2
Nəghatiən təmuvən
kəm nəfaki mɨn ikɨn Efəsɨs
kəm nəfaki mɨn ikɨn Efəsɨs
1 “Ətei nauəuə u kəti tuvən o agelo* Nian iətəmi u tətəni “agelo,” nəmə təhro tətəghati e agelo pəhriən, uə nəmə təhro tətəghati e pastə rəha niməfaki. rəha niməfaki e taun Efəsɨs, məni=pən məmə,
Nəghatiən u rəhan, iətəm tatos məhau səpɨn e nəhlmɨn maru† Nəh 1:16 kəni mətaliuək e nəlugɨn e nati kətaharu-pəri lait lan,‡ Nəh 1:12-13 u iətəm kəmol e aiən u kol tətoraip-oraip, kəni ilah səpɨn.
2 Iəu iəkəhrun rəhatəmah noliən mɨn. Iəkəhrun nalkut pɨkiən o uək mɨn rəhatəmah, kəni məhrun mɨn məmə nautəhtul əskasɨk. Iəkəhrun məmə itəmah nəsotagiəniən o nətəm kautol noliən tərah. Nəmotakil nətəmimi mɨn u nətəm ilah kotəni məmə ilah aposɨl mɨn, mətəu səniəmə ilah aposɨl pəhriən mɨn, kəni nəmoteruh rəkɨs məmə ilah neiuə mɨn. 3 Iəkəhrun mɨn məmə itəmah nautos nətəlɨgiən əfəməh. Nərahiən təmələs pau itəmah, mətəu nautəhtul əskasɨk o nərgək, məsotəpəouiən.
4 Mətəu iateh nɨpəgnəmtɨn kəti əha ikɨn nəmotol, təsəhmeniən e nəhmtək. Nəmotəpəh nolkeikeiən§ Jon 13:35; Jer 2:2-5 aupən rəhatəmah. 5 Nɨkitəmah təhti-to nolkeikeiən iətəm nəməutatɨg lan aupən. Otəuhlin itəmah, kəni motol natimnati mɨn u nəmautol aupən. Nəmə nəsotoliən, kəni iəkuva, mələs rəkɨs rəhatəmah nati kətaharu-pəri lait lan e nɨmein. 6 Mətəu nati kətiəh əha ikɨn, nautol təuvɨr. Itəmah nəkotəməki e noliən tərah mɨn rəha nətəmimi rəha Nikoləs,* Nətəmimi rəha Nikoləs mɨn əha, kitah kəsotəhrun viviən natimnati tepət e lah uə rəhalah iətəmi asoli. Ilah nətəmimi nəuvein rəha niməfaki, mətəu ilah kautəni məmə kəhrun nəfakiən kəm narmɨ nati mɨn, konu kəhrun nit əpnapɨniən itəmi. Ilah kautəni məmə noliən mɨn əha, təsərəkɨniən narmɨtəmi. təhmen əmə lak, təhmen mə inu iatol mɨne.
7 Itəmah rəfin matəlgɨtəmah tatɨg. Otətəlɨg vivi, kəni motəhrun nəghatiən mɨn u iətəm Narmɨn Rəha Uhgɨn tətəni=pɨnə kəm niməfaki mɨn. Iətəm otol win e nəluagɨniən u, iəu iategəhan lan məmə in otun nəuanɨgi rəha nəmiəgəhiən iətəm tateviə e nasumiən rəha Uhgɨn.”† Jen 2:9; 3:22-24; Luk 23:43; Rom 5:12,18; 6:23; Nəh 22:2
Nəghatiən təmuvən
kəm nəfaki mɨn ikɨn Smanə
kəm nəfaki mɨn ikɨn Smanə
8 Kəni in tətəghati əhanəh mətəni=pa kəm iəu məmə, “Ətei nauəuə kəti tuvən o agelo rəha niməfaki e taun Smanə, məni=pən məmə,
Nəghatiən u rəhan, iətəm təmaupən matɨg, kəni in otol naunun agɨn. In təmɨmɨs kəni məmiəgəh mɨn,‡ Nəh 1:17-18 kəni in tətəni məmə,
9 Nətəm Smanə, iəkəhrun rəhatəmah nahməiən. Iəkəhrun məmə itəmah nanrah mɨn, mətəu səniəmə itəmah nanrah mɨn pəhriən. !Itəmah, rəhatəmah nautə tepət agɨn! Iəkəhrun məmə neiuə mɨn nəuvein nətəm kautəni nəghatiən mautauvlək e təmah lan, məutəni məmə ilah nətəm Isrel, mətəu kəpə.§ ?Nəghatiən u, “məutəni məmə ilah nətəm Isrel, mətəu kəpə,” nɨpətɨn nak? In tətəghati əhruahru nətəmi mɨn u nəuanɨləuɨs rəha Isrel. Mətəu nian Iesu tətəni məmə ilah səniəmə nətəm Isrel pəhriən, nɨpətɨn u məmə nətəmimi pəhriən rəha Uhgɨn, inu, nətəmi kəutəfaki kəm in, mətəu səniəmə “nəuanɨləuɨs mɨn rəfin rəha Isrel” u ilah nətəmimi mɨn əhruahru rəha Uhgɨn. (Kəl 6:15-16). Rəhalah nimə rəha nuhapumɨniən in nuhapumɨniən rəha Setən əmə.* Jon 8:33-47 10 Sotəgɨniən e nahməiən mɨn iətəm otəsuvəhiən kəhuva e təmah. Iətəni=pɨnə kəm təmah, məmə Setən otəpanəmki=pən itəmah nəuvein e kaləpus məmə otek askəuvɨn nəhatətəiən rəhatəmah, kəni itəmah onəkotatɨg e nahməiən o nian ilah ten.† “Nian ten” nɨpətɨn ko, məmə nian rəha nahməiən otəkeikei mol naunun mətəu-inu Uhgɨn təməni lanəha. Otəhtul əskasɨk, nati əpnapɨn nəmə itəmah nəuvein okohmɨs, kəni iəu iəkəfɨnə rəhatəmah nətəouiən, təhmen=pən əmə məmə kətəfəfau=pən e nati kəti e rəhn-kapə iətəm təmol win e naiuiən, kəni rəhatəmah nətəouiən in nəmiəgəhiən itulɨn.
11 Itəmah rəfin matəlgɨtəmah tatɨg. Otətəlɨg vivi, kəni motəhrun nəghatiən mɨn u iətəm Narmɨn Rəha Uhgɨn tətəni=pɨnə kəm niməfaki mɨn. Nətəmimi okotol win e nəluagɨniən u, nian nɨmɨsiən tɨsɨmaru mɨn muva, ko kəsohmɨs mɨniən. Inəha, okəsəhuvəniən e nəmnamɨ nɨgəm asoli, inu nɨmɨsiən tatol keiu.”‡ Nəh 20:11-15; 21:8
Nəghatiən təmuvən kəm niməfaki mɨn ikɨn Perkaməm
12 Kəni in tətəghati əhanəh mətəni=pa kəm iəu məmə, “Ətei nauəuə kəti tuvən o agelo rəha niməfaki e taun Perkaməm, məni=pən məmə,
Nəghatiən u rəhan, iətəm tatos nau rəha nəluagɨniən kəti iətəm tasɨlə e nəven pəti mil.§ Nəh 1:16
13 Iəkəhrun ikɨn nəutatɨg ikɨn. Ikɨn əha, Setən tətəharəg, mətarmənɨg ikɨn.* Iətəmi asoli rəha Rom, kətəni məmə Empərə, in təhmen e kig asoli kəti. Nətəmimi tepət tepət kəutəfaki kəm in əha Perkaməm. Mətəu itəmah nautəhtul iəkɨs ohniəu. Nəməsotəuhliniən rəhatəmah nəhatətəiən lak. Imatəmah Setən tətatɨg ikɨn, kəni kəmohamu rəhak iətəmimi Antipas, iətəm təməhtul əskasɨk o nəni pətɨgəmiən iəu. Nati əpnapɨn məmə nian əha təmiəkɨs pau o təmah, mətəu itəmah nəmotəhatətə əskasɨk lak.
14 Mətəu in əmə ko, iateh nɨpəgnəmtɨn mɨn nəuvein iətəm itəmah nautol iətəm təsəhruahruiən e nəhmtək. Itəmah nəuvein u ko ikɨn ko, nəutəgətun nətəmimi ko ikɨn ko məmə okotos nəgətuniən rəha Paləm. Paləm u, in təmol suaru kəm Kig Palək məmə in otəfən-əfən kəm nətəm Isrel, kəni pəh ilah kotol noliən tərah, mautun nauəniən iətəm kəmol sakrifais lan tatuvən kəm narmɨ nati iətəm kəmɨsɨkəuvɨn e nɨgi, kəni mautit əpnapɨn ilah mɨn.† Nam 22-24; 25:1-2; 31:16 15 Kəni e noliən kətiəh əmə ilah nətəm Isrel mɨn əha, itəmah nəuvein u ikɨn nautohtəu=pən nəghatiən rəha nətəmimi rəha Nikoləs.‡ Afin-to futnot e Nəh 2:6. 16 !Tol lanəha, onəkotəkeikei motəuhlin uəhai əmə nətəlɨgiən rəhatəmah e noliən tərah mɨn rəhatəmah! Nəmə nəsotoliən, otəsuvəhiən oiəkuvnə o təmah, kəni iakoh nətəmimi mɨn ko, kəni mətei ilah e nau rəha nəluagɨniən iətəm tatsɨ=pən e nɨpəgnəuak.
17 Itəmah rəfin matəlgɨtəmah tatɨg. Otətəlɨg vivi, kəni motəhrun nəghatiən mɨn u iətəm Narmɨn Rəha Uhgɨn tətəni=pɨnə kəm niməfaki mɨn. Iətəmimi iətəm tatol win e nəluagɨniən, iəu iəkəfən nauəniən oneuən u mana§ Jon 6:31-33,35,48,51 kəm in. Oiəkəfən mɨn kəpiel ruən kəti kəm in, iətəm kəmətei=pən nərgɨn vi lan, kəni in pɨsɨn əmə kəha iətəm otos, təhrun nərgɨn.”
Nəghatiən təmuvən
kəm nəfaki mɨn ikɨn Tuatirə
kəm nəfaki mɨn ikɨn Tuatirə
18 Kəni in tətəghati əhanəh mətəni=pa kəm iəu məmə, “Ətei nauəuə kəti tuvən o agelo rəha niməfaki e taun Tuatirə, məni=pən məmə,
Nəghatiən u, in nəghatiən rəha Nətɨ Uhgɨn. Nəhmtɨn təhmen e nəmnamɨ nɨgəm, mɨne nəhlkɨn təhmen e prons* Prons, in aiən kəti, mətəu rəhan kalə təhmen e kol. iətəm tətoraip-oraip.† Dan 10:6; Nəh 1:14-15 Tətəni məmə,
19 Inəhrun rəkɨs noliən mɨn rəhatəmah, nətəm Tuatirə. Iəkəhrun rəhatəmah nolkeikeiən mɨne nəhatətəiən, mɨne nasiruiən e nətəmimi, kəni iəkəhrun mɨn məmə nətəlɨgiən rəhatəmah təfəməh o nəhtul əskasɨkiən. Iəkəhrun məmə noliən mɨn rəhatəmah nautol u rəueiu, təuvɨr mapirəkɨs agɨn noliən mɨn rəhatəmah aupən.
20 Mətəu iateh nɨpəgnəmtɨn kəti əha ikɨn nautol iətəm təsəhruahruiən e nəhmtək. Itəmah nautegəhan e noliən rəha pətan əha iətəm təhmen e pətan aupən u, Jesepel.‡ Jesepel u aupən, in pətan rəha Kig Ehap (1King 21:25-26). In təmit nətəmimi e suaru kəti məmə okotol sakrifais kəm narmɨn nati mɨn, kəni motohtəu=pən noliən rəha nit əpnapɨn nəman mɨne nɨpətan. Pətan kəti rəha Tuatirə təmol noliən əha, kəni Jon tətəni lan məmə Jesepel. Nəmə təhro noliən rəhan təhmen e Nikoləs iətəm təməni e Nəh 2:6,15. In tətəni məmə in iəni kəti, mətəu nəgətuniən rəhan tatit rah rəhak mɨn noluək, matol məmə ilah kautit əpnapɨn ilah mɨn, kəni mautun nauəniən u iətəm katol sakrifais lan kəm narmɨ nati iətəm kəmɨsɨkəuvɨn e nɨgi. 21 Iəmətəhtahnin pətan əha məmə in otəuhlin rəhan noliən rəha nɨtəu=pən əpnapɨniən nəman, mətəu in təpəh. 22 Tol lanəha, rəueiu əha, iəkol in tɨmɨs pɨk e rəhan pet. Kəni nətəmimi mɨn u nətəm kəmotit əpnapɨn ilah mɨn, ilah Jesepel u, nəmə ilah kəsotəuhliniən ilah e nosiən noliən rəha pətan əha, oiəkol ilah mɨn kotətəu tərah pɨk, kəni mɨsuə e lah e pet u rəha nahməiən. 23 Kəni oiəkau kətiəh əmə e nenətɨn mɨn, moh ilah kohmɨs.§ Nəghatiən u “nenətɨn mɨn” tətəgətun nətəmimi u kəutohtəu=pən in. Tol lanəha, kəni niməfaki mɨn rəfin okotəhrun məmə iəu əmə u, iəkəhrun nətəlɨgiən mɨn rəha nətəmimi, mɨne nɨkilah. Kəni iəu iəkəfɨnə nətəouiən rəhatəmah tətəu=pən əmə rəhatəmah noliən mɨn iətəm nəmautol.* Jer 17:10
24 Mətəu itəmah u, nətəm Tuatirə nətəm nəməsotosiən o nəgətun mɨn rəha Jesepel əha, iətəghati kəm təmah rəueiu. Iəkəhrun məmə itəmah nəməsotosiən natimnati iətəm kətəni məmə nati agɨn mɨn rəha Setən iətəm tətəhluaig e nəmtahn. Iəsələhu-pəniən nati fɨgəm kəti mɨn kəm təmah, mətəu iəkolkeikei məmə nəkotol nati kətiəh əmə, inko, 25 otaskəlɨm tiəkɨs əmə e nati iətəm nɨnotos rəkɨs, mətəuarus iəu iəkɨtəlɨg=pa.
26-27 Iətəm tatol win e nəluagɨniən u, kəni tətəhtul əskasɨk o noliən nəuiak, matuvən, matuvən mətəuarus naunun, kəni iəu iəkəfən nepətiən u kəm in, iətəm rəhak tatə təməfa kəm iəu, məmə in otarmənɨg e kəntri pɨsɨn pɨsɨn mɨn. Kəni in otos rəhan neim iətəm in nəmtətiən rəha nərgɨn asoli rəhan, kəmol e aiən, kəni in otatgəhli-atgəhli nətəm e nəhue nɨftəni, təhmen=pən əmə məmə aiən iətəm təmohaplɨs-ohaplɨs sospən kəmol e nəriəpɨg. 28 Kəni iəu iəkəfɨnə mɨn məhau u fətukai kəm in.† Nəh 22:16
29 Itəmah rəfin matəlgɨtəmah tatɨg. Otətəlɨg vivi, kəni motəhrun nəghatiən mɨn u iətəm Narmɨn Rəha Uhgɨn tətəni=pɨnə kəm niməfaki mɨn.
*2:1 Nian iətəmi u tətəni “agelo,” nəmə təhro tətəghati e agelo pəhriən, uə nəmə təhro tətəghati e pastə rəha niməfaki.
*2:6 Nətəmimi rəha Nikoləs mɨn əha, kitah kəsotəhrun viviən natimnati tepət e lah uə rəhalah iətəmi asoli. Ilah nətəmimi nəuvein rəha niməfaki, mətəu ilah kautəni məmə kəhrun nəfakiən kəm narmɨ nati mɨn, konu kəhrun nit əpnapɨniən itəmi. Ilah kautəni məmə noliən mɨn əha, təsərəkɨniən narmɨtəmi.
†2:7 Jen 2:9; 3:22-24; Luk 23:43; Rom 5:12,18; 6:23; Nəh 22:2
§2:9 ?Nəghatiən u, “məutəni məmə ilah nətəm Isrel, mətəu kəpə,” nɨpətɨn nak? In tətəghati əhruahru nətəmi mɨn u nəuanɨləuɨs rəha Isrel. Mətəu nian Iesu tətəni məmə ilah səniəmə nətəm Isrel pəhriən, nɨpətɨn u məmə nətəmimi pəhriən rəha Uhgɨn, inu, nətəmi kəutəfaki kəm in, mətəu səniəmə “nəuanɨləuɨs mɨn rəfin rəha Isrel” u ilah nətəmimi mɨn əhruahru rəha Uhgɨn. (Kəl 6:15-16).
†2:10 “Nian ten” nɨpətɨn ko, məmə nian rəha nahməiən otəkeikei mol naunun mətəu-inu Uhgɨn təməni lanəha.
*2:13 Iətəmi asoli rəha Rom, kətəni məmə Empərə, in təhmen e kig asoli kəti. Nətəmimi tepət tepət kəutəfaki kəm in əha Perkaməm.
†2:14 Nam 22-24; 25:1-2; 31:16
‡2:15 Afin-to futnot e Nəh 2:6.
*2:18 Prons, in aiən kəti, mətəu rəhan kalə təhmen e kol.
†2:18 Dan 10:6; Nəh 1:14-15
‡2:20 Jesepel u aupən, in pətan rəha Kig Ehap (1King 21:25-26). In təmit nətəmimi e suaru kəti məmə okotol sakrifais kəm narmɨn nati mɨn, kəni motohtəu=pən noliən rəha nit əpnapɨn nəman mɨne nɨpətan. Pətan kəti rəha Tuatirə təmol noliən əha, kəni Jon tətəni lan məmə Jesepel. Nəmə təhro noliən rəhan təhmen e Nikoləs iətəm təməni e Nəh 2:6,15.
§2:23 Nəghatiən u “nenətɨn mɨn” tətəgətun nətəmimi u kəutohtəu=pən in.
*2:23 Jer 17:10