1 Tubuiyakuweyavo, wana vemwamwala-mowa faina yada Kauveya nodi waveseyana.†Fip 4:4 Gavana nagona gavetokilumina wagaimiya ada gavonayedi ani kaduwe gaitoma-dina seyadi gana luvagiledi. Aku keke dibuku gida soyoga wagaine, faina gina kivetoyogimi ada wana velubwaibwaina.

2 Wana itaveyabimi kaliva tufodi ilumodovemi ivona, “Kai nuwanuwami Yaubada yana yoo wagaine wanaluku, aga nagona yana iyaiyaya vovomi bubuna bwatana wana tomogoloina.” †Eba 17:1-14, Gug 7:8 ke anaailabama adiebakivemala Badi kaliva-dina taidei anafaiweya ivona ani vaita galuweta anafaiweya,**Badi meIsileli matadiya ani galuweta banae kevakeva-kavokavovo keke adivemoimoina, ada kaduwe matadiya badi keke meIsileli ani kaliva-kavokavovo. E ada badi meIsileli ani badi keke meIsileli ivewagadi ‘galuweta’. Aku taidei maita-nai wagaine Paulo vona-nai ananuwanuwa gikivilana kaduwe, ada givona badi gavega ivonaluyayala Mosese yana veimeya faina vaita badi keke meIsileli tomogolota idavai, ina badi ivegaluweta anafaiweya. Faina taide yadi dewa-nai ani keke iwakana Yaubada matane. ada gugai koyona ifaifaisewadi. Wana itaveyabimi biyavo-dina, kaliva vovodi ikikivekoyo-kavovodi. 3 Badi vovodi itomogoloina faina, ivetumagana vaita badi Yaubada yana yoo, aku keke. Au ideyavo ani tomogolota velemoena kanuwagana, ina yada dewa koyodi aseasedeya gitomogoloidi, e ada ide Yaubada yana kalivayavo velemoena. E, ide Aluwaluwa Tabuna yana lemeya kaoduodu Yaubada wagaine, ada kaduwe Yeisu Keliso wagaine kagakaikai. Ada keke taudeyavo yada gugai o adagiduwa**Taidei gugai-dina Paulo giifufuyedi ani meIsileli adigiduwa wagaidiya itunutunuvala. Paulo ani kwana Isileli, e ada gaitoma-dina meIsileli inuwaveyalaidi vaita yadi yegayegana Yaubada matane ivaivaidi e ada itunutunuvala wagaidiya, ani tuwaina Paulo kaduwe wagaidiya gitunutunuvala. Taidei gaitoma-dina ani giifufuyedi taide daba-nai anamaita 5 ke 6 wagaidiya. (Lom 2:28-29) kada nuwaveyalai vaita wagaidiya yada yegayegana Yaubada matane kavaivaidi e ada katunutunuvala wagaidiya, keke. Au Yeisu yana gugai gigugaiyena faideya ani taide wagaine katunutunuvala. 4 Aku kai badi inuwaveyalaina anafaiweya ada velemoena taudeyavo yada gugai o adagiduwa adifaiweya ina lemeda, aga anafata Iya kaduwe gada nuwaveyalaina anafaiweya. Kai tamo gaito ginuwanuwa vaita wa yana vuvu ke wagaidiya tauna yegayegana Yaubada matane, aku Iyayeku akufaiweya-mowa. 5 Waitana, Iya akuyadayada eita wagaine vovo anatomogolota gavaina.†Eba 17:12 Iya kwana Isileli,†2Kol 11:22 Beniyamina anaunuma wagaine gayegemona.†Lom 11:1 Kamakuweyavo nagona badiyavo Ibeliu e ada Iya Ibeliu velemoena. Ada Mosese yana veimeya anamuliya faine ani Iya Falisi adiyoo anakaliva.†Gug 23:6, 26:5 6 Keke wa yaku alamana velemoena faina, gavona sidamana, gavona, “Iya gana gugai toyogina Yaubada faine e ada Yeisu anatovetumagana adiyoo moyaidi gana kiveuloulolonidi.” Ada taidei anafaiweya gadewa.†Gug 8:3, 22:4, 26:9-11 Ada kaduwe Mosese yana veimeya matatabuna gaitaveyabi-moedi faina, keke tamo gaito anafata yaku dewa faina gida awavekoyoyeku. Iya au vaita kaliva yegayega-moeku.

7 Nagona gaitoma-dina faidiya ganuwanuwa vaita Iya kaliva wa akuyegana lakaina, aku malinai Keliso faina ganuwanuwayedi taumada wada gaitoma-kavokavovo.†Mad 13:45-46, Luk 14:33 8 Kaduwe keke taidei gaitoma-dina gagana ida vegaitoma-kavokavovo matakuya aku kaduwe gaitoma moyaina nodi. Aku gaitoma seya-moena lakaina wagaikuya ani yaku Kauveya Yeisu Keliso gana alamane-dewedewena ke nodi ana vetubuiyana.†Iyel 9:23-24, Iyo 17:3, 2Pi 1:3 Taidei Keliso-nai faine gaitoma-dina tuwaina akuyegana ikikivelakaina ani gadibusoyogedi. Wada wagaikuya ani vaita yogo. Gadibusoyogedi e ada Iya Keliso nodi ana veseyana 9 ke Iya Banae yana yoo. E ada Yaubada giseku yegayegaku Banae matane, aku vuvuna-nai ani keke Yaubada yana veimeya moyaina gaitaveyabi-dewedewedi faina, keke-mowa. Malinai Iya Keliso gavetumaganena, ada taidei vuvuna-nai faina yaku yegayegana ganuwagana Yaubada matane.†Lom 3:21-22 10 Yaku nunu ani Keliso gana alamane-dewedewena ke nodi ana vetubuiyana velemoena, ada toyogina-nai wagaine alikeya giyawa-vagila ani Iya nuwanuwaku kaduwe gana lutovonina. Ada kaduwe uloulolo moyaina ginuwagadi anafaiweya, Iya kaduwe tayuwe ulolo-dina gada nuwagadi Banae faine e ada uloulolo-dina wagaidiya Banae Iya nodi ana vetubuiyana velemoena. Ada Banae Tauna giawaegena alika wagaine anafaiweya, ani nuwanuwaku kadu yaku awaega anafaiweya. 11 E ada au taidei anafaiweya gana naunauwena analaba yaku nunu-nai gana luyabuna, e ada badi gavega Yaubada gina siveyawadi alika wagaine ani Iya nodi.†1Kol 15:23

12 Iya keke meyameyaganina ganavona vaita Keliso anaalamana bademowa gada luyabu, ada Keliso Toyegayegana-mowa anaveuluva anafaiweya, Iya yaku veuluva yegayega-moena. Keke-mowa. Malinai Iya au gavedivediwe faine.†1Tim 6:12,19 Aku yaku nuwanuwa toyogina evona gagaluvaluva ke ganadewa anafaiweya Yeisu, faina givenuwadadaneku Iya ganadewa anafaiweya Banae. 13 Tubuiyakuweyavo, keke gada nuwanuwa vaita Keliso bademowa gaalamane-dewedewena e ada Iya yaku veuluva ani anafaiweya Bana yana veuluva. Aku gaitoma seya-moena gagugaiyena ani taidei anafaiweya. Gaitoma-dina bademowa iyegemona ani gavenuwavuluyedi, aku ganuwanuwa toyogina gavana aimo ina yegemona faidiya. 14 E ada tovemadu anafaiweya, gavedivediwe ke vemadu anaebalauyabu gana nuwagana ke fataku gana nuwagana. Taine fataku-nai ani Iya Yeisu Keliso nodi aveseyana faina, Yaubada gidouweku ke yawai velemoena gana miyamiyanena gabameya Banae nodi.†1Kol 9:24 15 Ide gavega bademowa kaveasekumaga yada vetumagana wagaidiya, ani gilubodada kana nuwanuwa seyana gaitoma-dina gaifufuyedi faidiya.†1Kol 2:6 Aku kai imi gavega gavana faidiya wanuwanuwa tulina, aga Yaubada gina ivemogatalina wagaimiya. 16 Aku au gavana bademowa Keliso yana vewala wagaine kavaina ani kana mulimuliyena ke kana seyegemonena yada dewa wagaidiya.

17 Tubuiyakuweyavo, gilubodami moyaimi tavagikuya wananau.†1Kol 4:16, 11:1 Ada keke Iya akukaibe aku badi gavega yadi dewa anafaiweya Iyayeku, ani biyavo-dina ebaita iwakana imi wagaimiya, e ada yawaidi wanaita-dewedewena ke wana gaveuveuledi.†1Tes 1:7 18 Aku kaliva moyaidi awakebuladiya ivona vaita badi Yeisu ivetumaganena, aku yadi dewa koyona wagaidiya ivewala vaita badiyavo ani Keliso nibainavo ke yana alika keloseya ivegaitoma-kavokavovoyena. Biyavo-dina ani keke wana gaveuveuledi. Taidei kaliva-dina faidiya bademowa tova ke tova gaifufuyemi, ada malinai Iya nuwaku givita ke wa matailuku gavonevonemi kaduwe badi kaliva-dina faidiya. 19 Badi vovo ananuwanuwa wagaine taudiyavo iawaegedi, wada vaita vovo ananuwanuwa ani yadi yaubada, ada yaubada-dina wagaidiya ioduodu. Dewa koyona igugugaiyedi ada vaita ida vovomumu faina, aku taumada igakaikai ke babi ananuwanuwa gagana wagaidiya taudiyavo iawaege-moedi.†Lom 16:18 Ada taidei dewa-dina anafaiweya igugugaiyedi faina, yawaidi anaebalauyabu wagaine keke kibababala ina nuwaga aku au ulolo-vagata. 20 Aku ideyavo ani yada melala gabameya,†Efes 2:6,19 ada wa yada nuwavetumagana kaveitabodaboda adaTokibababala†1Kol 1:7 wadedeku-deya ginaelai, Banae yada Kauveya Yeisu Keliso. 21 Banae yana toyogina wagaine anafata ibuibubuna matatabuna gina veimeyedi. Ada toyogina-nai gina vegugaiyena ke taidei vovoda-nai ikabekabebena ke iavavaidi ani gina sivedavedamedi,†1Kol 15:43-53 e ada aimo vovoda anafaiweya Banae vovona wa anaiwakana mamalina.