3
Petrus bilǝn Yuⱨannaning tokur adǝmni saⱪaytixi
1 Bir küni ibadǝthanida dua ⱪilinidiƣan waⱪitta, yǝni qüxtin keyin saǝt üqtǝ, Petrus bilǝn Yuⱨannamu ibadǝthaniƣa qiⱪip barƣanidi.□«saǝt üqtǝ» — ibraniylarning waⱪti boyiqǝ «saǝt toⱪⱪuzda». 2 Xu pǝyttǝ bir tuƣma tokur adǝmmu bu yǝrgǝ elip keliniwatⱪanidi. Ⱨǝr küni, kixilǝr uni ibadǝthaniƣa kirgǝnlǝrdin sǝdiⱪǝ tilisun dǝp, ibadǝthanidiki «Güzǝl dǝrwaza» aldiƣa ǝkelip ⱪoyatti.■Yⱨ. 9:8; Ros. 14:8. 3 U Petrus bilǝn Yuⱨannaning ibadǝthaniƣa kirip ketiwatⱪinini kɵrüp, ulardin sǝdiⱪǝ tilidi. 4 Petrus bilǝn Yuⱨanna uningƣa nǝzirini saldi. Petrus uningƣa:
— Bizgǝ ⱪara! — dedi.
5 U ulardin bir nǝrsǝ kütüp, kɵzlirini üzmǝy ⱪarap turatti. 6 Biraⱪ Petrus uningƣa:
— Mǝndǝ altun yaki kümüx yoⱪ; lekin ⱪolumda barini sanga berǝy. Nasarǝtlik Əysa Mǝsiⱨning nami bilǝn, ornungdin turup mang! — dewidi,■Ros. 4:10. 7 uni ong ⱪolidin tartip, yɵlǝp turƣuzdi. U adǝmning put wǝ oxuⱪ beƣixliri xuan küqlǝndürülüp, 8 ornidin dǝs turup mengixⱪa baxlidi. U mengip wǝ sǝkrǝp, Hudaƣa mǝdⱨiyǝ oⱪuƣan ⱨalda ular bilǝn billǝ ibadǝthana ⱨoylisiƣa kirdi. 9 Barliⱪ halayiⱪ uning mengip Hudaƣa mǝdⱨiyǝ oⱪuƣanliⱪini kɵrüp 10 uning ibadǝthanidiki «güzǝl dǝrwaza» aldida sǝdiⱪǝ tilǝp olturidiƣan ⱨeliⱪi adǝm ikǝnlikini tonup, uningda yüz bǝrginigǝ ⱨǝyranuⱨǝs bolup dang ⱪetip ⱪelixti.
Petrusning ibadǝthanida eytⱪan sɵzliri
11 Saⱪayƣan kixi Petrus bilǝn Yuⱨannaƣa qing esilip turuwalƣanda, ⱨǝyran boluxⱪan barliⱪ hǝlⱪ ularning yeniƣa ibadǝthanidiki «Sulayman pexaywini» degǝn yǝrgǝ yügürüp kelixti. 12 Bu ǝⱨwalni kɵrgǝn Petrus halayiⱪⱪa mundaⱪ dedi:
— I Israillar! Bu ixⱪa nemanqǝ ⱨǝyran bolisilǝr? Biz huddi ɵz küq-kudritimiz yaki ihlasmǝnlikimizgǝ tayinip bu adǝmni mangdurƣandǝk bizgǝ nemanqǝ tikilip ⱪaraysilǝr? 13 Əmǝliyǝttǝ bolsa, ata-bowilirimizning Hudasi, yǝni Ibraⱨim, Isⱨaⱪ wǝ Yaⱪupning Hudasi Ɵz hizmǝtkari bolƣan Əysani xan-xǝrǝp bilǝn uluƣliƣan. Biraⱪ silǝr bolsanglar uni rimliⱪlarƣa tutup bǝrdinglar; andin waliy Pilatus uni ⱪoyup berixni ⱨɵküm ⱪilƣandin keyin, silǝr Pilatusning aldida uningdin tenip rǝt ⱪilixtinglar. □«ata-bowilirimizning Hudasi, yǝni Ibraⱨim, Isⱨaⱪ wǝ Yaⱪupning Hudasi ɵz hizmǝtkari bolƣan Əysani xan-xǝrǝp bilǝn uluƣliƣan» — Mǝsiⱨning «Pǝrwǝrdigarning hizmǝtkari» yaki «Pǝrwǝrdigarning ⱪuli» süpiti ikǝnliki toƣruluⱪ bexarǝtlǝr «Yǝx.» 42:1-18, 49-bab, 50:3-11, 52:13-53:12dǝ kɵrülidu. ■Mis. 3:6,15; Mat. 27:20; Mar. 15:11; Luⱪa 23:18; Yⱨ. 18:40. 14 Mana silǝr Muⱪǝddǝs wǝ Ⱨǝⱪⱪaniy Bolƣuqidin tenip, uni rǝt ⱪilip Pilatustin uning orniƣa bir ⱪatilni ⱪoyup berixni tǝlǝp ⱪildinglar. ■Luⱪa 23:18. 15 Xundaⱪ ⱪilip, ⱨayatliⱪni barliⱪⱪa Kǝltürgüqini ɵltürdünglar! Biraⱪ Huda uni ɵlümdin tirildürdi, biz mana buningƣa guwaⱨqidurmiz. □«Huda uni ɵlümdin tirildürdi» — grek tilida: «Huda uni ɵlgǝnlǝrdin tirildürdi». ■Ros. 1:8; 2:32. 16 Mana uning namiƣa ⱪilƣan etiⱪad arⱪiliⱪ, uning nami silǝr kɵrüwatⱪan wǝ tonuydiƣan bu adǝmgǝ dǝrman kirgüzdi; uning arⱪiliⱪ bolƣan etiⱪad u kixini kɵz aldinglarda sǝllimaza saⱪ-salamǝt ⱪildi.
17 Əmdi ⱪerindaxlar, silǝrning wǝ xuningdǝk silǝrning baxliⱪliringlarningmu bu ixni ƣǝplǝttǝ ⱪilƣanliⱪinglarni bilimǝn. 18 Lekin Huda barliⱪ pǝyƣǝmbǝrlǝrning aƣzi bilǝn aldin’ala jakarliƣanlirini, yǝni uning Mǝsiⱨining azab-oⱪubǝt tartidiƣanliⱪini xu yol bilǝn ǝmǝlgǝ axurdi. ■Yǝx. 50:6; 53:5; Luⱪa 24:27. 19 Xuning üqün gunaⱨinglarning ɵqürüwetilixi üqün ⱨazir towa ⱪilip yolliringlardin burulunglar! Xundaⱪ ⱪilƣanda, insanlarning jenini yengilanduridiƣan pǝsil-künlǝr Pǝrwǝrdigarning ⱨuzuridin qiⱪip kelidu ■Ros. 2:38. 20 wǝ u silǝr üqün aldin tiklǝngǝn Mǝsiⱨ, yǝni Əysani ⱪexinglarƣa ⱪaytidin ǝwǝtidu. 21 Ⱨazirqǝ bolsa, Hudaning dǝslǝptiki zamanlardin tartip muⱪǝddǝs pǝyƣǝmbǝrlirining aƣzi bilǝn eytⱪinidǝk, ⱨǝmmǝ mǝwjudatlar yengilinidiƣan waⱪit kǝlmigüqǝ, ǝrxlǝr uni ⱪobul ⱪilip, uningƣa makan bolidu. 22 Musa dǝrwǝⱪǝ mundaⱪ degǝnidi: — «Pǝrwǝrdigar Hudayinglar ɵz ⱪerindaxliringlar arisidin manga ohxax bir pǝyƣǝmbǝr turƣuzidu. Uning silǝrgǝ eytⱪan barliⱪ sɵzlirini anglap, uningƣa toluⱪ itaǝt ⱪilixinglar kerǝk! ■Ⱪan. 18:15-16, 19; Yⱨ. 1:46; Ros. 7:37. 23 Qünki bu pǝyƣǝmbǝrning sɵzini anglimaydiƣanlarning ⱨǝrbiri hǝlⱪ ⱪataridin üzüp taxlinidu».□«...Qünki bu pǝyƣǝmbǝrning sɵzini anglimaydiƣanlarning ⱨǝrbiri hǝlⱪ ⱪataridin üzüp taxlinidu» — (22-23-ayǝt) «Ⱪan.» 18:15-19). Bu bexarǝt Əysa Mǝsiⱨni kɵrsitidu, ǝlwǝttǝ. U toƣruluⱪ «ⱪoxumqǝ sɵz»imizdǝ tohtilimiz.
24 Dǝrwǝⱪǝ, Samuil pǝyƣǝmbǝr wǝ uningdin keyin kelip bexarǝtlǝrni yǝtküzgǝn pǝyƣǝmbǝrlǝrning ⱨǝmmisi bu künlǝr toƣrisida aldin eytⱪan. 25 Silǝr bu pǝyƣǝmbǝrlǝrning pǝrzǝntlirisilǝr wǝ Huda ata-bowanglar bilǝn tüzgǝn ǝⱨdining pǝrzǝntliridursilǝr — bu ǝⱨdǝ boyiqǝ Huda Ibraⱨimƣa: «Sening nǝsling arⱪiliⱪ yǝr yüzidiki barliⱪ ailǝ-jǝmǝtlǝrgǝ bǝht-bǝrikǝt ata ⱪilinidu» dǝp wǝdǝ bǝrgǝn. ■Yar. 22:18; Gal. 3:8. 26 Xunga Huda ⱨǝrbiringlarni ɵz rǝzillikliringlardin ⱪayturup, silǝrgǝ bǝht-bǝrikǝt ata ⱪilix üqün, hizmǝtkari Əysani turƣuzup, uni awwal silǝrgǝ ǝwǝtti.□«Xunga Huda ⱨǝrbiringlarni ɵz rǝzillikliringlardin ⱪayturup, silǝrgǝ bǝht-bǝrikǝt ata ⱪilix üqün, hizmǝtkari Əysani turƣuzup, uni awwal silǝrgǝ ǝwǝtti» — «... uni (Əysani)... awwal silǝrgǝ ǝwǝtti» — demǝk, Huda Ibraⱨim bilǝn tüzgǝn ǝⱨdisi boyiqǝ Ibraⱨimning nǝsli bolƣan Əysani «yǝr yüzidiki barliⱪ ǝllǝrgǝ bǝht-bǝrikǝt ata ⱪilinixi üqün» ǝwǝtkǝndǝ, uni barliⱪ ǝllǝrgǝ ǝwǝtixtin awwal Ɵz Yǝⱨudiy hǝlⱪigǝ ǝwǝtti.
□3:1 «saǝt üqtǝ» — ibraniylarning waⱪti boyiqǝ «saǝt toⱪⱪuzda».
□3:13 «ata-bowilirimizning Hudasi, yǝni Ibraⱨim, Isⱨaⱪ wǝ Yaⱪupning Hudasi ɵz hizmǝtkari bolƣan Əysani xan-xǝrǝp bilǝn uluƣliƣan» — Mǝsiⱨning «Pǝrwǝrdigarning hizmǝtkari» yaki «Pǝrwǝrdigarning ⱪuli» süpiti ikǝnliki toƣruluⱪ bexarǝtlǝr «Yǝx.» 42:1-18, 49-bab, 50:3-11, 52:13-53:12dǝ kɵrülidu.
■3:13 Mis. 3:6,15; Mat. 27:20; Mar. 15:11; Luⱪa 23:18; Yⱨ. 18:40.
□3:15 «Huda uni ɵlümdin tirildürdi» — grek tilida: «Huda uni ɵlgǝnlǝrdin tirildürdi».
■3:18 Yǝx. 50:6; 53:5; Luⱪa 24:27.
■3:22 Ⱪan. 18:15-16, 19; Yⱨ. 1:46; Ros. 7:37.
□3:23 «...Qünki bu pǝyƣǝmbǝrning sɵzini anglimaydiƣanlarning ⱨǝrbiri hǝlⱪ ⱪataridin üzüp taxlinidu» — (22-23-ayǝt) «Ⱪan.» 18:15-19). Bu bexarǝt Əysa Mǝsiⱨni kɵrsitidu, ǝlwǝttǝ. U toƣruluⱪ «ⱪoxumqǝ sɵz»imizdǝ tohtilimiz.
□3:26 «Xunga Huda ⱨǝrbiringlarni ɵz rǝzillikliringlardin ⱪayturup, silǝrgǝ bǝht-bǝrikǝt ata ⱪilix üqün, hizmǝtkari Əysani turƣuzup, uni awwal silǝrgǝ ǝwǝtti» — «... uni (Əysani)... awwal silǝrgǝ ǝwǝtti» — demǝk, Huda Ibraⱨim bilǝn tüzgǝn ǝⱨdisi boyiqǝ Ibraⱨimning nǝsli bolƣan Əysani «yǝr yüzidiki barliⱪ ǝllǝrgǝ bǝht-bǝrikǝt ata ⱪilinixi üqün» ǝwǝtkǝndǝ, uni barliⱪ ǝllǝrgǝ ǝwǝtixtin awwal Ɵz Yǝⱨudiy hǝlⱪigǝ ǝwǝtti.