3
Oƣul Musa pǝyƣǝmbǝrdin üstün
1 Xundaⱪ ikǝn, ǝy muⱪǝddǝs ⱪerindaxlar, ǝrxtin bolƣan qaⱪiriⱪⱪa ortaⱪ nesip bolƣanlar, ɵzimiz etirap ⱪilƣan Rosul wǝ Bax Ⱪaⱨin, yǝni Əysaƣa kɵngül ⱪoyup ⱪaranglar. ◘Ibr. 4:14; 6:20; 8:1; 9:11. 2 Huddi Musa pǝyƣǝmbǝr Hudaning pütün ailisidǝ hizmǝt ⱪilƣanda Hudaƣa sadiⱪ bolƣandǝk, umu ɵzini tǝyinlǝp hizmǝtkǝ Ⱪoyƣuqiƣa sadiⱪ boldi. ◼«Musa pǝyƣǝmbǝr Hudaning pütün ailisidǝ hizmǝt ⱪilƣanda Hudaƣa sadiⱪ bolƣandǝk...» — «Hudaning... ailisi» sɵzmusɵz tǝrjimisi «Hudaning ... ɵyi» bolup, Musa pǝyƣǝmbǝr zamanida bu sɵz arⱪiliⱪ Israil hǝlⱪi kɵzdǝ tutulƣanidi. Əysa kǝlgǝndin keyin pütün etiⱪadqilar jamaiti kɵzdǝ tutulidiƣan bolƣan.  ◘Qɵl. 12:7. 3 Lekin ɵyni bǝrpa ⱪilƣuqi ɵzi bǝrpa ⱪilƣan ɵydinmu artuⱪ xɵⱨrǝtkǝ sazawǝr bolƣinidǝk, Umu Musadin artuⱪ xan-xǝrǝpkǝ layiⱪtur. 4 Qünki ⱨǝmmǝ ɵyning bǝrpa ⱪilƣuqisi bardur; lekin pütün mǝwjudatning bǝrpa ⱪilƣuqisi bolsa Hudadur. ◘2Kor. 5:17,18; Əf. 2:10. 5 Musa bolsa hizmǝtkar salaⱨiyiti bilǝn Hudaning pütün ailisidǝ sadiⱪliⱪ bilǝn keyinki axkarilinidiƣan ixlarƣa guwaⱨliⱪ berix hizmitini ⱪilƣan. ◼«Musa bolsa hizmǝtkar salaⱨiyiti bilǝn Hudaning pütün ailisidǝ sadiⱪliⱪ bilǝn keyinki axkarilinidiƣan ixlarƣa guwaⱨliⱪ berix hizmitini ⱪilƣan» — Musa pǝyƣǝmbǝrning (Hudaning ailisi iqidǝ bolƣan) hizmiti kɵp jǝⱨǝtlǝrdǝ Mǝsiⱨ arⱪiliⱪ bolidiƣan nijatni aldin’ala kɵrsitixni ɵz iqigǝ alƣan. «Qɵl.» 12:7ni kɵrüng.  ◘Ⱪan. 18:15,18. 6 Lekin Mǝsiⱨ bolsa Hudaning ailisigǝ Oƣul salaⱨiyiti bilǝn ⱨɵküm süridu; wǝ ǝgǝr biz jasaritimiz wǝ ümidimizdin bolƣan iptiharliⱪni ahirƣiqǝ qing tutsaⱪ, dǝrwǝⱪǝ Hudaning axu ailisigǝ tǝwǝ bolƣan bolimiz. ◘Rim. 5:2; 1Kor. 3:16; 6:19; 2Kor. 6:16; 1Pet. 2:5.
 
Zǝbur, 95-küy — Etiⱪadsizliⱪ ⱨǝⱪⱪidǝ agaⱨlandurux
7 Xunga, muⱪǝddǝs yazmilarda Muⱪǝddǝs Roⱨning deginidǝk,
Bügün, ǝgǝr silǝr Hudaning awazini anglisanglar, ◘Zǝb. 95:7; Ibr. 4:7.
8 Əyni qaƣlarda Uni ƣǝzǝplǝndürüp, qɵl-bayawanda Uni siniƣan künidikidǝk,
Yürikinglarni ⱪattiⱪ ⱪilmanglar! ◘Mis. 17:2.
9 Mana xu yǝrdǝ ata-bowiliringlar Meni sinidi, ispatlidi ⱨǝm Mening ⱪilƣanlirimni ⱪiriⱪ yil kɵrüp kǝlgǝnidi.
10 Mǝn xu dǝwrdin bizar bolup: —
«Bular kɵnglidǝ daim adaxⱪanlar,
Mening yollirimni ⱨeq bilip yǝtmigǝn.
11 Xunga Mǝn ƣǝzǝplinip ⱪǝsǝm iqip: —
«Ular Mening aramliⱪimƣa ⱪǝt’iy kirmǝydu» dedim». ◼«Xunga Mǝn ƣǝzǝplinip ⱪǝsǝm iqip: — «Ular Mening aramliⱪimƣa ⱪǝt’iy kirmǝydu» dedim» — «Zǝb.» 95:7-11. «Mening aramliⱪim» — birinqidin Huda Israillarƣa wǝdǝ bǝrgǝn Ⱪanaan (Pǝlǝstin) zeminini kɵrsitidu. Misirdin qiⱪip qɵl-bayawanda ⱪiriⱪ yil sǝrsan bolup yürgǝn bir ǝwlad Israillar itaǝtsizlik ⱪilip u zeminƣa kirmigǝn. Ikkinqidin, xundaⱪla ǝng muⱨimi, «aramliⱪ» bolsa, pǝⱪǝt zeminni ǝmǝs, bǝlki Hudaning panaⱨi, yetǝkqiliki ⱨǝm xǝpⱪiti astida yaxaxni ɵz iqigǝ alidu (4-babnimu kɵrüng).  ◘Qɵl. 14:21-23; Ⱪan. 1:34; Zǝb. 95:7-11.
12 Əmdi ⱪerindaxlar, ⱨeqⱪaysinglarda yaman niyǝtlik wǝ etiⱪadsiz ⱪǝlb bolmisun, xundaⱪla uning mǝnggü ⱨayat Hudadin yüz ɵrümǝslikigǝ kɵngül bɵlünglar; 13 pǝⱪǝt «bügün»la bolidikǝn, ⱨeqⱪaysinglar gunaⱨning azduruxliri bilǝn kɵnglünglarning ⱪattiⱪlaxmasliⱪi üqün ⱨǝr küni bir-biringlarni jekilǝnglar. ◼«pǝⱪǝt «bügün»la bolidikǝn, ⱨeqⱪaysinglar gunaⱨning azduruxliri bilǝn kɵnglünglarning ⱪattiⱪlaxmasliⱪi üqün ⱨǝr küni bir-biringlarni jekilǝnglar» — bu ayǝttiki «bügün» yuⱪirida nǝⱪil kǝltürülgǝn «Zǝbur» 95-küydiki sɵz, ǝlwǝttǝ.
14 Dǝslǝptiki hatirjǝmlikimizni ahirƣiqǝ qing tutsaⱪla, dǝrwǝⱪǝ Mǝsiⱨ bilǝn xerik bolƣan bolimiz.
15 Yuⱪirida eytilƣinidǝk: —
«Bügün, ǝgǝr silǝr Hudaning awazini anglisanglar,
Əyni qaƣlarda Uni ƣǝzǝplǝndürgǝn künidikidǝk,
Yürikinglarni ⱪattiⱪ ⱪilmanglar!» ◘Ibr. 3:7.
 
16 (Əmdi Uning awazini anglap turup, Uni ƣǝzǝplǝndürgǝnlǝr kimlǝr idi? Musa pǝyƣǝmbǝrning yetǝkqilikidǝ Misirdin ⱪutulup qiⱪⱪan axu Israillarning ⱨǝmmisi ǝmǝsmu? 17 U ⱪiriⱪ yil kimlǝrgǝ ƣǝzǝplǝndi? Yǝnila xu gunaⱨ ɵtküzüp, yiⱪilip jǝsǝtliri qɵldǝ ⱪalƣanlarƣa ǝmǝsmu? ◼«U ⱪiriⱪ yil kimlǝrgǝ ƣǝzǝplǝndi? Yǝnila xu gunaⱨ ɵtküzüp, yiⱪilip jǝsǝtliri qɵldǝ ⱪalƣanlarƣa ǝmǝsmu?» — «Qɵl.» 14:29, 32ni kɵrüng.  ◘Qɵl. 14:36; Zǝb. 106:26; 1Kor. 10:10; Yǝⱨ. 5. 18 Xundaⱪla U kimlǝrgǝ Ɵz aramliⱪimƣa ⱪǝt’iy kirmǝysilǝr dǝp ⱪǝsǝm ⱪildi? Ɵzigǝ itaǝt ⱪilmiƣanlarni ǝmǝsmu? ◘Ⱪan. 1:34. 19 Xunga bulardin kɵrüwalalaymizki, ularning aramliⱪⱪa kirmǝsliki etiⱪadsizliⱪi tüpǝylidin idi).
 
 

◘3:1 Ibr. 4:14; 6:20; 8:1; 9:11.

◼3:2 «Musa pǝyƣǝmbǝr Hudaning pütün ailisidǝ hizmǝt ⱪilƣanda Hudaƣa sadiⱪ bolƣandǝk...» — «Hudaning... ailisi» sɵzmusɵz tǝrjimisi «Hudaning ... ɵyi» bolup, Musa pǝyƣǝmbǝr zamanida bu sɵz arⱪiliⱪ Israil hǝlⱪi kɵzdǝ tutulƣanidi. Əysa kǝlgǝndin keyin pütün etiⱪadqilar jamaiti kɵzdǝ tutulidiƣan bolƣan.

◘3:2 Qɵl. 12:7.

◘3:4 2Kor. 5:17,18; Əf. 2:10.

◼3:5 «Musa bolsa hizmǝtkar salaⱨiyiti bilǝn Hudaning pütün ailisidǝ sadiⱪliⱪ bilǝn keyinki axkarilinidiƣan ixlarƣa guwaⱨliⱪ berix hizmitini ⱪilƣan» — Musa pǝyƣǝmbǝrning (Hudaning ailisi iqidǝ bolƣan) hizmiti kɵp jǝⱨǝtlǝrdǝ Mǝsiⱨ arⱪiliⱪ bolidiƣan nijatni aldin’ala kɵrsitixni ɵz iqigǝ alƣan. «Qɵl.» 12:7ni kɵrüng.

◘3:5 Ⱪan. 18:15,18.

◘3:6 Rim. 5:2; 1Kor. 3:16; 6:19; 2Kor. 6:16; 1Pet. 2:5.

◘3:7 Zǝb. 95:7; Ibr. 4:7.

◘3:8 Mis. 17:2.

◼3:11 «Xunga Mǝn ƣǝzǝplinip ⱪǝsǝm iqip: — «Ular Mening aramliⱪimƣa ⱪǝt’iy kirmǝydu» dedim» — «Zǝb.» 95:7-11. «Mening aramliⱪim» — birinqidin Huda Israillarƣa wǝdǝ bǝrgǝn Ⱪanaan (Pǝlǝstin) zeminini kɵrsitidu. Misirdin qiⱪip qɵl-bayawanda ⱪiriⱪ yil sǝrsan bolup yürgǝn bir ǝwlad Israillar itaǝtsizlik ⱪilip u zeminƣa kirmigǝn. Ikkinqidin, xundaⱪla ǝng muⱨimi, «aramliⱪ» bolsa, pǝⱪǝt zeminni ǝmǝs, bǝlki Hudaning panaⱨi, yetǝkqiliki ⱨǝm xǝpⱪiti astida yaxaxni ɵz iqigǝ alidu (4-babnimu kɵrüng).

◘3:11 Qɵl. 14:21-23; Ⱪan. 1:34; Zǝb. 95:7-11.

◼3:13 «pǝⱪǝt «bügün»la bolidikǝn, ⱨeqⱪaysinglar gunaⱨning azduruxliri bilǝn kɵnglünglarning ⱪattiⱪlaxmasliⱪi üqün ⱨǝr küni bir-biringlarni jekilǝnglar» — bu ayǝttiki «bügün» yuⱪirida nǝⱪil kǝltürülgǝn «Zǝbur» 95-küydiki sɵz, ǝlwǝttǝ.

◘3:15 Ibr. 3:7.

◼3:17 «U ⱪiriⱪ yil kimlǝrgǝ ƣǝzǝplǝndi? Yǝnila xu gunaⱨ ɵtküzüp, yiⱪilip jǝsǝtliri qɵldǝ ⱪalƣanlarƣa ǝmǝsmu?» — «Qɵl.» 14:29, 32ni kɵrüng.

◘3:17 Qɵl. 14:36; Zǝb. 106:26; 1Kor. 10:10; Yǝⱨ. 5.

◘3:18 Ⱪan. 1:34.

© 2010 Mukeddes Kalam - Uyghur Bible Translation Committee