89
89-küy •••• Xudaning Dawut üchün békitken menggülük ehdisi — némishqa meghlubiyet hem munqerzlik bolidu?
1 Ezrahliq Étan yazghan «Masqil»: —
Perwerdigarning özgermes muhebbitini ebediy küyleymen,
Aghzimda dewrdin-dewrgiche heqiqet-sadaqitingni ayan qilimen.□«Ezrahliq Étan yazghan «Masqil»: — ...» — eger bu «Étan» Dawut padishahning dewride yashighan («1Pad.» 4:31-ayettiki «Étan») bolsa, bu küy bésharet bolushi kérek. Undaq bolmisa Dawutning xanidani texttin mehrum bolghandin kéyin (Babilda sürgün bolghandin kéyin) bashqa bir Étan yazghan.
2 Chünki men: Özgermes muhebbet menggüge tiklinip mangidu,
Sen heqiqet-sadaqitingni ershielada mustehkemlewatisen — dep bildim;
3 Sen dédingki: —
«Men talliwalghinim bilen ehde tüzgenmen;
Qulum Dawutqa qesem qildim: —
4 Séning ewladingni menggü dawam qildurimen,
Textingni ewladtin-ewladqa qurup chiqimen».
Sélah.
5 Hem asmanlarmu Séning möjiziliringni tebrikleydu, i Perwerdigar,
Muqeddeslerning jamaitide ular heqiqet-sadaqitingni medhiyileydu;□«Muqeddeslerning jamaitide ular heqiqet-sadaqitingni medhiyileydu» — «muqeddesler» hem 6-ayettiki «qudret igisining oghulliri» perishtilerni körsetse kérek. ■Zeb. 19:1-2
6 Chünki asmanlarda Perwerdigarning tengdishi barmu?
Qudret Igisining oghulliri arisida Perwerdigargha oxshaydighan kim bar?
7 Tengrining heywisi muqeddeslerning mejlisidikilerni qattiq titritidu,
Uning etrapidikilerning hemmisi üchün U qorqunchluqtur.
8 I Perwerdigar, samawiy qoshunlarning Serdari bolghan Xuda,
Qudretlik Yah,
Sanga oxshaydighan kim bar?
Etrapingda heqiqet-sadaqiting turuqluqtur.
9 Déngizning meghrurluqi üstidin höküm sürisen,
Dolqunliri örkeshligende, sen ularni tinchlandurisen;
10 Rahabni ölgüdek yanjidingsen,
Küchlük biliking bilen düshmenliringni tiripiren qilip tarqitiwetting.□«Rahabni ölgüdek yanjidingsen» — «Rahab» hem déngiz ejdihasi (jin-sheytanlarning bir ipadisi) hem Misirning bir leqimi idi. Menisi «meghrur»dur («Yesh.» 30:7ni körüng).
11 Asmanlar séningki, yermu Séningkidur,
Jahan hem uninggha tolghan hemmini berpa qilding.■Zeb. 24:1, 2
12 Shimal we jenubni, ularni yaratqansen,
Tabor we Hermon choqqiliri namingni yangritip küyler.
13 Qudretlik bilek séningkidur;
Küchlüktur Séning qolung, ong qolung hem kötürüklüktur.
14 Textingning uli heqqaniyliq hem adalettur,
Muhebbet hem heqiqet-sadaqet daim didaring aldida mangidu.■Zeb. 85:13; 97:2
15 Tentene sadasini bilgen xelq bextliktur;
Ular Séning jamalingning nurida mangidu, i Perwerdigar!□«Tentene sadasi» — yaki «Ghalibiyetning warqirishi», yaki «Héytliq tenteniler».
16 Ular namingda kün boyi shad bolar,
Heqqaniyliqingda ular kötürüldi.
17 Chünki ularning küchining shan-sheripi özüngdursen,
Séning iltipating bilen münggüzimiz kötürülidu.□«Séning iltipating bilen münggüzimiz kötürülidu» — «münggüz» melum elning yaki ademning shan-sheripini, küch-qudritini bildüridu.
18 Chünki Perwerdigar bizning qalqinimiz,
Israildiki Muqeddes Bolghuchi Shahimizdur.□«Chünki Perwerdigar bizning qalqinimiz, Israildiki Muqeddes Bolghuchi Shahimizdur» — bashqa birxil terjimisi: «Chünki qalqinimiz Perwerdigardin, Shahimiz Israildiki Muqeddes Bolghuchidindur».
19 Sen burun Öz mömin bendengge ghayibane alamette körünüp söz qilip shuni dégenidingsen: —
«Men bir ezimet üstige yardimimni qondurdum,
El arisidin men talliwalghan birsini kötürdüm;□«Sen burun Öz mömin bendengge ghayibane alamette körünüp söz qilip shuni dégenidingsen...» — bu toghruluq «2Sam.» 7:8-17ni körüng.
20 Qulum Dawutni taptim,
Muqeddes méyim bilen Men uni mesih qilip tiklidim.■1Sam. 16:1,13
21 Qolum uninggha yar bolushqa békitilgen,
Bilikim uni küchlendüridu.
22 Düshmen uningdin héch alwan-séliq almaydu,
Peskesh adem uni qistimaydu;■2Sam. 7:10
23 Belki Men reqiblirini uning aldida yanjiymen,
Uni öch körgenlerni yer bilen yeksan qilimen;
24 Öz heqiqet-sadaqitim hem méhir-muhebbitim uninggha yar bolar,
Hem Méning namim bilen uning münggüzi kötürülidu.
25 Men uning qolini déngiz üstide,
Ong qolini deryalar üstide qoyimen.
26 U Méni chaqirip deyduki: —
«Sen méning Atam, méning Tengrim,
Nijatliqim bolghan qoram téshimdursen!».■2Sam. 7:14; Ibr. 1:4, 5
27 Men yene uni Méning tunji oghlum dep,
Dunya padishahliridin eng yuqurisi qilimen.■Zeb. 2:7; 72:11; Kol. 1:15-18
28 Méning muhebbitimni uning üchün ebediy qaldurimen,
Méning ehdem uning bilen mehkem turidu;
29 Men uning neslini ebediyleshtürimen,
Uning textini asmanning künliridek dawam qildurimen.
30 Mubada oghulliri Tewrat-qanunumdin chiqip,
Hökümlirim boyiche yürmise,■2Sam. 7:14
31 Belgilimilirimni buzsa,
Emrlirimge itaet qilmisa,
32 — U waqitta itaetsizlikini tayaq bilen,
Gunahini yara-jarahet bilen jazalaymen.
33 Lékin muhebbitimni uningdin üzüp qoymaymen,
Heqiqet-sadaqitimge xiyanet qilmaymen;
34 Men tüzgen ehdemni esla buzmaymen,
Lewlirimdin chiqqanlirini héch özgertmeymen.
35 Men bir qétim pak-muqeddeslikimge qesem ichtim —
Dawutqa qeti yalghan sözlimeymen: —■Ibr. 6:13,17,18
36 «Uning ewladi ebediy dawamlishar;
Uning texti köz aldimdiki quyash kebi turar;■Mat. 27:45
37 U ay kebi menggülük mustehkemliner,
Asmandiki turghun guwahchidek mezmut turar».
38 Biraq Sen bularni chetke qéqip, ténip ketting;
Sen mesih qilghan padishahqa qattiq ghezeplending.■Zeb. 22:1; Mat. 27:46; Yesh. 53:3-6, 10
39 Qulung bilen tüzgen ehdidin waz kechting,
Uning tajini yerge tashlap dagh tegküzdung.
40 Uning barliq tam-pasillirini yiqitip,
Qel’elirini xarabilikke aylandurdung.■Zeb. 80:12-13
41 Yoldin ötüwatqanlarning hemmisi uni bulimaqta,
U barliq qoshniliri aldida reswa boldi.■Zeb. 80:12-13
42 Uni ezgenlerning ong qolini yuqiri kötürdüng,
Pütkül düshmenlirini xushal qilding.
43 Berheq, Sen uning qilichining bisini qayriwetting,
Jengde uni tik turghuzmiding.
44 Uning julaliqini yoqitip,
Uning textini yerge örüwettingsen.■Yesh. 53:7-8
45 Yashliq künlirini Sen qisqartting,
Uni xijaletke chömdürdüng.
Sélah.
46 Qachan’ghiche, i Perwerdigar?
Özüngni ebediy yoshuriwéremsen?
Qehring ot kebi menggü yanarmu?
47 Manga nisbeten, ömürning qis ikenlikini este tutqin!
Némishqimu barliq insan balilirini bihudilikke yaratqansen?
48 Qéni, qaysi adem yashap ölümni körmeydiken?
U jénini tehtisaraning changgilidin qutquzalamdiken?
Sélah.■Zeb. 49:6-12, 15
49 Sen heqiqet-sadaqitingde Dawutqa qesem ichken,
Awwalqi méhir-muhebbetler qeyerde qaldi, ya Rebbim?■2Sam. 7:15
50 Qulliring uchrawatqan mesxirilerni yad etkeysen, i Reb —
Men ichimde pütkül küchlük ellerning mazaqlirini kötürüp yürimen —
51 Düshmenliringning Özüng mesih qilghanning qedemlirini qanchilik mesxiriliginini,
I Perwerdigar, yad etkeysen!
52 Perwerdigargha menggüge teshekkür-medhiye qayturulsun!
Amin! Amin!
□89:1 «Ezrahliq Étan yazghan «Masqil»: — ...» — eger bu «Étan» Dawut padishahning dewride yashighan («1Pad.» 4:31-ayettiki «Étan») bolsa, bu küy bésharet bolushi kérek. Undaq bolmisa Dawutning xanidani texttin mehrum bolghandin kéyin (Babilda sürgün bolghandin kéyin) bashqa bir Étan yazghan.
□89:5 «Muqeddeslerning jamaitide ular heqiqet-sadaqitingni medhiyileydu» — «muqeddesler» hem 6-ayettiki «qudret igisining oghulliri» perishtilerni körsetse kérek.
□89:10 «Rahabni ölgüdek yanjidingsen» — «Rahab» hem déngiz ejdihasi (jin-sheytanlarning bir ipadisi) hem Misirning bir leqimi idi. Menisi «meghrur»dur («Yesh.» 30:7ni körüng).
■89:11 Zeb. 24:1, 2
□89:15 «Tentene sadasi» — yaki «Ghalibiyetning warqirishi», yaki «Héytliq tenteniler».
□89:17 «Séning iltipating bilen münggüzimiz kötürülidu» — «münggüz» melum elning yaki ademning shan-sheripini, küch-qudritini bildüridu.
□89:18 «Chünki Perwerdigar bizning qalqinimiz, Israildiki Muqeddes Bolghuchi Shahimizdur» — bashqa birxil terjimisi: «Chünki qalqinimiz Perwerdigardin, Shahimiz Israildiki Muqeddes Bolghuchidindur».
□89:19 «Sen burun Öz mömin bendengge ghayibane alamette körünüp söz qilip shuni dégenidingsen...» — bu toghruluq «2Sam.» 7:8-17ni körüng.
■89:26 2Sam. 7:14; Ibr. 1:4, 5
■89:27 Zeb. 2:7; 72:11; Kol. 1:15-18
□89:37 «U ay kebi menggülük mustehkemliner, asmandiki turghun guwahchidek mezmut turar» — «asmandiki turghun guwahchi» yene ayni körsitishimu mumkin.
■89:38 Zeb. 22:1; Mat. 27:46; Yesh. 53:3-6, 10
■89:48 Zeb. 49:6-12, 15