1 Apre bagay sa yo, mwen te gade, e vwala, yon pòt ki louvri nan syèl la. Premye vwa m te tande a ✡Rev 1:10te tankou son yon twonpèt k ap pale avè m, ki t ap di: ✡Rev 11:12“Monte isit la, e mwen va montre ou sa ki dwe rive apre bagay sa yo.”

2 La menm, mwen te ✡Rev 1:10nan Lespri a. Epi gade byen, yon ✡I Wa 22:19twòn te kanpe nan syèl la, e yon moun te chita sou twòn nan. 3 Epi Sila ki te chita a te gen aparans yon pyè jasp ak yon sadwàn. Konsa, te gen yon ✡Éz 1:28lakansyèl ozanviwon de twòn lan, ak aparans yon emwòd. 4 Ozanviwon de twòn lan se te ✡Rev 11:16venn-kat twòn: epi ozanviwon de twòn yo, mwen te wè ✡Rev 4:10venn-kat ansyen yo chita, abiye an vètman blan, e kouwòn an lò sou tèt yo. 5 Sòti nan twòn nan se te gwo kout ekleraj, gwo son loraj, ak gwo kout tonnè. Konsa, te gen ✡Egz 25:37sèt lanp dife ki t ap brile devan twòn nan, ki se sèt Lespri Bondye yo. 6 Epi devan twòn nan, te gen yon bagay tankou yon lanmè glas kristal. Nan mitan e ozanviwon de twòn lan, kat kreyati vivan ✡Éz 1:18ranpli avèk zye pa devan kou pa dèyè. 7 ✡Éz 1:10Premye kreyati a te tankou yon lyon, dezyèm kreyati a te tankou yon ti towo bèf, twazyèm kreyati a te gen yon figi tankou yon moun, e katriyèm kreyati a te tankou yon èg k ap vole anlè. 8 Epi kat kreyati vivan yo, yo chak avèk sis zèl, ranpli avèk zye toutotou e anndan. San repo, lajounen kon lannwit, yo pa t sispann di: ✡És 6:3“Sen, sen, sen, se Senyè a, Bondye a, Toupwisan an, ki te la, ki la, e ki va vini an.”

9 Lè kreyati vivan yo fin bay glwa, lonè ak remèsiman a Sila ki ✡Sòm 47:8chita sou twòn lan, a Sila ki viv pou tout tan e pou tout tan an, 10 venn-kat ansyen yo ✡Rev 5:8,14tonbe devan Sila ki chita sou twòn lan pou adore Sila ki viv pou tout tan e pou tout tan an, e yo jete kouwòn yo devan twòn lan, pandan y ap di: 11 “Dign se Ou Menm, Senyè nou, e Bondye nou an, pou resevwa glwa, lonè ak pwisans; paske Ou te ✡Trav 14:15kreye tout bagay, e akoz volonte Ou, yo te egziste e te kreye.”