yawai-vagata inuwagana adiyegana imiyamiya. (Ive 20:12,15, 21:27)
†3:7 Ais 22:22
†3:9 Ais 60:14
**3:11 Tovewainagona anakedukedu ani velesi anatovewainagona gina nuwagana, ada bana kuluwane inasena. E ada badi adivita inuwagadi Yeisu anayegana faina aku itoyogisegedi, ani Iyoni givonaluvefosau. Badi gavega gavavita bademowa inuwagadi aku itoyogisegedi, ani vaita ivewainagona ke adikedukedu inuwagadi. (Iyem 1:12)
**3:15 Yeisu yana ifufu ani yana tonono yadi awaega Tauna wagaine faina. Nuwanuwana yana tonono moyaidi yadi awaega Bana wagaine ani taudiyavo ina awaege-moedi. (Lom 12:11)
†3:18 Ais 55:1, Mad 13:44, Vona 8:17-21