1 Beni SENYÈ a!

✡Sòm 103:1Beni SENYÈ a, O nanm mwen!

2 Mwen va beni SENYÈ a ✡Sòm 63:4pandan mwen ap viv.

Mwen va chante lwanj a Bondye pa mwen an

pandan mwen sou latè a.

3 ✡Sòm 118:9Pa mete konfyans nan prens yo.

Nan lòm mòtèl, nan sila nanpwen Sali a.

4 ✡Ekl 12:7Lespri li pa rete; li retounen nan tè a.

Nan menm jou sa a, panse li yo vin peri.

5 A la beni sila ki gen sekou nan Bondye Jacob la beni,

sila ki ✡Sòm 71:5 mete espwa li nan SENYÈ a, Bondye li a,

6 Ki te fè syèl la avèk tè a,

✡Trav 14:15 lanmè ak tout sa ki ladann.

Ki fidèl jis pou tout tan.

7 Ki ✡Sòm 103:6egzekite jistis pou oprime yo.

Ki bay manje a moun grangou yo.

SENYÈ a mete prizonye yo an libète.

8 SENYÈ a ✡Mat 9:30ouvri zye a avèg yo.

SENYÈ a leve sila ki vin pwostène yo.

SENYÈ a renmen moun ladwati yo.

9 SENYÈ a ✡Egz 22:21pwoteje etranje yo.

Li bay soutyen a òfelen an ak vèv la,

men Li jennen wout mechan an.

10 SENYÈ a va renye jis pou tout tan,

Bondye pa Ou a, O Sion, jis pou tout jenerasyon yo.

Louwe SENYÈ a!