1 ✡Pwov 16:9Plan kè a sòti nan lòm;

men repons a lang lan sòti nan SENYÈ a.

2 Tout chemen a yon nonm pwòp nan zye pa li;

men SENYÈ a peze sa k nan kè l.

3 ✡Sòm 37:5Konsakre tout zèv ou yo a SENYÈ a,

e plan ou yo va etabli.

4 SENYÈ a te fè tout bagay pou pwòp sèvis li;

menm ✡Wo 9:22 mechan yo pou jou jijman an.

5 Tout sila ki gen kè ògèy, abominab a SENYÈ a;

anverite, li p ap chape anba pinisyon.

6 Pa ✡Dan 4:27lanmou dous avèk verite, inikite lave;

e pa lakrent SENYÈ a moun chape anba mal.

7 Lè chemen a yon nonm fè SENYÈ a kontan,

✡Jen 33:4l ap fè menm lènmi li yo vin anpè avè l.

8 Pi bon se piti ak ladwati

pase gwo kòb k ap antre avèk enjistis.

9 Panse a lòm fè plan pou wout li;

men ✡Sòm 37:23 SENYÈ a dirije pa li yo.

10 Se desizyon diven ki nan lèv a wa a;

bouch li pa dwe fè erè nan jijman.

11 Yon balans ki jis apatyen a Bondye;

li veye sou tout pwa nan sak yo.

12 Se abominab pou wa yo komèt zak mechan,

paske yon ✡Pwov 25:5twòn etabli sou ladwati.

13 Lèv ki dwat se plezi a wa yo;

e sila ki pale dwat, vin renmen.

14 Kòlè a yon wa se tankou mesaje lanmò;

men yon nonm saj va kalme li.

15 Nan vizaj a yon wa briye lavi;

e favè li se tankou yon nwaj avèk lapli prentan.

16 A la bon li pi bon pou resevwa sajès pase lò!

Pito nou jwenn bon konprann pase ajan.

17 ✡És 35:8Gran chemen a moun dwat la se pou kite mal;

sila ki veye chemen li an prezève lavi li.

18 Ògèy ale devan destriksyon

e yon lespri ògèy devan moun kap tonbe.

19 Li pi bon pou rete ✡Pwov 3:34enb nan lespri avèk sila ki ba yo,

pase divize piyaj ak moun ògeye yo.

20 Sila ki bay atansyon a pawòl la va jwenn sa ki bon;

beni se sila ki mete konfyans li nan SENYÈ a.

21 ✡Os 14:9Moun saj nan kè va rekonèt kon moun bon konprann;

e dousè nan pale va ogmante kapasite konvenk moun.

22 Bon konprann se yon fontèn dlo lavi pou sila ki genyen l;

men pou disipline moun ensanse yo se foli.

23 ✡Sòm 37:30Kè moun saj la enstwi bouch li;

li ogmante pouvwa l pou konvenk moun ak lèv li.

24 ✡Sòm 19:10Pawòl agreyab se yon nich gato siwo myèl;

dous pou nanm nan, ak gerizon pou zo.

25 ✡Pwov 12:15Gen wout ki parèt bon a yon nonm;

men fen li se lanmò.

26 Apeti a yon ouvriye fè byen pou li;

paske se grangou ki ankouraje l.

27 Yon ✡Pwov 6:12-18sanzave fòmante mechanste;

pawòl li yo brile tankou dife wouj.

28 Yon nonm pèvès gaye konfli,

e yon nonm k ap bay kout lang ap separe bon zanmi yo.

29 Yon nonm vyolan ✡Pwov 1:10ap tante vwazen li

pou l mennen li nan move chemen.

30 Sila kap bay je dou, fè l pou l kab mennen bagay pèvès;

sila ki fèmen sere lèv li, fè mal la rive.

31 Yon ✡Pwov 20:29tèt blanch se yon kouwòn laglwa;

li jwenn nan chemen ladwati a.

32 Sila ki lan nan kòlè a pi bon pase pwisan yo;

e sila ki gouvène lespri li a pi bon pase sila kap kaptire yon gran vil.

33 Tiraj osò fèt nan fon wòb;

men tout desizyon ki sòti, sòti nan SENYÈ a.