1 O ke Ou ta chire syèl yo,

ke Ou ta desann,

ke mòn yo ta ✡Jij 5:5tranble devan prezans Ou—

2 tankou dife anflame touf bwa chan an,

tankou dife fè dlo bouyi.

Fè non Ou rekonèt a advèsè Ou yo,

pou ✡Sòm 99:1nasyon yo ka tranble devan prezans Ou!

3 Kon lè Ou te fè ✡Sòm 65:5 bagay mèvèy ke nou pa t prevwa yo;

Ou te desann.

Mòn yo te tranble devan prezans Ou.

4 Depi nan jou ansyen yo, ✡I Kor 2:9yo pa t tande ni sezi ak zorèy,

ni zye pa t wè yon Bondye sof ke Ou,

k ap aji pou sila k ap tann Li an.

5 Ou rankontre avèk sila ki rejwi a nan fè sa ki dwat,

ki sonje Ou nan chemen pa Ou yo.

Gade byen, ✡És 12:1Ou te fache paske nou te peche,

nou te kontinye nan peche pandan anpil tan.

Èske nou va sove?

6 Paske nou tout te vini tankou yon moun ki pa pwòp.

Tout ✡És 46:12zèv ladwati nou yo tankou yon rad ki sal nèt;

konsa, nou tout vin fennen kon yon fèy,

e inikite nou yo tankou van, pote nou ale.

7 Nanpwen moun ki rele non Ou,

ki leve pou atache a Ou menm;

paske Ou te ✡Det 31:18kache figi Ou a nou menm

e te livre nou nan pouvwa inikite nou yo.

8 Pou sa, O SENYÈ, Ou se Papa nou,

nou se ajil la e se Ou ki met kanari a;

nou tout se ✡Sòm 100:3zèv men Ou yo.

9 Pa vin fache depase, O SENYÈ,

✡És 43:25ni sonje inikite nou yo pou tout tan.

Gade byen, gade koulye a, nou tout se pèp Ou a.

10 ✡És 48:2Vil sen Ou yo te vin yon dezè;

Sion te vin yon dezè,

Jérusalem yon kote dezole.

11 ✡II Wa 25:9Bèl kay sen nou an,

kote papa nou yo te ba Ou lwanj yo,

te brile ak dife;

epi tout bagay ki te chè a nou menm te vin kraze nèt.

12 Èske Ou va ✡Sòm 74:10ralanti Ou menm, devan bagay sa yo, O SENYÈ?

Èske Ou va rete an silans e bannou lapèn ki depase mezi a?