2
Nəniəhuiən iətəmi
o nuvəniən e naiəh
o nuvəniən e naiəh
1 Iesu in ilɨs pɨk. Tol lanəha, təuvɨr məmə kitah okotətəlɨg vivi e nati nak iətəm kitah kəmotətəu,* Rom 11:22 məmə nəghatiən eiuə mɨn u otəsələsiən itah təhmen e naiəh rəha nɨtəhi tatələs nəhlɨn. 2 Nəghatiən rəha Lou† Nəghatiən u tətəghati lan, in Lou rəha Mosɨs. iətəm nagelo mɨn kəmautəni pətɨgəm‡ Nətəm Isrel, ilah kəutəni məmə nagelo mɨn ilah suaru Uhgɨn təmaiu lan kəni məfən Lou kəm Mosɨs, kəni məutəni məmə ilah nagelo mɨn ilɨs pɨk pəhriən. Tol lanu, kitah koteruh nəghatiən asoli tətəgətun məmə Iesu in ilɨs pɨk agɨn tapirəkɨs nagelo mɨn. Uək 7:53. in nɨpəhriəniən, kəni nətəmimi ilah okotos nalpɨniən o nəhtiən nɨpɨlga Lou nati əpnapɨn iahgin uə təkəku agɨn. 3 ?Tol lanəha, kəni kitah okotəhro lanu motagɨm nəmə kitah kautol nati əpnapɨn əmə e nosmiəgəhiən asoli əha rəha Iesu? Nosmiəgəhiən u, Iərmənɨg Iesu təmaupən məni pətɨgəm, kəni nətəmimi mɨn u nətəm kəmotətəu, ilah kəmotəgətun kəm tah məmə in nɨpəhriəniən.§ Hip 10:28-29; 12:25 4 Uhgɨn təmatɨg mol mɨn nəfɨgəmiən o nəghatiən əha e noliən nəmtətiən mɨn, mɨne natimnati mɨn iətəm narmɨ nətəmimi tatiuvɨg ohni, mɨne nati apɨspɨs mɨn, mɨne nəfaiən nəsanəniən mɨn rəha Narmɨn Rəha Uhgɨn o noliən uək.* Mak 16:20
Iesu təmuva məhmen e pian mɨn
5 Nagelo mɨn ko kəsotarmənɨgiən e nəhue nɨftəni iətəm otəpanuva, iətəm kəutəghati lan.† Nətəm Isrel ilah kəutəni məmə nɨpəhriəniən məmə nagelo mɨn ilah kəutarmənɨg rəueiu ikɨn mɨn rəfin e nəhue nɨftəni. 6 Mətəu-inu Nauəuə Rəha Uhgɨn tətəni məmə,
“Iətəmimi in nati əpnapɨn əmə,
mətəu ik, nɨkim tətəhti in, ik nəsaluiən lan,
kəni ik nateh vivi nətɨ iətəmimi.‡ “nətɨ iətəmimi” — nɨpətɨn keiu: 1. iətəmimi 2. Iesu.
7 Ik nəmosiahu in, teiuaiu ləhtəni məkəku e nagelo mɨn,
konu məfən narmənɨgiən mɨne nepətiən mɨne nɨsiaiən kəm in.
8 Kəni ik məfən nepətiən məmə in otarmənɨg e natimnati rəfin.”§ Sam 8:4-6* Jen 1:26; Nəh 20:4,6; 22:5
Rəueiu əha, tətəni məmə, “natimnati rəfin,” nɨpətɨn u məmə Uhgɨn təsəpəhiən nati kətiəh mɨne məmə iətəmimi təsarmənɨgiən lan. Mətəu kitah kəsoteh əhanəhiən natimnati mɨn əha kəhuva. 9 Mətəu nati kətiəh kitah kauteh, inu Iesu, iətəm “e nian əkuəkɨr əmə nəmosiahu in teiuaiu ləhtəni məkəku e nagelo mɨn,” kəni rəueiu əha “kɨnəfən nepətiən mɨne nɨsiaiən kəm in” mətəu-inu in təmos nahməiən mɨmɨs o tah. Əuəh, e nəuvɨriən rəha Uhgɨn, Iesu təmɨmɨs o nətəmimi rəfin e nəhue nɨftəni.† Fɨl 2:8-9
10 Uhgɨn təmol natimnati mɨn rəfin mətəu-inu in təmolkeikei lanəha, kəni natimnati rəfin kəutatɨg=pən e nəhlmɨn.‡ Rom 11:36 Tol lanəha, in təuvɨr agɨn mɨne məhruahru məmə Uhgɨn təmol məmə Iesu otuva suaru o nosmiəgəhiən nɨmənin nətəmimi tepət kəhuva nenətɨ Uhgɨn məhuva motatɨg e nəhagəhagiən rəha nəuvɨriən mɨne nəsanəniən rəhan. Kəni təuvɨr məhruahru məmə e nətəlɨgiən rəha Uhgɨn, Iesu təkeikei mətəu nahməiən e nɨmɨsiən məmə in otuva iətəmi təhmen agɨn məmə otosmiəgəh ilah.§ Iesu Krɨsto in otəkeikei mos nahməiən məmə otəgətun məmə in tatuərisɨg e Uhgɨn nian rəfin. (Hip 5:8-9) In təmos nahməiən kəni mɨne nian iəkɨs, kəni in mɨmɨs. Mətəu nian rəfin, in tətəhatətə e Uhgɨn, kəni matol nəuian, kəni təməni-vivi Uhgɨn. In təməsəhti agɨniən nəuia Uhgɨn nian kəti mɨne, nian rəfin in tətɨtəu=pən əmə nəuia Uhgɨn nati əpnapɨn in tətatɨg e nərahiən. In təmuvən e nərahiən asoli tepət, mətəu in təmatol noliən təuvɨr mɨn əmə, konu in təhmen məmə otuva Iosmiəgəh rəhatah, mɨne in təhmen o nitiən itah məmə kəhuva nenətɨ Uhgɨn əhruahru mɨn, məmə kəhuva motol məmə in mɨne. (Hip 8:1-2; 12:2-3)* Hip 5:8-9; Luk 24:26; Rom 8:17; 2Təs 2:14; 1Pitə 5:1; Hip 2:7; 4:15
11 Iesu in tatol rəhan nətəmimi kotasim, məmə rəha Uhgɨn əmə, kəni mətafəl rəhalah noliən tərah mɨn.† Hip 13:12; Efəs 5:26 Kəni Iesu mɨne rəhan mɨn nətəmimi, rəhalah tatə kətiəh əmə. Tol lanəha, kəni Iesu in təsaulɨsiən məmə otauɨn e lah u məmə pian mɨn mɨne nəuvɨnɨn mɨn.‡ Mat 28:10 12 In təməni=pən kəm Uhgɨn məmə,
“Iəu, oiəkəni pətɨgəm ik mɨne natimnati mɨn iətəm ik nəmol kəm piak mɨn mɨne nəuvɨnɨk mɨn.
Oiəkani nəpuən məni-vivi ik e nuhapumɨniən asoli e nəhmtɨlah.”§ Sam 22:22
13 In tətəni mɨn məmə,
“Iəu oiəkələhu=pən nəhatətəiən rəhak e Uhgɨn.”* Aes 8:17
Kəni mətəni mɨn məmə,
“Iəu u, itɨmah kəlkələh mɨn iətəm Uhgɨn təməfa kəm iəu.”† Aes 8:18; Jon 10:29
14 Kəlkələh mɨn əha, Iesu tətəghati e lah, ilah nɨpətɨlah mɨne nɨralah əha ikɨn. Ilah u nətəmimi agɨn mɨn. O nati u, Iesu təməkeikei muva e nəhue nɨftəni mos nɨpətɨn mɨne nɨran təhmen əmə e lah, məmə in otuva pialah pəhriən.‡ Jon 1:14 Təmol lanəha məmə in otɨmɨs, kəni nɨmɨsiən rəhan, in otoharɨs oharɨs nəsanəniən rəha Iərmɨs u Setən, iətəm tətaskəlɨm nəsanəniən rəha nɨmɨsiən.§ Jen 3:15; 1Kor 15:54-57; 2Tim 1:10; 1Jon 3:8 15 Nətəmimi kəutəgɨn e nɨmɨsiən,* 2Tim 1:7 nəgɨniən rəhalah tətaskəlɨm-ərain ilah nian rəfin, təhmen əmə məmə ilah slef mɨn. Mətəu Iesu in təmɨmɨs məmə otiuvi rəkɨs nətəmi mɨn u, məmə səniəmə ilah slef mɨn. In təmɨtɨs ilah. 16 Kotəhrun əsas məmə səniəmə in təmasiru e nagelo mɨn, mətəu in təmasiru e nəuanɨləuɨs mɨn rəha Epraham.† Aes 41:8-9; Luk 3:8
17 Iesu təkeikei mos nɨpətɨn mɨne nɨran lanəha, məmə in otuva mol təhmen e pian mɨn e noliən mɨn rəfin,‡ Fɨl 2:7; Hip 2:10; 4:15; 5:1,8-9 məmə in təhrun nasəkəhruiniən§ Hip 5:2 itah, kəni kəutarəriə lan. In otəkeikei muva mol lanəha, təgətun məmə in pris asoli agɨn pəhriən, tatol uək rəha Uhgɨn, kəni məmə in otɨlpɨn niəməha rəha Uhgɨn. 18 Kəni rəueiu əha, nian Setən təfən-əfən kəm lah, kəni Iesu təhrun nasiruiən e lah, mətəu-inu in mɨn, in tɨnətəu rəkɨs nahməiən nian Setən təməfən-əfən=pən kəm in.* Hip 4:15
†2:2 Nəghatiən u tətəghati lan, in Lou rəha Mosɨs.
‡2:2 Nətəm Isrel, ilah kəutəni məmə nagelo mɨn ilah suaru Uhgɨn təmaiu lan kəni məfən Lou kəm Mosɨs, kəni məutəni məmə ilah nagelo mɨn ilɨs pɨk pəhriən. Tol lanu, kitah koteruh nəghatiən asoli tətəgətun məmə Iesu in ilɨs pɨk agɨn tapirəkɨs nagelo mɨn. Uək 7:53.
†2:5 Nətəm Isrel ilah kəutəni məmə nɨpəhriəniən məmə nagelo mɨn ilah kəutarmənɨg rəueiu ikɨn mɨn rəfin e nəhue nɨftəni.
‡2:6 “nətɨ iətəmimi” — nɨpətɨn keiu: 1. iətəmimi 2. Iesu.
§2:8 Sam 8:4-6
*2:8 Jen 1:26; Nəh 20:4,6; 22:5
§2:10 Iesu Krɨsto in otəkeikei mos nahməiən məmə otəgətun məmə in tatuərisɨg e Uhgɨn nian rəfin. (Hip 5:8-9) In təmos nahməiən kəni mɨne nian iəkɨs, kəni in mɨmɨs. Mətəu nian rəfin, in tətəhatətə e Uhgɨn, kəni matol nəuian, kəni təməni-vivi Uhgɨn. In təməsəhti agɨniən nəuia Uhgɨn nian kəti mɨne, nian rəfin in tətɨtəu=pən əmə nəuia Uhgɨn nati əpnapɨn in tətatɨg e nərahiən. In təmuvən e nərahiən asoli tepət, mətəu in təmatol noliən təuvɨr mɨn əmə, konu in təhmen məmə otuva Iosmiəgəh rəhatah, mɨne in təhmen o nitiən itah məmə kəhuva nenətɨ Uhgɨn əhruahru mɨn, məmə kəhuva motol məmə in mɨne. (Hip 8:1-2; 12:2-3)
*2:10 Hip 5:8-9; Luk 24:26; Rom 8:17; 2Təs 2:14; 1Pitə 5:1; Hip 2:7; 4:15
§2:12 Sam 22:22
*2:13 Aes 8:17
§2:14 Jen 3:15; 1Kor 15:54-57; 2Tim 1:10; 1Jon 3:8
‡2:17 Fɨl 2:7; Hip 2:10; 4:15; 5:1,8-9