4
Ikɨn katos nəmeigiən o Uhgɨn ikɨn
Mətəu kitah u, Uhgɨn təməni-əskasɨk rəkɨs məmə kitah kotəhrun nuvəniən ima ikɨn katos nəmeigiən ohni ikɨn, kəni nəniəskasɨkiən u, tətəhtul əhanəh, materəh o tah. Tol lanəha, pəh kitah kotətəu itah, kəni motəgɨn məmə kitah kəti kol məta təsosiən nəmeigiən əha, mətəu-inu kitah kɨnotətəu rəkɨs nanusiən təuvɨr məmə Uhgɨn təmol əpenə-penə ikɨn kəti o nəmeigiən rəhatah, təhmen əmə məmə inu nətəmi aupən kəmotətəu nəghatiən lan. Mətəu nəghatiən əha, təməsasiruiən e lah, mətəu-inu ilah kəmautətəu əmə, məsotəhatətəiən lan. Kitah nətəm kəmotəhatətə əmə lan, kitah kotəhrun nuvəniən imə, ikɨn katos nəmeigiən ohni ikɨn. Mətəu rəha nətəmimi mɨn u nətəm kəsotəhatətəiən lan, Uhgɨn təməni məmə,
“Niəməha təmol iəu, kəni iəkos nonauvɨl kəti, məni məmə,
‘Ilah ko kəsəhuvəniən ikɨn katos nəmeigiən ikɨn ohniəu ikɨn.’ ”* Sam 95:11; Hip 3:11
Təməni lanəha, nati əpnapɨn məmə tɨnol əpenə-penə rəkɨs ikɨn katos nəmeigiən ohni ikɨn nian in təmətuəuin matol nəhue nɨftəni. Kitah kotəhrun məmə tɨnol əpenə-penə rəkɨs lan, mətəu-inu Nauəuə Rəha Uhgɨn in tətəghati e Sapət, mətəni məmə, “Təmol nəhue nɨftəni, kəni e nian səpɨn lan, Uhgɨn təməmeig e rəhan uək.” Jen 2:2 Mətəu ikɨn mɨn nəuvein e Nauəuə Rəha Uhgɨn, Uhgɨn tətəni məmə, “Ilah ko kəsəhuvəniən ikɨn katos nəmeigiən ohniəu ikɨn.” Sam 95:11
Tol lanəha, ikɨn katos nəmeigiən o Uhgɨn ikɨn əha, in tətatɨg əhanəh məmə nətəmimi okəhuvən ikɨn. Mətəu nətəmimi mɨn u aupən nətəm kəmotətəu nanusiən təuvɨr, ilah kəmotəmkarəpən e nuvəniən ikɨn katos nəmeigiən ohni ikɨn, mətəu-inu kəmotəhti nəuia Uhgɨn. Konu, uərisɨg lan, tol=pən Uhgɨn təmələhu mɨn nian kəti mɨn o nuvəniən ikɨn katos nəmeigiən ohni ikɨn. Nian əha, inu rəueiu. Uhgɨn təməni pətɨgəm nati u kəm Tefɨt məmə,
“Rəueiu əmə, onəkotəkeikei motətəlɨg e nəuian
məsotoliən rəhn-kapə təmah təskasɨk pɨk.”§ Sam 95:7-8; Hip 3:7-8
Nɨkitəmah təhti to suah u Josuə* Josuə in nərgɨn kəti e nəghatiən rəha Isrel. Kəni nərgɨn u Iesu, nərgɨlau təhmen-əhmen əmə e Josuə e nəghatiən rəha nətəm Kris. Nian Josuə təməfən nəmeigiən kəm nətəm Isrel əpəha Kenan, nəmiəgəhiən rəha Josuə in tətəgətun nati iətəm Iesu otəpanol, məfa nəmiəgəhiən pəhriən kəm tah. aupən. Nəmə Josuə təməfən nəmeigiən pəhriən kəm lah nian in təmit ilah məhuvən Kenan, konu Uhgɨn ko təsəni mɨniən məmə otələhu nian kəti mɨn məmə in nian rəha nuvəniən ima ikɨn katos nəmeigiən ohni ikɨn. Dut 31:7; Jos 22:4 Kəni tol lanəha, kəni in təməni nian pɨsɨn kəti mɨn, nian əha ikɨn tətatɨg əhanəh o rəhan nətəmimi məmə okəhuvən motos nəmeigiən, e noliən kətiəh əmə iətəm Uhgɨn təməmeig lanəha e rəhan uək mɨn aupən, e nian rəha Sapət. 10 Mətəu-inu iətəmi tatuvən imə məmə otos nəmeigiən u, in otəmeig e rəhan uək, təhmen əmə e Uhgɨn iətəm təməmeig e rəhan uək aupən. Jen 2:2; Hip 4:4 11 O nati u, kitah okotalkut əskasɨk məmə okəhuvən imə motos nəmeigiən u. Təsəuvɨriən məmə kitah kəti, otɨtəu=pən noliən rəha nətəm aupən nətəm kəmotəhti nəuia Uhgɨn, motəmei.
12 Mətəu-inu Nəghatiən Rəha Uhgɨn,§ 1Pitə 1:23; Aes 49:2; Nəh 19:13-15; Jon 12:48 in tətəmiəgəh məsanən e uək rəhan.* Aes 55:11; Jer 23:29 Kəni in təhmen e nau rəha nəluagɨniən tasɨlə e nɨkalɨn pəti mil. Efəs 6:17 In təhrun nətarerehiən materuh əhruahru nətəlɨgiən mɨn mɨne nɨkin pɨsɨn pɨsɨn mɨn e nətəmimi, təhmen əmə e nau iətəm tətətarereh materuh ikɨn tətəhtərain mɨn ikɨn e nɨkɨlkɨlitəmi mɨne nəhu imə ikɨn. In tətakil nətəlɨgiən mɨn mɨne noliən oneuən mɨn e nɨkitəmi. 1Kor 4:5 13 Uhgɨn tateruh natimnati mɨn rəfin e nəhue nɨftəni tətəməhli pətɨgəm əmə e nəhmtɨn. Kəni kitah okotəkeikei motəni pətɨgəm rəfin agɨn natimnati iətəm kəmotol kəm Uhgɨn u inu.§ Nəh 2:23
Iesu in təmuva pris asoli agɨn iətəm təuvɨr mapirəkɨs
14 Tol lanəha, pəh kitah kotaskəlɨm əskasɨk nəhatətəiən rəhatah iətəm kɨnotəni pətɨgəm rəkɨs, mətəu-inu kitah kautos pris asoli agɨn kəti rəhatah in iahgin. Inu Iesu, Nətɨ Uhgɨn, iətəm tɨnuvən rəkɨs imə e negəu e neai.* Hip 7:25 15 Rəhatah pris asoli agɨn, in Pris kəti iətəm tətətəu vivi nɨkitah, mətətəu vivi məmə otəhro itah kəsotəhmeniən; mətəu-inu natimnati rəfin iətəm tatek askəuvɨn itah e nəmiəgəhiən rəhatah, natimnati kətiəh mɨn əmə, kɨnotek askəuvɨn rəkɨs in e rəhan nəmiəgəhiən. Rəhatah pris asoli agɨn, in tɨnəhrun rəkɨs rəhatah nəpəouiən mɨn. Hip 2:17 (Mətəu nati kətiəh əmə ko, in təsoliən nati tərah kəti.) 16 O nati u, pəh kitah kəsotəgɨniən o nuvəniən iuəkɨr o jeə rəha kig u, Jeə rəha kig u, in Uhgɨn tətəharəg ikɨn, kəni mətarmənɨg, mətəu o natimnati mɨn iətəm Iesu təmol, jeə rəha kig u, in tətuva təhmen e Ikɨn Katɨlpɨn Niəməha rəha Uhgɨn Ikɨn iətəm Oltestɨmɨn tətəghati lan (Onəkafin e Eks 25:18-22; Lev 16:1-15). Ikɨn əha inəha, iətəm Uhgɨn tətasəkəhruin konu mətəhlman e nəuvɨriən rəhan ikɨn kəm tah kəni mətafəl rəkɨs noliən tərah mɨn rəhatah. In təhrun noliən e nɨra Iesu iətəm təmaiu o tah, kəni təmosiahu rəhan niəməha. tətəfən rəhan nəuvɨriən kəm tah. Kəni ikɨn əha, in otasəkəhruin itah, kəni məfa nəuvɨriən kəm tah e nɨkin agiən, e nian rəha nərahiən otuva o tah.§ Eks 25:18-22; Lev 16:2,14,15; Hip 9:5
 

*4:3 Sam 95:11; Hip 3:11

4:4 Jen 2:2

4:5 Sam 95:11

§4:7 Sam 95:7-8; Hip 3:7-8

*4:8 Josuə in nərgɨn kəti e nəghatiən rəha Isrel. Kəni nərgɨn u Iesu, nərgɨlau təhmen-əhmen əmə e Josuə e nəghatiən rəha nətəm Kris. Nian Josuə təməfən nəmeigiən kəm nətəm Isrel əpəha Kenan, nəmiəgəhiən rəha Josuə in tətəgətun nati iətəm Iesu otəpanol, məfa nəmiəgəhiən pəhriən kəm tah.

4:8 Dut 31:7; Jos 22:4

4:10 Jen 2:2; Hip 4:4

§4:12 1Pitə 1:23; Aes 49:2; Nəh 19:13-15; Jon 12:48

*4:12 Aes 55:11; Jer 23:29

4:12 Efəs 6:17

4:12 1Kor 4:5

§4:13 Nəh 2:23

*4:14 Hip 7:25

4:15 Hip 2:17

4:16 Jeə rəha kig u, in Uhgɨn tətəharəg ikɨn, kəni mətarmənɨg, mətəu o natimnati mɨn iətəm Iesu təmol, jeə rəha kig u, in tətuva təhmen e Ikɨn Katɨlpɨn Niəməha rəha Uhgɨn Ikɨn iətəm Oltestɨmɨn tətəghati lan (Onəkafin e Eks 25:18-22; Lev 16:1-15). Ikɨn əha inəha, iətəm Uhgɨn tətasəkəhruin konu mətəhlman e nəuvɨriən rəhan ikɨn kəm tah kəni mətafəl rəkɨs noliən tərah mɨn rəhatah. In təhrun noliən e nɨra Iesu iətəm təmaiu o tah, kəni təmosiahu rəhan niəməha.

§4:16 Eks 25:18-22; Lev 16:2,14,15; Hip 9:5