2
Matawa melala Efeso tovetumagana adiyoo faidiya.
1 Kaduwe givoneku, givona, “Banae tonagona-nai Yaubada yana yoo Efeso**Efeso ani bana melala lakaina seyana Loma yana ebaveimeya Eisiya wagaine. Anataliya waka ivemaga-vagaina, yadi ebakimone iwaka-moena, aku meEfeso ioduodu bana yaubada fwayafwaya anayegana Atemisi wagaine. (Gug 19:27,35) Melala-nai Efeso ani tova maufona wagaine givefafali lakaina Yeisu anatovetumagana yadi ebafaisewa faina. E ada meyameyaganina ekalesiya-nai Efeso wagaine ani ekalesiya lakai-moena Loma yana ebaveimeya wagaine. wagaine giitaitaveyabidi ani bana wagaine una vetokiluma taide anafaiweya, unavona, ‘Banae-nai nimana aiyatagine ailabama adiseveni gikiveyabidi ada mayale adiebaibo adiseveni ibubudi gola wagaine nefanidiya ginudadana ani yana vona taidei anafaiweya.
2 Yami dewa ani matatabuna gaalamanena. Imiyavo velemoena wafaifaisewa toyogina. Ada vita aimo wanuwanuwagadi, aku auwe wa yami atuvefaila wamidimididi toyogina. Ada gaalamanena badi koyodiyavo ani keke maita nuwanuwami badi nodi wana luluveya. Ada badi igaveuveula ke ivona vaita badi afositolo aku keke velemoena, ani bademowa waitavenuwadadanedi ada waitanuwagana badiyavo tovefwayafwaya.†1Iyo 4:1, 2Iyo 1:7-11 3 Kaduwe gaalamanena vita moyaina iyegemona wagaimiya akuyegana wawaiwaina faina, aku keke wada kabekabebe yami vetumagana wagaine. Au wa yami atuvefaila tova moyaina wakwageyena.
4 Ee, taidei yami dewa-dina ani iwakadi, aku dewa seyana ani ganuwanuwa lakaina faine ada matakuya keke iwakana. Nagona wanuwakabubuyeku lakaina, aku malinai keke wada nuwakabubuyeku nagona anafaiweya. 5 Taidei faina wana itaveyabimi ada wana nuwaududuna gavaiyamu tuwaina wadewadewa wagaikuya. Faina malinai anaita imi velemoena bademowa wabeu. E ada wana nuwavilana. Tova nagona wanuwanuwa Iya faikuya ke wanuwanuwakabubuyeku, ani malinai kaduwe anafaiweya wana dewadewa. Kai keke wana nuwavilami yami koyona wagaidiya, aga Iya ganaela yami mayale anaebaibo gana vaiyavulena yana ebamiya wagaine, e ada wanamiya-kavovo. 6 Aku yami dewa seyana iwakana matakuya ani, badi Nikolasi yana yoo yadi gugai koyodi ani wadibusoyoge-moedi, gugai-dina Iya kaduwe gadibusoyoge-moedi.
7 Imi gavega wa tagami ani wada nogala gavana Aluwaluwa Tabuna givonavona ekalesiya adiseveni wagaidiya. Badi Iya faikuya ina vetoyogina†Ive 3:5, 21:7 ani Iya adiawaega gana veledi ke yawai ana ai†Eba 2:9 guwaguwa ina kanina. Ai-nai gimidimididi Yaubada yana fafali iwaka-vagaina gabameya ivewagana Paladaisi.’ ”
Matawa melala Simina tovetumagana adiyoo faidiya.
8 Kaduwe givoneku, givona, “Banae tonagona-nai Yaubada yana yoo Simina wagaine giitaitaveyabidi, ani bana wagaine una vetokiluma taide anafaiweya, unavona, ‘Banae-nai wai ginago-moena ada wai gimuli-moena, gialika ada giyewana wayawaina ani yana vona taidei anafaiweya.
9 Iya wamulimuliyeku faina, vita lakaina wanuwanuwagadi ada wavefanifani ani gaalamanena. Aku Yaubada matane imi kaikaiwabumiyavo. Kaduwe gaalamanena kaliva tufodi ani ivefwayafwaya ivonavona badiyavo ani Yaubada yana yoo meIsileli, ada nuwanuwadi amiyegana ina kikivekoyodi e ada iveveloi-kavokavovomi. Biyavo-dina ani keke meIsileli aku velemoena badi Seitani yana yoo. 10 Keke maita wana matauta uloulolo-dina tova kabisona inaelai wagaimiya. Wana itana, aimo Seitani, banae toveloi-kavokavovo ani tufomi ginasemi manuwa ebayogona wagaine e ada yami vetumagana gina galuvaluvana, ada wana uloulolo yadayada teni wagaidiya.†2Tim 4:8, Iyem 1:12 Aku tova moyaina wa yami aseawaega Yaubada wagaine wana miyamiya analaba wana alika, ada yami vetoyogina faina fatami ani yawai-vagata gana velemi, tainei vaita tovewainagona anakedukedu kaikaiwabuna†2Tim 4:8, Iyem 1:12 anafaiweya.
11 Imi gavega wa tagami ani wada nogala gavana Aluwaluwa Tabuna givonavona ekalesiya adiseveni wagaidiya. Badiyavo Iya faikuya ina vetoyogina ani keke-bamowa ina gilagi alika anavelu†Ive 20:14, 21:8 wagaine.’ ”
Matawa melala Fegamumu tovetumagana adiyoo faidiya.
12 Kaduwe givoneku, givona, “Banae tonagona-nai Yaubada yana yoo Fegamumu wagaine giitaitaveyabidi, ani bana wagaine una vetokiluma taide anafaiweya, unavona, ‘Banae-nai awana wagaine benisi wa fafali lugana manimaninidi†Ibel 4:12, Ive 1:16 giyegemona ani yana vona taidei anafaiweya.
13 Gaalamanena yami melala-nai wagaine wamiyamiya, wadedeku Seitani giveiveimeya yana veimeya anaebavetoga wagaine-deya. E aku aimo wamiyaveyalata velemoena wagaikuya ada yami vetumagana wagaikuya keke wada veweye. Ee, tuwaina yaku kaliva Enitipasi, banae tova moyaina wa yana idibumwaiga giawatalatalaina faikuya ani iluvealikana amimwatuguya. Ada au yami melala-nai wagaine Seitani anayegana ani lakaina kadu tubuiyami iluvealikana akuyegana faina, aku imiyavo ani yami vetumagana keke wada veweye.
14 Ee, taidei yami dewa-nai ani iwakana, aku dewa seyana ganuwanuwa lakaina faine ada matakuya keke iwakana. Faina kaliva tufodi wagaimiya-deya ani Belami†Naba 25:1-9, 31:16, 2Pi 2:15-16 yana dewa imuliyena. Wana nuwenuwena. Bana Belami ani Balaki givewalena ke koyona anaebabe ginasena meIsileli wadebaidiya, e ada gina nuvuyoyedi ke koyona wagaine inabeu. Ina Belami ginagoyedi ke aa-dina mali kaliva bade ivebolavoiyedi yadi yaubada fwayafwaya adikilumina wagaidiya ani ikanidi,†Gug 15:29, 1Kol 8:10 ada kaduwe ginagoyedi ke taudiyavo iawaegedi vovo anaawaege-kavokavovo wagaine.†Naba 25:1-3, 1Kol 10:6-8 15 Kadu anafaiweya kaliva tufodi amimwatuguya ani badi Nikolasi ke yana yoo yadi vewala balana imuliyena. 16 Taidei faina wana nuwavilana taine wai-dina koyodi wagaidiya. Kai keke wana nuwavila, aga tova kabisona ganaelai wagaimiya ada badiyavo taide vewala-dina baladi imulimuliyedi, ani gana lugaviyadi benisi-nai wagaine giyegeyegemona awakuya.**Iyoni 12:48, wadedeku Yeisu Tauna yana vona faidiya giifuifufu, vona-dina vaita tovevonayavuga gimiyamiya todibusoyoga faidiya. Kaduwe una itana ailabama adiebakivemala Ivemogatala 1:16 wagaine.
17 Imi gavega wa tagami ani wada nogala gavana Aluwaluwa Tabuna givonavona ekalesiya adiseveni wagaidiya. Badi Iya faikuya ina vetoyogina ani mana†Iyeg 16:15-35, Iyo 6:48-50 tufona gana veledi, taine gabama ana aa-nai sewasewavuyena. Ada kadu kabala kwayakwayana gana velena seyana seyana, kabala-nai wa yeganina evaguna ivetokilumina wagaine. Yegana-nai ani keke tamo gaito gina alamane aku banae-nai gina nuwagana.†Ive 3:12 Tauna gagana gina alamanena.’ ”
Matawa melala Taiyatila tovetumagana adiyoo faidiya.
18 Kaduwe givona wagaikuya, givona, “Banae tonagona-nai Yaubada yana yoo Taiyatila wagaine giitaitaveyabidi, ani bana wagaine una vetokiluma taide anafaiweya, unavona, ‘Yaubada Natuna, Bana matana vaita aiyabeyabela meyana anafaiweya ada agena ilunamanamalena vaita kainumu yagoyagona igilana anafaiweya,†Ive 1:14-15 ani yana vona taidei anafaiweya.
19 Yami dewa ani matatabuna gaalamanena. Gaalamanena wanuwakabubuyeku ke kaduwe kaliva wanuwakabubuyedi, ada wavetumagana wagaikuya. Kaduwe gaalamanena tova moyaina kaliva walemelemedi, ada wa yami atuvefaila amivita wawaiwaidi aku wamidimididi toyogina. Gaalamanena vaita nagona taidei dewa-dina wadewadewayedi, e aku malinai ani au wadewadewaye-moedi. Taidei iwaka-moena.
20 Ee, taidei yami dewa-dina ani iwakadi, aku dewa seyana ganuwanuwa lakaina faine ada matakuya keke iwakana. Ina vavine-dina adiyegana Yesibela,**Vavine taidei ani adiyegana ‘Yesibela’ Yeisu giveyeganina, ada taide wagaine givonaluvefosau tova tuwaina-moena anavavine-dina adiyegana Yesibela. Tuwai-moena malamala seveni analedi (700) anafaiweya muliya-yo Yeisu yana tova miya babiya ani badi vavine-dina imiyamiya. Ada yadi dewa koyo-moena, anafaiweya yaubada fwayafwaya adikilumina wagaidiya ioduodu, ada Yaubada yana falofitayavo ivenibainedi velemoena. Badi mine-dina ifuifufudi ani kana nuwagana 1 Kini daba 16 ke ginau daba 21 wagaine, ada 2 Kini 9:7-10. badi taudi ivewagadi Yaubada yana falofita seyana ani waalamanena yadi dewa aku au waita-moedi. Keke maita wada awatadi. Aku badi yadi vewala fwayafwaya wagaine yaku togugaiyavo inunuvuyoyedi, e ada vovodi iawaege-kavokavovoyedi, kadu ikanikani yaubada fwayafwaya adikilumina adiaa-dina kaliva ivebolavoiyena wagaidiya. 21 Badi gavonedi vaita ida nuwavilana, ada gaboda faidiya e ada aseasedi ida sevedavedamadi ke ida nuwaviladi vovodi anaawaega-kavokavovo wagaidiya-deya, aku keke nuwanuwadi ina sevedavedama. 22 E ada wana itana, veoga vita-moena gana veledi. Ada badi kaliva-dina nodi iudoudo ani kai keke ina nuwavila vavine-dina yadi dewa koyona igugugaiyedi wagaine, aga gana segedi ina uloulolo lakai-moena. 23 Ada vavine-dina anatomuliyayavo gana munudi ina alika. E ada tovetumaganayavo fafali moyaina wagaidiya ina alamanena Iya idogamekuna asease ada nuwanuwa aditoalamana, ada imi seyana seyana gana fatami anafaiweya yami gugai adilauboda wagaine, kai iwakana wagaine o kai koyona wagaine.†Mad 16:27
24 ‘Aku imi velugamiyavo Taiyatila wagaine, ani keke badi yadi vewala-nai wada vetumagane kadu vewala-nai ivewagana ‘Seitani yana nuwanuwa ikavuya’ ani keke anaalamana wadavai. E ada keke tamo kadu veimeya vitana gana velemi. 25 Aku au amivewala iwakana bade wavaina ke yami dewa yegayegadi ani wana abidonedi analaba ganaelai. 26 Badi Iya faikuya ina vetoyogina ada yaku nuwanuwa ina mulimuliyedi ke ina naunauwena yawaidi adiebalauyabu wagaine, ani toveimeya anaveimeya gana veledi e ada ina veiveimeya babi anakaliva adiyoo moyaidi wagaidiya. 27 Ada yadi veimeya kaliva wagaidiya ani toyogina velemoena. Ee, kaliva koyodiyavo yadi toyogina ina toyogisegedi vaita kaliva wela-mowa giyavali giamukumukuna anafaiweya. Iya Kamaku wagaine-deya akuveimeya gavaina vetoveimeya faina, e ada au anafaiweya toveimeya adiveimeya gana velena badi wagaidiya. 28 Ada kaduwe gana veledi malalavuga anaailabama.
29 ‘Imi gavega wa tagami ani wada nogala gavana Aluwaluwa Tabuna givonavona ekalesiya adiseveni wagaidiya.’ ”
**2:1 Efeso ani bana melala lakaina seyana Loma yana ebaveimeya Eisiya wagaine. Anataliya waka ivemaga-vagaina, yadi ebakimone iwaka-moena, aku meEfeso ioduodu bana yaubada fwayafwaya anayegana Atemisi wagaine. (Gug 19:27,35) Melala-nai Efeso ani tova maufona wagaine givefafali lakaina Yeisu anatovetumagana yadi ebafaisewa faina. E ada meyameyaganina ekalesiya-nai Efeso wagaine ani ekalesiya lakai-moena Loma yana ebaveimeya wagaine.
†2:7 Eba 2:9
†2:14 Naba 25:1-9, 31:16, 2Pi 2:15-16
†2:14 Naba 25:1-3, 1Kol 10:6-8
**2:16 Iyoni 12:48, wadedeku Yeisu Tauna yana vona faidiya giifuifufu, vona-dina vaita tovevonayavuga gimiyamiya todibusoyoga faidiya. Kaduwe una itana ailabama adiebakivemala Ivemogatala 1:16 wagaine.
†2:17 Iyeg 16:15-35, Iyo 6:48-50
**2:20 Vavine taidei ani adiyegana ‘Yesibela’ Yeisu giveyeganina, ada taide wagaine givonaluvefosau tova tuwaina-moena anavavine-dina adiyegana Yesibela. Tuwai-moena malamala seveni analedi (700) anafaiweya muliya-yo Yeisu yana tova miya babiya ani badi vavine-dina imiyamiya. Ada yadi dewa koyo-moena, anafaiweya yaubada fwayafwaya adikilumina wagaidiya ioduodu, ada Yaubada yana falofitayavo ivenibainedi velemoena. Badi mine-dina ifuifufudi ani kana nuwagana 1 Kini daba 16 ke ginau daba 21 wagaine, ada 2 Kini 9:7-10.